الله يسهلك أمورك وحاولي توزعي الأعلان أكثر وكل بعد فتره وزعي بالذات في الاجازات
كثري من الأستغفار بنيه الربح الحلال وادعيلي أنا وعيالي بالستر والعافيه
ربي لاتذرني فردا وانت خير الوارثين

يا غ ـروب

لا تشكي لي لأبكي لك
الحال من بعضه وأنا أختك

بأقول لك عن تجربتي عشان تستفيدين
لي هالحين فاتحة المشغل سنة كاملة
أول ما فتحته كنت رافضة رفض قاطع الإستقدام
لإن ما كان عندي سكن للعاملات
ولا كان عندي إمكانية إني أعيشهم على حسابي
فخليت المشغل باب رزق للسعوديات
أي واحدة عندها موهبة في التجميل وفي الشعر أتعاقد معاها
وكان طبعاً زيك بالراتب
وطبعاً للأسف الشديد أكثر السعوديات ما يثقون في مهارة بنات جنسهم
وجلست أهش الذبان أنا وعاملاتي
لو جات واحدة في الأسبوع مرة .. نعمة من الله

الغلطة مو غلطة تعيين السعوديات
ولكن الغلطة غلطة تعيينهم بالراتب
لإنك تحملين نفسك فوق طاقتها
لما يكون المنصرف أكبر بكثير من الدخل
فعلى طول الشهر الثاني .. تعاملت معاهم بالنسبة
ولله الحمد كانوا جادات في حرصهم على العمل ووافقوا بالنسبة
وشرطت عليهم .. إذا ما جاتك زبونة فما هو ذنبي
ورزقي ورزقك على الله

بعدين صار الوضع مرة مو شيء عادي
يعني لو أقول لك سيء قليل
رغم إني ولله الحمد شغلي ماشي
( التنسيق والأعمال الفنية والكوش والمداخل ووو )
لكن الصالون .. ما عندك أحد

آخر شيء أجرته على واحدة مغربية
شاطرة ولهلوبة ولها سمعتها في البلد
وزباينها يروحون لها وين ما تروح
( ما شاء الله تبارك الله )
وريحت دمااااااااااااا اااااااغي

اللي حابة أقوله لك

إنه في البداية لازم يكون لعاملاتك سمعة حلوة
تجذب الزبائن لك
يعني حاولي مثلاً تروحين لقاعة من قاعات الأفراح
وتطرحين عليها فكرة التعاون بينك وبينهم في كل فرح
وبعد كذا كل زبونة تجر زبونة

ولا تتورطين في الرواتب أبداً
هالحين كل المشاغل بالنسبة
إلا إذا كانوا عاملاتك إستقدام فهذا شيء آخر

الله يوفقك
وتأكدي .. إن الرزق بيد الله تعالى


ملاحظة :
الأخت سحاب بارك الله فيك .. وكثر الله من أمثالك
الحمدلله وبفضل من الله شعاري في مشغلي :
لا لكل ما يغضب الرب
لا للنمص
لا للتشقير
لا للتوصيل
الله يجزاكم خير ويرزقنا وياكم الرزق الحلال
شي طبيعي هالفتر ركود نوعاً ما ..
وبعدين مشغلك جديد يبي لك وقت على ماالزباين يثقون في شغل العاملات وياخذ سمعه ..
اطبعي كروت ووزعيها وربي يرزقك ان شاء الله من واسع فضله ,,,


الساعة الآن 10:09 .