هلا بالدلوعة الحلوة..

شوفي الغالية أنا الحمدلله كل البسكوتات اللي أسويها تطلع هشة بس ماتتفتت بالأكل..

ترى مرات تكون كمية الزبدة أو السمن أو الزيت ماتناسب الطحين.. شوفي اذا حطيتي الأشياء لاتحطين كل كمية الزبدة يعني خلي منها شوي.. بالنهاية اذا شفتيها يابسة زيدي الزبدة وبتضبط وياج..

عن البسكوت الثلجي.. الحمدلله ضبط ويايه من أول مرة.. والزبدة مثل ماقلت بالموضوع ذوبتها وصبيت منها مقدار كوب.. وطلع لذيذ والله..

ثاني شي اذا طلعتيه من الفرن خليه بنفس الصينية شوي برع عشان يتماسك أكثر.. وبعدين حطيه بالحافظة..

جربيه مرة ثانية بهالطريقة وشوفي شو يصير وياج..


أختي rim alcham .. النشاء هو نفسه الكورن فلاور.. وفي الطريقة تخلطين هذا مع طحين جميع الاستعمالت وسكر مطحون وبس..
13-03-1425 هـ, 05:51 مساءً
 
مشكووووووووره يالمسافره

والله أنك قدها وقدود راعية فزعه

الله يقومج بالسلامه ويسهل عليج يا رب
14-03-1425 هـ, 02:20 مساءً
 
أنزين يطمنينا عاده اذا جربتيها وضبطت وياج عشان نسويلج حفلة ههههههههههه

أسولف عاد عن تتحريني أتطنز والا شي.. بس عشان نفرحلج يالغالية..
14-03-1425 هـ, 07:11 مساءً
 
مب بس حفله

الا بعزم الفريج كلللللللللللللللللللله على بسكويتاتي

وأدري أنج تمزحين ...... وصدق فرحتيني


أنت من العين

أنا أتحراج من أبوظبي >>>>>>>>>>> فضوووووووووووووووووووووول
15-03-1425 هـ, 02:52 مساءً
 
اللللللللللله هذا كله عشان البسكوت.. خلاص شرايج أنا بسويلج اياه وبطرشه لج شرايج؟؟!!

لا الغالية لاني من العين ولا من بوظبي ولا دبي ولا الشارجة ولا عيمان ولا أم القيوين ولا راس الخيمة ولا الفجيرة..

حزري فزري أنا من فيننننننن؟؟
15-03-1425 هـ, 09:28 مساءً
 


الساعة الآن 08:58 .