:44:والله مقهوره من جد
راح اقول لكم قصتي وانتوا قولوي وش الحل احس تعبت
اخو زوجي وزوجته مطلعين لي قرون مكرهيني في عيشتي00 معاناتي تخيلو معهم من ايام الخطوبه وللعلم انا صارلي الحين 4 سنوات متزوجه وعندي بنوته وحده عمرها 3 سنوات
زواجنا مع اخوه صار بليله وحده وفي قاعه وحده وااااااااه من القهر من ايام الخطوبه تخيلو تدقق علي اهي سلفتي وتقولي انا سويت وفعلت وزوجي سوالي وهو ماراح يحجز الا القاعه اللي انا اخترت وبلاوي ثانيه بس انا اسوي روحي اطنش واقول متى تجي هذيك الليله وافتك على عمري00 وجات ليلة الزواج 00اول شي تحكموا ان اهلها مايبون تصوير في القاعه يعني كل مخاسيري وزوفتي بتروح وسوولي مشكله كبيره بس انا طاوعتهم في البدايه وطنشتهم في الأخير بس تخيلوا في نص الحفل قوموني اهلي شوي ارقص واهي اهلها قوموها بعد وصارو اهل كل وحده منا يدوروا حواليها,, تخيلوا تجيني وحده من خواتها ودفتني بقوه تبي تطيحني من على المسرح وربي لو ما امي مسكتني وانتبهت فيهم ولا كان رحت فيها
وكانت امي بتسوي مشكله بس قلت لها دام هالحركه ماجات من العروس ماعلينا من اهلها خليهم
00 مادريت ان هي وراها بلاوي اكثر
ومرت الأيم والشهور وقامت تطلع لي على حقيقتها
احنا ساكنين بيت اهل وجي كل واحد بشقته00تجيني بلاوي منها من اتصالات وحركات بايخه مالها داعي من يوم درت اني حملت وعلى طول حاطه في بالي اني مابي اقول لزوجي اخاف افرق بينه وبين اخوه ولا تستوي هذره مع اهله بسببي لأنهم اكيد ماراح يصدقون لأنها في وجهم مسويتني يادهينه لاتنكتين مسويتني ملكة زماني ومن وراهم بلاوي
بس بعد سنتين شفت الوضع لايحتمل لأني قمت اشوف اشياء مكبوبه على باب شقتنا وفيها ريحه كريهه ولا اوراق مدخله من تحت باب الشقه ومكتوب فيها كلام قذر شاف زوجي هالأشياء وعصب وقال من اللي حاقد علينا لهالدرجه بس انا خفت اتكلم ويقولي اني كذابه وماعندي شي يثبت واني بس اتبلى 00 بس بعد فتره قامت تجينا اتصالات انا معاه 00انا تجيني من بنات ويقولونلي انهم يعرفون زوجي ويعرفونه وهو تجيه من بنات نفس الشي وعلى طول يبون يتقربون منه
00 فتره طويله على هالحال لمن الله هدى وحده من هالبنات واتصلت على زوجي وقالتله انها اهي صديقة مرت اخوه وهي اللي وصتهم يسوون هالأشياء بحيث يخربون علينا بس ماصدقنا وقلنا يمكن وحده تخرب بس قالت لنا اسمها وقامت تخبرنا بالأشياء اللي بتسويهم مرت اخوه وصحيح تسوي هالأشياء وجي عصب وقال حقريها خلاص دام عرفنا انا منها بس وصل الأمر للسحر منها وخفنا شفنا اشياء مربوطه على مسكة الأبواب حقينا وماكنا حاسين فيها
مرت الأيام واحنا عايشين بسلام دامنا باعدين عن كل شي من طرفهم00 بس ماشفت وجي بعد فتره الا قالب علي وبقوه انا استغربت مدري شفيه وظل اسبوع على هالحال مايشتهي يكلمني ولا يجلس جنبي ولا حتى يسمع صوتي انا من هبالتي كنت افكره متضايق ماديا لأنه اذا تضايق بعض الأوقات تجيه شوي من هالحاله يكره عمره ويكرهني معاه عيشتي00 قمت انا وبحسن نيه قلت باخذ ذهبي وببيعه علشانه من دون ما اقوله وبعطيه الفلوس
