حبيبتي جوريتي
فطور الصباح

بدر البدور
الله يسعدك يا شيخه قولي كل اللي عندك
اش هي بيض البيتزا وجبن الحلوم
انا مفكره اسوي خبز با الفرن ومطبق
فكري معي
شوفي حبيبتي سوي بيض اومليت أسطواني محشي بالجبن الموزاريلا أو الشيدر
أو شكشوكة وفول المعلب وكشنيه إنتي في البيت أوبيض عيون بالبصل الشرايح
وبيض مسلوق وحطي معاه طماطم وليمون
وحطي نواشف وسوي كمان سندويتشات جبنة بيضاء وطماطم وبقدونس أو لبنة وزعتر
أوسوي فطاير و مناقيش بالجبن أوالزعتر
وكمان سوي بان كيك بالعسل
وفيه طريقة للجبن أنا أموت عليها يمكن هي غريبة شوي بس لذيذة طماطم وجبنة بيضاء وأعصري عليها ليمون ورشي عليها كمون حطيها بالخلاط وحطيها بصحون ورشي عليها شوية زيت زيتون يمممممممممم مرة لذيذة
والمشروبات نوعي سوي شاهي سادة وشاهي بالحليب ونسكافيه
وعصير برتقال فريش
وهذا اللي عندي حالياوأي سؤال أنا حاضرة يالغلا
رابط المناقيش والفطاير
http://forum.hawaaworld.com/showthread.php?t=1704812

رابط البان كيك

http://forum.hawaaworld.com/showthread.php?t=1717686
ينقل من الساخنة الى الأطباق ...








إبداعاااتكــــ مع البف باستري !!!


ابداعااااتك مع التمررررررر !!




... أستغفر الله الذي لا اله الا هو الحي القيوم وأتوب اليه ...
حبيبتي جوريتي تسلمين على الوصفات
الله يسعدك ويحقق لك اللي في بالك
كيف الشاهي با الحليب والنسكافيه
معليش سؤالي غبي بس معرف اسويه
اقتباس مشاركة  (الامل النازف)
حبيبتي جوريتي تسلمين على الوصفات
الله يسعدك ويحقق لك اللي في بالك
كيف الشاهي با الحليب والنسكافيه
معليش سؤالي غبي بس معرف اسويه
شوفي حبيبتي أول شي نسيت أقول لك طريقة الأومليت الأسطواني جيبي كم حبة بيض حسب عدد ضيوفك بس مايكون كثير ويصير الأومليت متين لازم وسط لاهو متين ولاخفيف وأخفقيه كأنك بتسوين بيض عادي وحطي شوية زيت زيتون في الطاوة ولما يسخن حطي عليه البيض وانتبهي تحركيه خليه لما يستوي من تحت بعدين أقلبيه بحذر وانتبهي لايتقطع
ولما يستوي من الجهة الثانية
رشي عليه جبن موزاريلا أوشيدر وهو حار أو ممكن الإثنين مع بعض ولفيه بشويش على شكل أسطوانة ورجعيه في الطاوة بس سخني الأسطوانة شوي عشان تذوب الجبنة وأنتبهي لاتتفكك عليكي وبعدين قطعيه شرايح يطلع شكله زي السويس رول وحطي جنبه طماطم ورشي عليه إذا حبيتي كزبرة وبقدونس
ولاتنسي ترشيه كمون وملح

أما بالنسبة للشاهي بالحليب حطي الشاهي وثقليه شوي وحطي معاه كم حبة هيل وكم حبة قرنفل وإذا عندك جوزة الطيب حطي قطعة صغيرة مرة تكون مدقوقة عالنار وخليه يغلي مزبوط عشان تطلع نكهة الهيل والقرنفل وجوزة الطيب
بعدين حطي عليه حليب بوني إذا كان برادك كبير حطي 2حليب بوني وإذا صغير أكتفي بواحد وخليه عالنار لحد مايسخن الحليب وانتبهي مع الربكة تنسيه ويفور الحليب يصير طعمه كأنه محروق بس خليه يسخن وأطفي عليه وصفيه وحطيه في ترمس أو ممكن تخليه في البراد حقه

والنسكافيه حطي لكل ملعقة صغيرة نسكافيه ملعقتين حليب بودرة أو ملعقتين كوفي ميت (مبيض القهوة) وكوب موية طبعا كوب النسكافيه والسكر خليه برا للنسكافيه والشاهي بالحليب أفضل كل واحد يحط لنفسه
وإذا بتحطي حليب بودرة اخلطيه بموية عادية مو حارة عشان مايتكتل عليك وسخنيه شوي
وحطي النسكافيه والموية بعده
أو إنك تحطي موية ساخنة في ترمس وتحطي نسكافيه برا وكوفي ميت أو حليب وسكر وشاهي في سلة صغيرة ونعناع وحبق مغسول في صحن وكل واحد يختار إيش يسوس لنفسه أنا أفضل هذي الطريقة عشان حرام تتعبين وتسوين شي وفي النهاية ماينشرب كله
والشاهي بالحليب لازم إنتي تسويه وأفضل برضوا تحطيه في ترمس عشان مايبرد بسرعة
والله يبيض وجهك قدام زوجك والضيوف
والله يكون في عونك ويسهل أمورك يارب


الساعة الآن 06:39 .