مثل ما قلت ..

نتاجر بالأسهم .. و الأسهم تشمل كل شئ

الأسهم العقارية و أسهم الشركات كلها بمختلفها و من البنوك نشتري أسهم بنك الراجحي

في كل حاجة

حتى في المعادن الثقيلة .. مثل الحديد و الزنك و البلاتيين و النحاس و الزنك

فكل مجال (( حلال )) في تجارة الأسهم .. ندخل فيه

و في بعض المجالات تكون الأباح عالية .. و بعض المجالات الآخرى الأرباح عادية



و الأسهم تختلف .. فيها الأرباح تكون قصيرة الأجل

و فيها اللي تكون أرباحها طويلة الأجل .. و هذا اللي نتعامل به

و هذه التجارة الخسائر فيها قليلة

فحتى مثلا لو خسرنا .. رأس المال مضمون

يعني لو ابتدأنا من الصفر و كان رأس المال .. خمسين ألف ريال

و مع الإستثمار وصل إلى مائة ألف ريال

و دخلنا في صفقة تجارية .. و في بداية تعاملات السوق ربحنا 5 آلاف ريال

و قدر الله .. إنه في نهاية التعاملات هبطت الأسعار هبوط حاد

فاللي راح نخسره هو مبلغ 5 آلف ريال .. فقط لاغير

و رأس المال اللي دخلنا فيه في الصفقة .. لم يتأثر و هو مائة ألف ريال



لكن تجارة الأسهم محتاجة طولة بال و صبر

و متابعة أول بأول ..

و هذه الأشياء طبعا .. راح أتكفل بها




و هذه مواقع فيها أسعار الأسهم لهذا اليوم ..





و اللي حاب يشترك ..

مو مهم مكانه في السعودية

أهم شئ يكون عنده حساب في بنك الراجحي و بطاقة صراف آلي

على أساس .. أقوم بتحويل الأرباح على حسابه الخاص

و قبل البداية في المشروع .. راح ترسل له نسخة من الإتفاقية على البريد العادي

و بعد تعبئة البيانات الصحيحة و إكمال اللازم من تواقيع و خلافه .. يرسل لي نسخة من الإتفاقية عبر البريد

فبكذا .. تظل عنده نسخة .. و تبقى عندي نسخة من الإتفاقية

و كل ما كان هناك فيه أرباح .. راح يتحول تلقائيا لحسابها الخاص

و إذا كانت تحب تتعرف على النشاطات التجارية و الصفقات اللي قمت بها .. فبعد كل صفقة راح توصل لها نسخة من الصفقة على البريد

و رأس المال المطلوب هو 10000 ريال .. كحد أدنى

و ممكن تشترك معنا أكثر من أخت .. فكلما كان رأس المال أكبر كلما كان الربح أكثر .. بمشيئة الله

ندو الاخصائية الحب الخفي سنفورة نجم الصباح طفوشة حكيمة زمانها تسلمون على الرد.. موكنكم بديتوا تجارة بدوني ياللا عطوني من الارباح (لاني فتحت الموضوع)
وبعدين صدتكم كلكم عندكم فلوس نايمة(ماشاء الله)حولوها لي عشان اكلها عليكم
netjaeper
مشكورعلى ذكر فكرة الاستثمار بالاسهم وعموما انا سئلت عنها مسبقا بس ودي اطلع عليها اكثر بقول لك على خلفيتي وإذا صح قول صح وإذا غلط صحح لي
بالنسبة للاستثمار بالاسهم يكون من خلال محفظة او حقيبة اسهم بالبنك يعني براس مال محدد مثلا عشرة الاف تشتري اسهم كبداية وبعدين إذا رخصت اسهم اي شركة معينة نشتري حسب المال المتوفر عندك كسيولة وتضيفها على السابق ولما ترتفع الاسعار تبيع
ويكون الارباح السنوية تقريبا 20-30الف ريال بس المشكلة وقت البيع والشراء (والتكنولوجيا عندنا صارت من كثر التطور تنكولوجيا) يعني مش بسهولة البيع والشرا يعني لسة فيها شوي تعقيدات يعني لما ببيع عند سعر عاجبني لازم اوصل للبنك وجها لوجة او افوض المسؤل ويبيع ثم اتمم الاجراءات لاحقا اما خدمة الهاتف فلا زالت نايـــــــــــــــمة بالعسل يعني وانت جالس بالبيت يرتفع السعر وينزل مية مرة خلال اليوم والرد الالي لسه يعطيك خيارات:
إذا كنت مشترك اخل رقمك ؟؟
ادخل الرقم السري؟؟
شكرا لا تصالك؟؟
شكرا لانتظارك؟؟
لقد تعثر مرور مكالمتك نامل معاودة التصال ثانية ؟؟؟
طوط طوط طوط طوطو
(بالنسبة للرجال الشغلة اسهل بكثير -أشئل حالك وتسمر قدام الشاشة بالبنك لين توصل للسعر المناسب وبيع على طول)
على فكرة يجب السؤال عن انواع الاسهم لان اسهم البنوك وشركات التبغ والخمر والخنزير ربوية وراس مالها حــــــــرام
انسان مشكور على الرد:وكانك جاوبت على كل مخاوفي من لوحة الاعلان حتى الاستقدام مشكور على النصيحة وممكن توضح اكثر من ناحية الاراضي اكثر؟؟؟وهل منها مخاوف ومارايك بشراء السهم العقارية ؟؟
netjaeper
الطلب مسموح والعرررررررررررض مرفوض
سالت البنك وقالوا الشتراك من اقرب فرع وليس من خلال افراد بالنترنت او مجموعات (فلو صار لك او للطرف الاخرشيء يطالب البنك وحفظا لحقوق الجميع
البنك غير مسؤؤؤل عن اي احد يشترك من خلال المنتدى او اي موقع اخر فأحذروا
netjaeper
ليش ماتطلب من البنك يكونون لك مجموعة من عملاء اخرين اضمن لك؟؟؟؟؟؟؟؟


تقريبا مثل ما قلتي ..

