ابغي طريقة المولخية بالفراخ ودي اذوقها احس انها شهية
15-05-1430 هـ, 04:55 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم ورحمه الله وبركاته

كيفككك ياقممممر

شوفى حبيبتى انا هنا بالكويت بستخدم المجمده وبتطلع حلوه زى الفريش بالظبط

اولا الفراخ تسلقيها عادى جدااا وطبعا ممكن تستخدمى لحم او ياسلاااااام لو بالبط او الارانب

هتكونى مجهزه 6-7 فصزص ثوم معاهم قرن فلفل اخضر شطه اذا حبيتى وحبه صغيره جداااا كسبره ناشفه حب

اطحنيهم سوا لحد مايبقوا نعاميييين

كيس الملوخيه المجمد هتحطيه على لتر شوربه يعنى اربع كوبايات اكتر من كده الملوخيه بتكون خفيييفه

طبعا الشوربه سخخخنه تحطى الثوم على النار لحد مايشقر اوووعى يحمر جامد منك ..وطبعا التحمير يكون بسمن وياحبذا لو سمن بلدى وااااااااااااو


تحطيه على الشوربه وبعدين تحطى قالب الملوخيه وتهدى النار وتفضلى كل شويه تقلبى لحد ما الملوخيه تسيح

طبعا فيه طريقه تانيه وهى انك بتحطى الملوخيه على الشوربه والثوم فى الاخر خالص بس طريقتى اتعلمتها من حماتى بصراحه احلى كتييير بتدى طعم لذيذ للشوربه

طبعا النار بتكون هاديه واوووووعى تغطيها ابدااااااا لانك لو غطيتى الحله الملوخيه تسقط بقعر الحله

هى يادوب غلوتين وبس طفى النار عليها واغرفيها وقدميها مع رز بالشعريه او بالخبز وبالف هنا وشفا

طبعا الفراخ حمريها وقدميها جنبها
15-05-1430 هـ, 05:18 مساءً
 
مشكور يعطيك العافية يعني الفراخ ماتكون ممزوجة مع الموخلية
15-05-1430 هـ, 05:21 مساءً
 
لا ياجميل الفراخ كل مهمتها ان تكون شوربه وبس هههههه

تطلعيها من الشوربه وتحمريها وبس
15-05-1430 هـ, 05:27 مساءً
 
السلام عليكم

الملوخيه بالفراخ .. عندنا في مصر نعملها بالارانب او بالفراخ وهي طعمها احسن بالارانب

الطريقه:

اولا تغسلي الفراخ أو الارانب جيدا.. وتسلقيها في ماء مضاف له ملح وورق لورا او ورق غار وحبهان(هيل) ومستكه وجزره وبصله كبيره (لا تضيفي قرفه او كمون.. حتى لا يتغير طعم المرقه)
لما تستوي الفراخ بعد حوالي ساعه الاربع او نصف ساعه حسب حجمها انشليها من الشوربه

الملوخيه(حوالي نصف كيلو):
تغسليها جيدا.. ثم تفرديها على ورق في مكان جيد التهويه بعيد عن الشمس حتى تجف من الماء اللي عليها بدون ما تنشف الاوراق .. ثم تقطفيها(تقطعي الورقه بجزء من عرقها الصغير) وترمي السيقان الكبيره ... لما يختفي الماء من على الاوراق .. خرطيها(تفرميها) بالمخرطه

ضعي في حله كمية من المرقه (حوالي ضعف كمية الملوخيه بعد تخريطها) ثم اتركيها تغلي وضيفي لها ملعقه صغيره ثوم ورشة كسبره ناشفه ثم ضيفي من هذه المرقه كبشتين على الملوخيه في الطبق وقلبيها حتى تختلط الملوخيه وهذه الخطوه مهمه حتى لا تتكتل الملوخيه عند اضافتها للمرقه
ثم ضيفيها على المرقه في الحله ولو ثقيله خففيها بالمرقه المغليه الساخنه حتى تحصلي على القوام المرغوب لك واتركيها تغلي على نار عاليه لمدة دقيقه فقط(مجرد ما تبدأ ترتفع اطفي النار) لان لو زاد غليها على النار بترقد اي بتفصل المرقه عن الملوخيه
بالملعقه ازيلي الرغوه او الريم الابيض اللي بيظهر على الوجه حتى يختفي تماما

في طاسه صغيره ضعي زبده بلدي او سمن بلدي وحمري فيها ملعقه كبيره ثوم مفروم مع رشة كسبره ناشفه ثم ضيفيها على الملوخيه وقلبيها وغطيها بسرعه حتى لاتضيع الرائحه
--------------------------------
في الفرن حمري الدجاج.. وفي سلطانيه اغرفي الملوخيه وقدميها مع ارز مصري بالشعيريه وياسلااام لو معها باذجان مخلل او باذنجان مقلي متبل بالثوم والليمون والخل والفلفل الاخضر والبقدونس..

وبالعافيه حبيبتي
15-05-1430 هـ, 05:47 مساءً
 


الساعة الآن 12:55 .