السـلام عليكم ورحمة الله وبركاته ..



مـدخل }..
فراقك غيَـر أحـوالي ...
................فراقك ولـع النيران ..
انـا بصبر على الفـرقى...
................ عسى ربـي يقويني ..
:
:
:
:
:
:

كيف الجميـع ..؟؟
>>شكلها بدت تحب الاختــصار ..وقل الحكي






































لكن دا بعدكوم ..

كبفكون ..!!
شو عاملين !!
الهـي يبعت ألكن الهنــاء ..!!
>>عجوز طاحت بمريس ..



والله يابنات ماحلفتون اني ولهتن علي ..
اقصد ولهتن على السوالف في مواضيعي اللي غلط احطها بالاطبااق ..
وانا طبعا ماقلت هالحكي الا أبغى مدح فالله يعافيكن لاتقصرن ..

ايه وش اسمه نسيت اقولكن شئ ماادري بووه احد داري عنه غيري او لا ..
>>غديه مسوينه لك لحالك ياسمو الاميره ..

شوفوا الله يعافيكم بووه شئ اسمه رسائل زوار ..
ماأبغى اشوف ولا رساله جايتني لا اوريكم ..
تراني كلش مو ناقصه اعجاب ..
>>>والله يامن السب اللي يبي يجي بالموضوع وبالرسايل الخاصه والزوار ..

مير لاتقصرن ..

واللي تبي اصير صديقتها ..تكفي المشاركه الوجدانيه ..

نجي لزبده الحكي وهو المهم ..
واللي تبغونه ..
ياربي ماتصبرن على سوالفي ..
ماادري وراكن ..من تالي صايرات قليلات صبر ..

وش اسمه ..
هذي قحشه = شلقه = مجموعه طبخات

عاد تنقوا اللي تبون وسووه ..وابغى اشوف التطبيق ..
مفهوم ..ماابي اخذ بدون عطاء ..
عارفه اني اخذ بدون مااعطي ..بس ادعي بظهر الغيب ..
كأن تبون تسون كذا عساكم على القوة ..


وبدون كترت رغي نبدا باللي منزلين موضوع من شانه ..



..





الطبخات ..
شوربه البطاطس ..

4 بطاطس كبير مغسل زين ومقطع كبار ومسلوق ..
بعد مايزين البطاطس ..حطي بالخلاط ..فص ثوم ..علبه جبن كرافت وسط ..ملعقتين طحين ..وملح وبهارات..
والبطاطس اللي سبق سلقه مع مويته النظيفه ..لانك غاسلته قبل ومنظف ..
>>متعقده من الغبار ..

واخلطيهن ..
ودامهن يخلطن حطي بالقدر ..فص ثوم مقطع صغار اوي اوي ...
وبقدونس او كزبره مقطع صغار وشوي زبده للحمس فقط ..
وبعد مايذبل البقدونس ..صبي عليه بالخلاط ..
وخليه يطبخ خمس دقايق ..وبالعافيه عليكم ..
انصحكم بها صراحه احبها ..وانتم بكيفكم ..


وهذا صوره له ..










وذي مرتن ثانيه ..
حيث مرتن ادبل الكبد ..ابتل اكرر واعيد لين يطفشون العالم مني






..

هذي كيكه ..

كنا جوعانين يوم الخميس العصر ..
ومير ادور بدفاتري ..طبعا مافي بالبيت الا البزران ..ماما معزومه..
ومير القى ورقه بها هالكيكه ..واسويها وصراحه تهبل ..
جعلها بالجنه اللي اخذته منها ..ياجعل ربي يوفقها ويسعد قلبها ويسخر لها ..

وهذي الطريقه ..

3 بيضات ..ثلاث ارباع كاس سكر ..بالخلاط ..
بعدين نضيف عليه ثلاث ارباع كاس زيت ..وكأس عصير برتقال ..
وللحق بس اقول ..انا تعجيزت اعصر كاس برتقال ..ومير احط ربعه برتقال ..والباقي مويه ..
ميخالف امطرس على اهلي وش عليكم ..
وبعدين خليتهن بالخلاط وحطيت فانيليا ..وبشر البرتقال ..شوي من قشر البرتقال مقدار ملعقه كبيره ..
وبالخلاط ..يخلطن ..

وجبت العجانه وحطيت 2 كأس طحين ..وملعقتين بيكنج باودر ..
وحطيت عليه اللي بالخلاط وحركت .._ بجهه واحده _
وبعدين جبت صينيه دائريه وسط اللي أكبر من الصغيره ..ودهنتها بالزيت ..
وصبيته عليها ورشيت الوجه بالقرفه ..خفت من طعم البرتقال ..
ودخلت بالفرن اللي من أول مشغل وحار ..
وخليتها نص ساعه ولا فتحت الفرن عليها أبد ..
والظاهر اني نسيتها ماذكرت الا يوم طلعت ريحتها ..
طبعا النار تكون متوسطه ..لاتكون هادئه وتقولين مازانت وخربت علي ..
وبعدين من فوق ..
ويوم تحمرت خليتها تبرد شوي ..
وقلبتها بالصحن ...ورشيت الوجه بالسكر البودره ..والتوفي ..
والمره الجايه ان شاء الله ناويه اكثر السكر ..يازين طعمه مع هالكيكه ..

