مساءالخير على الجميع
اتمنى تتقبلوني اخت جديدة معكم
وهذي اول مشاركاتي معكم
( قصدي اول طلب اطلبه منكم )
واتمنى ماتردوني

زوجي عازم اصحابه عنده في البيت وحالفين عليه انهم ماياكلون الامن اكل البيت
طبعا احرجوني مع زوجي انا ماني طباخه
ونفسي في الطبخ مو بذاك الزود

يعني قمة الاحراج

وزوجي بيضحك علي بعدين

تكفون اش اسوي لهم

اول شي ابغى

حلى مع القهوة يناسب الشباب

فكرت اسوي الكليجا بس اش اسوي معاها حلى ثاني؟

ثاني شي العشاء

اش اسوي لهم طبعا بيكون دجاج

بس كيف اسويه واش اقدم معاه سلطات مقبلات عصيرات حلى العشاء

طلبتكم تساعدوني بالوصفات والمقادير والشرح لاني والله ما اعرف اطبخ واتفنن في العزايم

ابغاها تكون سفرة كامله مشهيه ولذيذة وتناسب الشباب وجمعاتهم


تكفون تفاعلو معي واعطوني الحلول

خلوني اجربها في زوجي واهله قبل مايجتمعون اصحابه عنده نهايه الاسبوع

انتظر ردودكم يالغاليات
19-05-1430 هـ, 05:15 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
http://forum.hawaaworld.com/showthread.php?t=1707755
هذا الحلى مررررررررررررررررررررررره رهيييييييييييب
19-05-1430 هـ, 05:29 مساءً
 
شوفي ياعيني للعشاء بعطيك طبخه سهله وتشرفك
اول الدجاج قطعيه ارباع وجيبي خضار جزر وبطاطس وكوسه وفلفل رومي

سوي التتبيله صلصه وثوم وملح وبهار بس كثري بهار وزيت شويه واخلطيهم مع بعض
جيبي قدر الضغط وتبلي الدجاج ورصيه بعدين جيبي الخضار بس قشريها بدون تقطيع علشان ماتنهري في الطبخ وتبليها ورصيها فوق الدجاج ثم جيبي ليمونه واعصريها مع نص كاس مويه وصبيها عليهم وحطي قرون فلفل من فوق بدون ماتقطعيه واقفلي عليه على النار ربع ساعه وفكيه واذا تبغي يكون محمر طلعيهم من القدر ورصيها في صينيه وحمريها من فوق

الرز سوي رز مع مويه وماجي وهيل وقرفه وقرنفل مو مطحونين وزيت وعلى النار الين ينشف رشي عليه الحمسه

الحمسه بصل مقطع مع شويه بهار وشويه صفار وزبيب واحمسيه على النار كثري الحمسه عشان يكفيك
وقت التقديم جيبي صحن الرز او باديه وشيلي شويه من الحمسه على جنب والباقي قلبي الرز فيه واغرفيه في الصحن ورصي الدجاج عليه والخضار ورشي الحمسه وزينيه ببيض مسلوق وشرائح ليمون وقرون الفلفل والزبيب وبالعافيه وان شاء الله اني افدتك
19-05-1430 هـ, 08:04 مساءً
 
السلطات سوي سلطه خضرا عاديع وسلطه لبن واهممممممممممم شي الفلفل الرجال مايحبون الخرابيط ومقبلات سمبوسه وورق عنب
19-05-1430 هـ, 08:08 مساءً
 
الحلا سوي كريمه الي في الفرن راح ينبسطو عليها كل مافتكرت شي راح ارجعلك

والله حاسه فيك
19-05-1430 هـ, 08:15 مساءً
 


الساعة الآن 04:02 .