يكون عندك رأس مال في البنك .. و لما تشوفي سعر الأسهم نازلة و منخفضة عن السعر الإعتيادي .. تشترين بالكمية اللي تبغينها

و لما يرتفع السعر .. تبيعين و بكذا تكونين رابحة

و المسألة ما هي بمعقدة و صعبة .. المسألة بسيطة

تقدرين تتابعين أسعار الإفتتاح من الصحف المحلية الصادرة صباحا ً

أو من خلال ( موقع تداول ) الخاص بالأسهم

أو من خلال تواجدك في البنك ..

و في بنك الراجحي .. أعرف موظف موجود هناك

و متى كان عندي استفسار أو سؤال عن وضع السوق .. اتصل به و يعطيني جميع التفاصيل بالكامل

و للتوضيح ..

مثلا كان سهم شركة ( صافولا ) سعره 440 ريال

و اشترينا عدد 50 سهما ..

ثم ارتفع سعر السهم .. و بعناه بقيمة 442 ريال

فراح يكون ربحنا 100 ريال .. و هذا في يوم واحد فقط

يعني في خلال شهر .. 100 × 30 = 3000 ريال و في خلال 4 شهور 12000

أي في خلال السنة .. 36000 ريال

و هذا فقط مثال بسيط .. ممكن تكون الأرباح أكثر من كذا بكثير

و ممكن في بعض الصفقات تكون هناك خسائر طفيفة




و بالنسبة للتالي :

اقتباس مشاركة
على فكرة يجب السؤال عن انواع الاسهم لان اسهم البنوك و شركات التبغ والخمر والخنزير ربوية وراس مالها حرام
الخمر و الخنزير .. الحمد لله ما عندنا مثل هذا الكلام في السعودية

و بالنسبة للتبغ .. فإحنا ما نتعامل مع أسهم الشركات الموردة للتبغ

و أخيرا .. البنوك الربوية ما نتعامل معها .. مطلقا ً



أما الأسهم العقارية .. فهي نفس الحكاية تقريبا

تتأثر هذه الأسهم .. فقد يرتفع سعرها و قد ينخفض

فمثلا .. فيه مخطط جديد لم ينشئ بعد

و حبيتي تشترين أسهم خاصة بهذا المخطط بعد أن رأيتي مميزات المخطط من موقع متميز و توفر الإنارة و السفلته و الكهرباء و الماء و الهاتف و الصرف الصحي فيه

و صار عندك قناعة بأن سعر السهم اللي اشتريتيه راح يرتفع ..

لكن للأسف .. طلع كل مميزات المخطط .. كلها ( كلام في كلام )

فالمخطط لم تصل له السفلته و ستصل له بعد سنين طويلة

و هذا يؤثر على سعر الأسهم اللي معك الخاصة بالمخطط

فتضطرين لبيع هذه الأسهم بخسارة

و قد يكون الوضع عكس كذلك ..

لديك أسهم في مخطط .. و المميزات الخاصة بالمخطط راقية بمعنى الكلمة

هذا يؤدي إلى إرتفاع سعر الأسهم الخاصة بالمخطط .. مما يعود على المشتركين بالربح




و أنا مثلك .. أدور عن شريك

لهذا .. أنا أطلب .. و ليس أعرض

نعم أطلب شريك

و بالنسبة للإشتراك مع الأفراد أو المجموعات .. نعم البنك غير مسؤول عن ذلك

لكن بين هؤلاء الأفراد أو المجموعات .. ينبغي أن يكون هناك إتفاقية توضح كل صغيرة و كبيرة .

و هذا اللي قلته .. بأن من راح يدخل معي شريك .. راح تكون بيني و بينه اتفاقية و كل منا سوف يكون لديه نسخة أصلية من الإتفاقية

عيوني اخت netijaeper
سمعت عن الأسهم وأرباحها وزوجي حاول كثير يقنعني أدخل فيها وأجربها بس خايفة من المجازفة
لأني مأعرف طريقتها ولا أعرف كيف اتصرف فيها ولا متى ابيع واشتري ؟؟؟؟؟؟؟؟؟؟
وأكثر شي محيرني وين الاقي الأسهم الزينة والموثوق فيها إنها غير ربوية........

علشان كذا دايماً أبعد هالفكره عني وأحاول أفكر في مشروع ثاني مع العلم إني فكرت نفس تفكير
الأخت ديلارا إلا إن كل مشروع تكون نتيجته نفس النتيجة إللي توصلت له أختنا ديلارا......

لذلك أنا من الأفراد الذين يسألون ويستفسرون عن مشروع لتنفيذة مع العلم إن راس المال عندي
في حدود 60 ألف قابله للزيادة.
ودمتم سالمين


الساعة الآن 08:12 .