اليوم تحطمت من زوجي مع انه مايقصر بالتحطيم الدائم

اليوم سويت بروست ومجهده ومسويه طريقه جديده وقلت الحين بيقول ماشالله وش ذ1 لكن اللي صار ...... فشلني وهاوشني ومااعجبه وقال لاعاد تصلحين غير الرز

وربي تعبت منه كل ماطبخت قام يعذرب بطبخي ومايعجبه بقولكم طريقتي وقولولي اذا فيه شي غلط وصلحوه لي الله يعافيكم


قطعت الدجاجه ثمان قطع وشلت عنها الجلد وغسلتها ونظفتها وتبلتها ببهارات وملح وكمون وفلفل اسود ودخلتها الثلاجه مدة ساعه يمكن او اكثر شوي وبعدين طلعتها وتبلتها بطحين وملح شوي كنت ناويه احطها ببيض وبقسماط بس مالقينا عند البقاله البقسماط ودخلتها الثلاجه على بال مااقلى البطاطس وعقبها قليت الدجاج
قليتها بزيت غزير بحيث يتغطى الدجاج كله وغطيته وخليته لين تحمر وطلعته وبس


الافخاذ صارت شوي يابسه اما الصدر لا طلع زين وقلت يمكن عشاني شايله الجلد بس اكلت تهزيء والله من القهر جلست اصييح وعقبها جا يراضين بس قهر اتعب وازين واخرتها يجين تهزيء وربي مقهووره

هذي هي طريقتي اذا عندكم طريقه ثانيه قولوها اكسبوا فيني اجر وشكله خلاص ماعاد يطلب مني شي
19-05-1430 هـ, 04:29 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يقول المثل مايجي من بطن امه عالم يعني بالممارسة وكثرة التجارب بإذن الله تطلعين فنانة وياما وانا اختك خربنا من طبخات وحوسات وضاعت مقادير على الفاضي 000
بس ماعليه تلاقين زوجك جيعان وهم الرجال عند البطون تعمى العيووون 000

ماعمري سويت البروستد وشلت الجلد احس هو اللي يعطية حلاة وقرمشه لانك لو شلتي الجلد شئ طبيعي بيقسى اللحم ويصر البروستد يااااااابس 000
طريقتي اتبل الدجاج بعد مااقطعه ست قطع واحط عليه طحين يغطيه واخليه ساعه او نص ساعه وبعدها اقليه في زيت غزير وحار بس على نار هادئه واغطيه عشان يستوي صح 000
هو ماراح يجي زي المطاعم بس مقرمش وحلو 000

وإن شاء الله نشوف منك طبخات هنا منزلتها ومبدعة فيها 00
19-05-1430 هـ, 04:39 صباحاً
 
تسلمين على مرورك توقعت عشان الجلد شلته صارت كذا بس بسوي طريقتك وان شالله تضبط
19-05-1430 هـ, 04:47 صباحاً
 
ياحياتي كل الرجال كذا على بالهم اننا بنتعلم بسهولة لازم مرة يخبص ومرة ينحرق ومرة ملح زايد على هذا الحال

لكن لاتفكري في الموضوع تلاقيه هو نسيه خلاص من يوم ما شبع

وشوفي طريقتي ياقلبي أنا أشيل الجلد وأقطع بصل شرائح وثوم وأحطهم مع البيض بعدين أحط الدجاج فيه وأشيله وأحطه على الدقيق والملح والبهارات بس من دون بقسماط وأقليه في زيت غزير يطلع ماشاء الله روعة مقرمش والبيض يكون طبقة زي الجلد عليه

جربيه وراح تدعيلي
19-05-1430 هـ, 04:51 صباحاً
 
مشكوووره حبيبتي
19-05-1430 هـ, 05:05 صباحاً
 


الساعة الآن 05:46 .