Analysis Services
  • «
  • <
  • 1
  • 2
  • 3
  • 4
  • >
  • »
ياحياللله بالشلة كلها ........ المسافرة وبسر برحي وأم خالد والباجي لايهونون (طبقا اللي تطمشون يقرون من غير مايشاركون) ...

البرحي آنا أعرفه عدل مدل وأموت عليه بس إستغربت من كلمة بسر ... والحين خلاص فهمت المعنى .. والاسم طبعا طالع على صاحبته يهبل بصراحة ....

ولو ياام خالد ليش الاسف ... عادي كل واحد ....

الحين خلاص المقادير إضبطت .. وليجربتها بخبركم إنشاءالله ... بس تعالي بسر برحي إنت مجربتها ... تصدقين من كثر ماجربت من المنتدى وقطيت قمت ماأحب اجرب أي شي محد مجربه قبلي ... ياليت تقوليلي علشان أتطمن ..
29-02-1425 هـ, 09:14 صباحاً
 
صبحك الله بالخير رقيقه عاد حرام عليك ها الكيكه ماقد سويتها الله
يهديك تعبت من كثر ما سوي حلويات تصدقين اكثر مشترواتي لانزلت السوبرمركت
للحلى زوجي يضحك على يقول لو نحسب الفلوس اللي نشترى فيها اغرض الحلى
كان صار عندنا عمارات خلاص ادمنت تصليح الحلى وماعرف اطلع من البيت الا
وانا مسويه حلى زوجي يقول ماتعرفين تطلعين من البيت ويدينك فاضيه لازم ها الصواني
ويوم اشوف بعض الحريم يقولون والله ماقد سوينا حلى ولانعرف لا شتهينا حلى شرينا من
برا جاهز فاضين نقعد نسوي اقول ماشاء الله عليهم مرتاحين قولي لي رقيقه هم احسن والا
حنا اللي شاطين اعمرنا بتزيين الحلويات بس عاد انا اقول انهن الله يخلف مايعرفن يصلحن
واذا جبت لهن حلى لو كان عادى انهبلو عليه وطاحو فيه وقول والله انهن عجازات والله
اني افرح لاسويت حلى ونهبلو عليه اهلي او اهل زوجي والا عاد لا سويت حلى وقال
زوجي قايلك خل افتحلك محل حلويات والله ينهبلون الناس عليه اتشقق هههههههههه
عاد انا طولت عليك السالفه وتلقينك تقولين ماصارسؤال وقصة قصة حياتها هههههه


بس انقهر من اللي يقولون والله ماقد سوينا حلى فاضين ........
29-02-1425 هـ, 11:43 صباحاً
 
يحليلج والله وياحلات سوالفج يابرحي ... تصدقين عاد آنا ساعات أشتري وساعات أسوي ... ومثلج لمن الاهل وزوجي يقولون حلو أتشقق حدي ....
ولما مايعجبني أدري إن ماراح يعجب أحد أتصرف فيه قبل لايشوفونه حتى .... عاد الحين قررت ماأسوي شي إلا لما أتاكد وايد مسوينه علشان مااتوهق ...

وخلاص دام إنج ضامنة هالكيكة بسويها إنشاءالله وبخبرج لأن من زمان نفسي فيها .. وكنت ناوية آخذ طريقة كيكة عادية إسفنجية أكون مجربتها مضمونة وأحط عليها قرفة وخلاص .. بس قلت خليني أسأل قبل لاأجرب وأقطها بالآخر ...

مشكورة ياعمري
29-02-1425 هـ, 12:16 مساءً
 
بسر برحي
سويت الكيكة مالتج وطلعت حلوة ... ومضبوطة وكل شي ... بس موهذي اللي آنا أقصدها حبيتها تكون هشة وإسفنجية ... هذي غير ...
حبيت أكون عند وعدي وأقولج بتجربتي .. ومشكورة
06-03-1425 هـ, 11:46 صباحاً
 
اختي المسافرة

ممكن طريقة كيكتج اللي في الصورة؟؟
16-02-1427 هـ, 06:56 صباحاً
 


الساعة الآن 10:33 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