بسوي دار ضيافه صغيره فيها اركان جلسات مختلفه شي كلاسيك وشي شعبي وسدو شي ملون الوان غريبه واجمل المكان بالعصافير والاسماك الزينه والنباتات الطبيعيه وصوت الاناشيد وخرير الماء احس بيكون روعه ياليت يتحقق هذا الحلم وفيه بوفيه يقدم عصير وقهوه وحلى وشاي ومعجنات وكل اللي تشتهينه ويكون فيه ركن للبيع تحف ادوات تجميل اكسسوارات اي شي وتغليف هدايا واي فكره نضيفها بعد ويكون للنساء فقط وفيه صاله العاب للاطفال0
فكره حلوه اختي بروع

تسلمين
نادي نسائي ... مع مراعاة الحدود لشرعيه ويكون فيه كوفي شوب وحضانه اطفال وصالة العاب للصغار

امنيه عندي اسوي هالمشروع بس يبيله راس مال كبير و موقع مميز ...

وش رايك !!!
لوعطوني فلووس
استثمرها بالاسهم
الصراحه عجبني الموضوع كثير 00 لاني صارلي سنه افكر اسوي مشروع ومحد راضي يعطيني افكاروانا
مخي قفل 00 كانت امنيتي اسوي مشغل >> في بدايه الامر اجيب خياط هندي واعطيه كم تصميم لدراعات واعرضها
يعني البسها انا وخواتي مثلا واذا عجب الناس ابدا اسوي كم قطعه واعرضها في المحل ويكون الخام من عندي او عند الزبونه حسب الرغبه 000 بس للاسف ما كان عندي مكان في البيت وهذا اللي عطل مشروعي 00 وبنفس الوقت ماشاءالله عندنا في الكويت صار في زحمه مشاغل 00 يعني تقريبا كل شارع تلقين فيه على الاقل 3او4 مشاغل نسائيه داخل البيوت طبعا واذا رحتي سوق الاقمشه تلقين هالحريم يشيلون من طاقات الخام اللي مترها يجي ب750 فلس يعني حوالي 8 ريال فتخيلي الطاقه بكم >> تكون ارخص طبعا ويفصلون منها دراريع والدراعه يبيعونها باكثر من 100 دينار >> والناس تشتري لان مالهم خلق يفرون عالخام ويدورون موديلات عندهم يقطون فلوسهم اهون عليهم 0000 فكرت بعدين اخلي المشغل حق شغل المدارس 00 يعني مدرسات الاقتصاد المنزلي دايما يسوون معارض والاحظ انهم يحبون الشغل الجاهز عشان مايتعبون عمارهم وبنفس الوقت يحبون يغيرون مختبراتهم كل سنه غير انتاج الطالبات اللي مطالبين فيه 0000 ففكره حلوه اذا جبتي فلبينيه وكم كتالوج مع شويه افكار من الانترنت ووزعتي كروت على المدرسات راح تجيج طلبيات بالهبل تسوين ستاير على شويه مفارش على كوشيات تابلوهات ومن هالسوالف 00 وهذا مايحتاج لراس مال كبير 00
بس للحين ماحسيت اني وصلت للي ابيه 00 حاليا افكر بفكره ثانيه 00 بما ان الاجازه على الابواب فانا افكر اني اسافر واجيب بضاعه من بره وفي دولتين مفكره فيهم >> تايلند لانها مشهوره بتقليد الماركات من شنط وساعات 00
>> ودبي لاني اعرف ناس يجيبون منها بضايع ومشالله سوقها ماشي واغرتني اكثر اختي حبيبه بكلامها وياليت تدزيلي برساله خاصه عن المحلات اللي تقولين عنها لاني افكر فعلا اني ازور دبي على شهر 7 ان شاءالله واجيب بضايع فياريت تفيديني 0000 وبعد مااكون راس المال القوي ابدا بمشروع اقوى

وادري طولت عليكم 0000 سامحوني


الساعة الآن 01:46 .