ماشفته الا جاني في نفس الليله اللي كنت ببيعه وهو معصب وقالي بسألك وردي علي
انا استغربت قلت مدري شفيه بس ارتحت قلت اخيرا بيتكلم00 قالي ليش مسويه لي سحر انا صرت كذ:confused-
اي سحر واي خرابيط00 قالي انتي مسويه لي عشان تضريني والله احس الجرح في قلبي لين الحين وقالي والبنت اللي كانت تتصل علي اهي انتي وصديقتك وانا كشفتكم ومدري ايش ولا حبيت اسوي مشاكل معاك وليش وليش
انا احس ودي لو روحي تطلع من القهر اللي حسيته00 من بعد صبري صرت انا اللي مسويه هالشي حسيت في هذيك اللحظه ان حقد وكره العالم كله تجمع في قلبي عليه00 والله انقهرت حدي قلتله خلاص ودني بيت اهلي مالي جلسه بهالبيت قالي مشاكلنا نحلها بينا قلتله هالشي ماينسكت عليه اذا انا مسويه لك سحر وشلك فيني00 وطلع اخوه اللي حان فوق راسه وقايله ان زوجتك ناويتلك على سحر
المهم انا رحت بيت اهلي وماكنت ناويه اتكلم بس يوم حسيت اني بنفجر من القهر شكيت بيني وبين امي عن هالسالفه كنت ابي تشوفلي حل وانا من قبل كنت اشتكي لها من كل اللي يسونه قالتلي هالشي ماينسكت عليه اذا مايبونك يرجعونك من دون هالتبلي
قلت لها مدري والله احس اني محتاره ليش جالس يصير هالشي وانا اللي كنت شاده الظهر في زوجي واقول اهو اللي بيصبرنبي على هالبلاوي طلع اهو اللي تبلاني زياده 00امي خلاص فارت اعصابها وماقدرت لأن بيت اهلي اللي فيهم مكفيهم كل يوم على مصيبه ومو ناقصين اكثر00 دقت على خالتي وقالت لها اذا ولدك في خاطره شي 00تقصد اخو زوجي
اذا في خاطره شي ولا يبي شي يقول ولا يجلس يتبلى على بنتي تراكم كرهتوها في عيشتها
ماشفتهم الا جاو لنا في الليل اللي هي خالتي وزوجي وقال لأمي السالفه بالكامل انا جالسه اسمع لهم وانصدمت وكأنها مصدقه قالت مدري شاللي خلاها تسوي هالشي
احس فارت اعصابي
ويوم مشوا ناديت امي وقلت لها شرايك في الموضوع قالت اصلا شي ماينتصدق قلت لها وليش طاوعتيهم يوم قالولك قالت حطيت في بالي اني مابي اخسر اختي اللي هي خالتي00 قلت لها مو على حسابي قالت صبري وان شالله الله بينصرك على اعدائك
مرت الأيام من بعد مارجعت وطبعا صحتي كل مالها وتروح وجسمي ونفسيتي وصحتي صارت دمار وزفت وزوجي حرمني من صديقاتي كلهم من بعد ماصارت هالمشكله طبعا لأنه حاط في باله انهم هم اللي مسوين هالشي معاي
والحمدلله رجعت عيشتي حليوه معاه بس طبعا الجرح اللي منه الى الآن مانسيته
في هالفتره اشوف معامله خالتي معاي صارت جافه بزياده وكل مالها للأسوأ مع العلم اني مو مقصره في شي من توجنا انا اللي اسافر واسكن معهم انا اللي في رمضان اطبخ واكل معهم
صرت الحين انا الشينه وانا راعية المشاكل00 هدت الأوضاع شوي ولا اشوف الا مرت اخوه طلعت بسالفة ان في احد يدخل شقتهم ويصبب لهم اشياء على اجهزتهم واثاثهم
