Analysis Services
ههههههههه انتوعطونى الفلوس وانا اوريكم شسوى فيها عن نفسى انا اجيب كوكاو تقديم من لبنان وازينه وابيع لانه الكوكاو حق الاستقبالات والولاده والاعراس اهو اللى ماشى سوقه ووزع كروت حق جيرانى واصحابى واللى يعز عليى او افتح محل وحطليى فيه فلبينيه وشوفو شلون يمشى تبون الصج مو ماشى بالسوف الا البلعه يعنى بالاصح الاكلات والمطاعم اهى اللى اتربح مثلا اسويلى قائمه بالبوفيهات اللى اطبخها وحطلى طباخات يطبخونها للبوفيهات والافراح ودمتم سالمين بس ورونى الفلوس يم يم يم
03-03-1425 هـ, 11:24 مساءً
 
اختي smaaa
والله ضحكتيني حلوه مش ماشي الا البلعه

انافكرت مره افتح مطعم مشالله علي تبارك الرحمن ام المشاريع ههههههه بس مش اي مطعم يعني فكرت اجيب وكالة مطعم راقي واتفقنا انا وشخص على هالشي

بس لحين الموضوع شوي مؤجل لان احنا محتارين بين المطعم وبين وكالة تجميل
04-03-1425 هـ, 12:06 مساءً
 
يالله عااااااااد عن الكسل ابي رايكم
08-03-1425 هـ, 12:37 صباحاً
 
سلام عليكم اخت ماوية..

بالنسبة للافكار انا عندي افكار حلوة.. وانشاء الله تستفيدن..واذا تبغين اي مساعدة انا جاهزة..

الفكرة الأولى.. فكرة ملابس النوم راائعة او حتى الملابس الجاهزة مثل البدل والتنانير.. هذه فكره ناجحة 100% ، بالنسبة ان السعر يكون غالي.. انا اعرف واتعامل مع محلات عندنا في الامارات اسعارهم حلووووة وماركات.. يعني التنورة اللي في محل زارا ب 200 تحصليينه في المحل اللي اتعامل انا اتعامل معها ب 80 درهم والجملة يكون ارخص..واذا تبغيت تعرفين اكثر عن ماركة الملابس وقمصان النوم ارسلي لي رسالة وانا انشاء الله بفيدك، وعندي الاستعداد اتعاون معاك..

الفكرة الثانية.. انك تفتحين محل تشكيل سلات ورود، وتزين سلات الحلويات، تجهزين حلويات للاعراس باسعار عادية وانشاء الله تربحين 100%، يعني سلة الورد اللي ينباع ب150 انتي بيعة ب 100 او 70 وتكونين ربحانة، كل اللي تحتاجينه عاملة تكون شاااطرة في هذه الشغالات شهرياً تعطينه تقريبا 1000 وهي تضبط لك كل شي والورود من تايلاند ..اذا تبغين عاملة شاطرة في هذه الشغالات اقدر ادبرها لك وهذه ممتازة

الفكرة الثالثة : تفتحين محل تجميل، بس ما تبيعين مكياج، انا اشوف من الافضل تبعين كريمات طبيعية او كل شي يخص الطبيعة من كريمات وزيوت وعطور كلها طبيعية او تخص الطبيعة وتكونين بعيدة عن مستحضرات التجميل الكيماوية..انا من فترة طويلة افكر بهذا الموضوع بس للاسف الشديد ما عندي راس مال، وفي نفس المحل تقدرين تفتحين قسم للملابس الداخلية..
على فكرة هذه الافكار عطيته حق صديقتي وماشاء الله عليهم بدوا وهم مستأنسين
انشاء الله تستفيدين، وانشاء الله اذا حصلت افكار ثانية برسل لك
08-03-1425 هـ, 01:24 صباحاً
 
مشالله اختي الحبيبه ردك شافي وحلو

مشكوره ماقصرتي

بس شوفي الخاص
08-03-1425 هـ, 01:25 مساءً
 


الساعة الآن 01:37 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