السلام عليكم شخباركم ياصبايا

مثل ماقلت فوق انا غرامي بسكويت كوكيز القديم تذكرونه الي علبته تجي حديد شي احمر وشي ازرق بعضه يجي مغطى بالسكر اكيد تعرفونه المهم طولته عليكم


ابي طريقته تكفن ابي افرح عيالي فيه انا دورت هنا وياكثر مااشريت بس مو حلو واي وحده تعرف طريقة بتيفور حلوة بعد لاتبخل لان كنت اشتري من وحده بتيفور خيال طعمه كانه طعم فانيلا وبعدين مرة ابيض لونه بس عيت تعلمني الطريقة حلفتكن بالله الي تعرف تعطيني الطريقة وراح اكون شاكرة لها

ينقل من الحلويات الي الاطباق..
جربي هالبسكوت راح يعطيج نفس الطعم

هذا البسكوت كنت اسويه من فتره

وضاعت مني مقاديره

لكن امس لقيته مابين اوراقي بالصدفه وقلت لازم اسوه واوريكم لذته والتشكيل فيه

ومقاديره سهله ومتوفره

وما ياخذ وقت طويل بالفرن بسرعه يصير
[IMG]http://www.*********.com/forum/imgcache/230.imgcache[/IMG]

المقادير :



2 الا ربع اصبع زبده صغيره

ثلالث ارباع كاس سكر بودر

بيضه

1 ونص كاس طحين

م ك بيكن بادودر

1 وربع كاس نشا

رشة فانيليا



الطريقه :




نخفق السكر والزبده لما يذوب السكر فيها ثم نضيف البيضه والفانيليا

ونخلط النشا والطحين والبيكن باودر ثم نضيفه على خليط الزبده

ونعجنه حتى تصير عندي عجينه متجانسه وملسه وناعمه وما تلصق في الاناء

ارش اشويه اطحين وارقها عليه وابدي اقطع فيها بالشكل اللي ترغبون فيه

ادخلها بالفرن على درجة 170 ولمدة خمس دقايق من تحت وبعدها افتح فوق لمدة خمس دقايق حتى يشقر البسكوت (يعني كلها عشر دقايق )

اشيله بخفه من قالب الفرن واحطها على سلك حتى تبرد

وبعدها ابدي اشكل فيها



[IMG]http://www.*********.com/forum/imgcache/231.imgcache[/IMG]

اهني لصقت طبقتين في بعض بالعسل

وحطيت اشوي عسل على الوجه وغمسته بجوز الهند

[IMG]http://www.*********.com/forum/imgcache/232.imgcache[/IMG]

[IMG]http://www.*********.com/forum/imgcache/233.imgcache[/IMG]
وممكن بعد ما نلصقها نحط على الاطراف عسل ونغمسها بجوز الهند وراح يكون احلى لو كان بالفستق المطحون بس انا ماكان عندي

[IMG]http://www.*********.com/forum/imgcache/234.imgcache[/IMG]
وممكن نزينها بالككاو بعد ما نذوبه بهذا الشكل

[IMG]http://www.*********.com/forum/imgcache/235.imgcache[/IMG]

وبالاخر نحفظ البسكوت في علبة بلاستك حتى ما تنشف وتبقى لذيذه بفتره اطول

وممكن نحط له مربى فراوله او مشمش ونغمسه بالككاو او نحط الككاو مابين الطبقتين

والاظافات عديده وحسب الذوق

وان شاء الله يعجبكم الطبق



انستغرام: q8crochet


اللهم اني استودعتك نفسي وزوجي وبناتي واهلي
يعطيكم الف عافيه طيب والبتيفور


الساعة الآن 12:18 .