ومن بعدها طلعت بسالفة ان في احد يلعب عليها في الجوال ويرسل لها قامت خالتي قالت لزوجي ان اخوان مرت اخوه بيشتكون في الشرطه على الرقم جا وقالي وانا بحسن نيه اتصلت على خالتي وقلت لها بعطيك رقم وابيك تعطينهم يشتكون عليه بعد لأن الرسايل ماوقفت للحين
راحت خالتي الله يهديها وقالت لأخوه ان مادقيت وقلت هالشي الا اني ابي اموه على روحي وابعد الشك عني اني انا مسويه هالشي مع العلم انهم عارفين ان اهي مطلعه رقم جدي وانا الوحيده اللي ماعطتني رقمها
ماشفت الا اخوه اتصل على زوجي وقاله انزل ابيك وقاله انو ليش زوجتك ترسل وتسوي لن
زوجي الحمدلله دافع عني وماقصر وقال لأخوه لو بتطاوع كلام زوجتك بتظيع00 والحين ينقالهم يبون يفكون روحهم من الهذره خلونا مانجتمع انا معها في مكان صحيح انا ارتحت بس ماسلمت للحين قال زوجي خلاص يبينا نطلع في شقه بروحنا ونخلص
انا فكرت فيها بيكون اكيد اريحلي بس المشكله بنتضايق وحطيت في بالي اذا هم هذا اللي يبيون ماراح نطلع ونبرد قلبهم
انا اللي حاز في خاطري اني من دخلت هالبيت وكرامتي منداسه عليها ولا احد مهتم 00 مافي الا امي اهي الوحيده اللي مصبرتني ومن بعد اخر سالفة كرهت اخوه ومرته وشايله في خاطرها على اختها اللي هي خالتي
وجي مو مقصر الحين معاي عيشتنا مثل العسل بس اللهم تفتيش في جوالي والكمبيتور من بعدي وحرمان من الربع :06::44:
يعني شو هالعيشه
احس مليت واقول اهو زوجي وحبيبي وماراح اخلي شي يخرب علينا بس مو قادره على كل اللي يتبلون علي اهله وهو عادي ماشوفه خذ منهم موقف
انا في حيره في امري ماني عارفه شسوي والله تعبت
كل ماقول بطنش اشوف البلاوي تجيني لعندي
فشنو الحل برايكم احس مقهوووووووووووووووووووووووووووووووره
jok @jok
عضوة جديدة
يلزم عليك تسجيل الدخول أولًا لكتابة تعليق.
بسمة امل2008
•
اول شي جمعه مباركه علينا وعليك يااخني ثانيا الي يهون السالفه عليك ان زوجك حبيبك في صفك احمدي ربك غير كذا المفروض اي شي تحسينه من سلفتك المفروض ماتخبينه عن زوجك لان السالفه راح تنقلب عليك بعدين اهم شي راحتك مو تكبتين والي اقدر انصحك فيه انك تتوجهين لربك بالدعاء اخر الليل وتدعين وتستغفرين وتقولين هذا الدعا اللهم من اراد بي سوءا فرد كيده في نحره والله يفرج همك
طالما زوجك عرض تخرجي من البت اخرجوا ليش تحرين نفسك وتستنيتن بلوه تجيك يارب سحرها ينقلب عليها
حبيبتي الحل الوحيد انك تطلعين بشقه بعيد عنهم لاتقولين بقعد على قلوبهم صدقيني ماحد يتعب ويتاذى غيرك وباتالي ينعكس على حياتك انتي وزوجك ,,اشتري راحتك وحاولي بزوجك انكم تطلعون وبعدها خلي علاقتك وزياراتك مع خالتك بس عشان الواجب . وعليك بالدعاء وتحصين نفسك وزوجك وبنتك مدام فيها سحر وتبلي اطلعي قبل ماتندمين والمثل يقول اللي مايخاف من الله خاف منه , والله يعينك
الصفحة الأخيرة