ولدي عمرة8 سنوات قليل الكلام جدا

بنات ارجووكم ارجوكم لاقو لي حل مع ولدي تعبني وانا خايفة علية اليكم المشكلة وهي ان ولدي عمرة8 سنوات قليل الكلام جدا لايتعدى فاليوم الواحد عشر كلمات يقوم من النوم يجي يجلس ابتسملة واضحك لة واقول صباح الخير حبيبي وذهو مايرد علي ابد فقط يبتسم يلبس يفطر ولا كلمة يطلب منه ابوه يروح السيارة يشغلها ويجلس يستناة ياخذ المفتاح اقوله مع السلامة ما يرد يبتسم فقط يروح المدرسة عاد هناك ماادري عنه مستواه ممتاز الحمد لله يجي الظهر يدخل ارحب فية فقط يبتسم ياما قلت له اذا دخلت سلم مايصير تدخل وما تسلم لاكن لاحياة لمن تنادي قليل الطلبات نادرا مايطلب واذا طلب حاجة انا قا يلتها له مثل ابشتريلك لبس او بحلق شعرك او اي شي مثل شريط سوني جديد والله يابنا ت يتغدا ولا كلمة بس ينفخ على اختة الصغيرة اذا قرفته على الأكل ما يعلق ولا يطلب يروح يلعب عند جدانة ومع خا لاته يتجاوب معهم ويتهاوش لاكن معي ومع ابوة ولا كلمة يطيع اوامر ابوة ويسمع كلامي لاكن ما يسولف ولا يخبرني ولا يتحدث معي احاول اجرجر الكلام منه جرجرة اسألة عن المدرسة عن اصحابة يجاوب باختصار يطفش ما يحب يسولف ابدا والله يركب معنا بالسيارة ما نسمع حسة ننساة انظر القاة مدري هو طبع ولا مرض مع اني غير وابوه بعد واخته اللي اصغر منه ثرثارة تكفون ابغاة يسولف ويتجاوب ماكنة معنا فالبيت عايش بحالة يحل واجباته ينام يلبس يقوم يروح ولا كلمة اش الحل