تيا مشكووووورة تسلمين على الاهتمام وتراني بأنتظارك

الموسوسه انتي قربتي من الوصفه اللي في بالي


يسلمو على المرور والرد


بنات يالله شدوا الهمه
اختي دريمزز
اختي الموسوسة
بعد البحث والاستفسار هي اقرب الطرق للكنافة المفروكة شغل البيت
بس طبعا انت وشطارتك يعني عدلي وزيدي متل ما تحبي
علبة كنافة يلي متل الخيطان بتلاقيها بكل السوبر ماركات بس جيبيها السادة مو يلي فيها زبدة لانه طعمها مو طيب
قصيها قطع متوسطة بمقص المطبخ العادي
اضربيها بالخلاط لوحدها حتى تتفتت او بماكينة الكبة
سيحي اصبع زبدة + ملعقتين سكراذت بتحبيها حلوة زيدي سكر وفركيهن بايديك منيح بالجاط دعكيهن كتير واذا حسيتي انها بدها زبدة زيدي نصف اصبع زبدة فوقهم
بعد ما تعجنيها كتير ريحيها ساعة
هلق اذا بدك يلها بجبنة بدخليها على الفرن ولها طريقة معروفة
اما المدلوقة يلي بقشطة بتكون طرية يعني بس مديها بالجاط وحطي فوقها القشطة
القشطة ممكن تجيبيها جاهزة من محلات الحلويات
ممكن تعمليها انت اذا عندك الطريقة
اذا ما عندك خبريني لااكتبلك يلها
حطي القشطة على الوجه وزينيها بالفستق الحلبي
اخواتي هي اقرب طريقة للمفروكة بالقشطة بشغل البيت
بس مدري ليش الكنافة دائما اطيب عند البائع
اية استفسار خبروني , على فكرة عندي طريقة لعيش الرايا انا بعملها كتير بتشبهها
الف صحة
يسلموووووووووو.................. اختي تيا خجلتينا بكرمك .......... وراح انثقل عليك ........ استحملينا انتي كريمه واحنا بنستاهل ........ياليت تعطينا طريقتك بالقشطه ......... وعيش السرايا............. ويسلمو........
اقتباس مشاركة
المشاركة الأصلية كتبت بواسطة الموسوسه
يسلموووووووووو.................. اختي تيا خجلتينا بكرمك .......... وراح انثقل عليك ........ استحملينا انتي كريمه واحنا بنستاهل ........ياليت تعطينا طريقتك بالقشطه ......... وعيش السرايا............. ويسلمو........

اي والله ياليت حبيبتي
لك مو تكرموا يا حلوين
شوفوا هي عيش السرايا ما عليها كلام رح اكتبها بالتفصيل الممل , مشلن تركز معكن وشوفوا شو طيبة
وعلى فكرة نفس طريقة القشطة حطوها بالكنافة المفروكة :
خبز توست طري قطعي حوافه وصفيه بجاط بيركس ,عدد القطع بحسب الجاط اذا ما عندك ضيوف لاتكبريها مو طيبة ثاني يوم(هي مقادير الجاط الكبير ):
القطر :
4 معالق كبار سكر نحرقون بالطنجرة من غير اية شي , ليصير لونهم بداية الاحمرار ,لاتحرقيون كتير بس لدع
نضيف فوقهم كاسة سكر عادي ( اذا بتحبي الحلو كتير ضيفي كاسة وربع ) + كاسة ماء + ربع كاسة ماء زهر بالاخير
اول ما تحطي الماء السكر بيصير متل الحجار لايهمك وطي النار كتير وحركي ليذوب
وقت يذوب ضيفي الماء زهر وخليه يغلي غلوة بس
وزعي القطر فوق الخبز بالتساوي اذا استعملتي جاط صغير لا تحطيون كلهن بس لينبل كل قطع الخبز منيح
القشطة :
1كاسة حليب بودرة
2كاسة ماء
2 ملاعق كبار طحين
نخلطهن مع بعض منيح يدويا ( المشبك الحديد )ونضعهن على النار حتى يبلشوا يتماسكوا وهون متل ما بتحبي القشطة اذا بدك ياها سميكة خليها شو ي على النار شي 2 دقيقة
ارفعيها من النار وضيفيلها 2 علبة قشطة ومزجيهن مع بعض منيح
صبيهن بالتساوي فوق قطع التوست وحطيها بالبراد لتبرد وقبل التقديم زينيها بالفستق الحلبي المبشور
والف صحة يا حلوين اية سؤال اتفضلوا


الساعة الآن 09:32 .