وهذي صورته ..





ماحدش يرد اصبرن وخلن العجله لين أخلص ..

يكفي فشيلــه أمس ياخزياه بمووني بس ..
الكيكه..سميتها كيكه القشطه ..

هذا اختي كان عندها طبق خيري بالتحفيظ ..
وماقالت الا بعد الساعه 1 ونص ..
وانا تطير عيوني خير ..وش تحسبينا ..وما قالت .وشلونكم >>تحمست ..

المهم رحمتها ..اختي الصغيره تراها ..
قالت خلاص مهوب لازم ..اشيل معي بطاطس ..
قلت احسن ..>>مافي قلبها رحمة ..

المهم ومير ادخل المطبخ ..وادور بالدفتر ..
ومير القى كيكه ماقد طبختها ..
قلت نجرب عليهم ..

وهذي مقاديرها ..
3 بيضات .. ثلاث ارباع كوب سكر ..وملعقه كاكاو بودر..وفانيليا .
ربع كوب زيت ..ونص علبه قشطه .. وثلاث ارباع طحين وملعتين بيكنج باودر ..
اول شئ حطي بالعجانه المقادير السائله ..ثم الجافه ..واخلطي ..باتجاه واحد ..

وصبيه بصينيه اللي تبين ..انا حطيت بدائريه وسط ..بعد مادهنت الصينيه بالزيت ..
ودخلته الفرن اللي كان حار من اول ..
ورحت عنها ..
وخليتها بالفرن نص ساعه ..
وجيتها وحمرتها من فوق ..
وبعدين يوم بردت شوي قلبتها ..وجهزت الصوص هذا ..
ربع علبه حليب شاهي ..ملعتين كاكاو بودره على النار ..
وقعدت احرك فيه لين بدأ يغلي ..
وصبيته على الكيكه وزينت الكيكه بجوز الهند ..والفستق والكاجو .

تراني حطيت الصوص عشان تمسك اللي فوقه ..
والطعم والله ماادري عنه ..بس اختي تقول اعجب الابله واخذته ..
يعني كوده زين ..
والشكل يقول انه مهوب شين ..

وهذا هو ..





مابعد خلصت لااحد يرد ..
اللي تهمها حياتها لاترد
سلطه التوهيقات ..

المقآدير:

قطعي (خس )وحطيه بأرضية الصحن ..
وفوقه (بصل أخضر مقطع برضه) ..
وفوق البصل (خيآر مقطع )..
وفوقه (بقدونس مفروم)..
وبعدين حطي صلصة الرآنش واذا مو متوفرة مولازم..بس تفضل ..

وبعدين أقلي (قطعتين برجر)وقطعيهن مكعبآت صغار..وانثريه فوقه..
وأخيرا حطي البليلة (الحمص) ..حسب الرغبة ..
وبعدين ضعي الصووص..فوقه ..أوعلى زاوية من الزوايآ واللي يبي يغط

الصوص..

زبادي..
ملعقة مايونيز..
ليمون..
زيت زيتون..
ثوم..



وهذا هو ..







ماخلصت اصبروا ..

وش بكن الله لايبلانا ..

انا اشد عجله منكن بس اخاف يعلق علي همن اتفشل مثل امس ..
حلا شموعه ..
والله ياشموعه من هاوشتين هذاك اليوم وقلتي سويها ومير اسويها من الخوف ..
بس انا كبرت القدر بحيث انها تصير بشكل أكبر ..
يعني نوع من الفلسفه ..
وصراحه اقل مايقال عنها تهبل العقل ..ماادري احب هالنوع من الحلويات ..
وتسلم ايديك ..ويخلي لك غاليك ..

وهذا رابط الغاليه شموعه ..
http://forum.hawaaworld.com/showthread.php?t=1515439
وهذا تطبيقي ..
طبعا انا زينة الوجه بجوز الهند عشقي الابدي ..



وهذي صوره كامله ..
تنوره وبلوزه
..لماما بدون جوز الهند ماتحبوش ..وخواتي انضمن للماما ..
كرهت العالم بجوز الهند ..شوي واعطه على الشوربه ..والرز




الظاهر اني خلصت وانا ماادري ..
>>وحده ودها تنظف الجوال من الصور



وبس خلصنا يالغوالي ..
وخلصت السوالف ..
واللي صدع رأسها تروح تاكل بندول ..وان شاء الله ان سوالفي ماهيب اللي جابت الصداع ..

مخرج ..}
اللهم مااصبح بس من نعمه او باحد من خلقك ..
.فمنك وحدك لاشريك لك .
.فلك الحمد ولك الشكر ..
من قالها حين يصبح فقد أدى شكر يومه .
.

..




الساعة الآن 10:22 .