الي اخذت دوره تاهيليه بجامعه الامام وهي متزوجه تدخل الله يسعدها

الطالبات

اهلين بنات عالم حواء:39:
ودي اخذ دوره تأهيليه بجامعه الامام بدايه السنه الجديده وطبعا على حسب معلوماتي ان الدوره مدتها ترم

ومو هاذي مشكلتي المشكله بوقت الدوره احس انه ماراح يناسبني وحتى زوجي رافض الفكره بسبب توقيت الدوره

لاني ماراح ارجع الا بعد العشاء ,,, انتوا يابنات الي جربتوها وانتوا مِتزوجات كيف كان نظامك مع بيتك وزوجك

وعيالك؟؟ وخصوصا لو كان عندك صغار يدرسون ولازم تدرسينهم ومتى انتي تذاكرين ؟؟مع العلم ان عندي شغاله بس

احس وقتي طويل برى البيت لو انه فتره صباحيه كان عادي زوجي بدوامه والي يدرسون بمدارسهم وابي اتأكد من وقت الدوره بالظبط متى يبدا؟؟

تكفون ساعدوني عشان اقنع زوجي الله يسعدكم دنيا واخره وينولكم اللي بخاطركم اااامين

95
8K

يلزم عليك تسجيل الدخول أولًا لكتابة تعليق.

تسجيل دخول

ملكة الغموض
ملكة الغموض
الدوام من الساعه 2الى6بالنسبه لاولادك نوميهم واسهر معاهم وذاكري لهم واذاطلعوا لمدارسهم نامي الله يعينك
كالوري
كالوري
وش المقصود بالدورة التأهيلية !!!

وكم رسوم التسجيل وكيف نظامهم وهل فيه تخصصات

اشرحيلي الله يجزاك خير
بااااااونتي
بااااااونتي
ملكه الغموض ياقلبي انتي متأكده من هذا الوقت اذا كان لين 6 حلو ارحم من كلام البنت الي تقول لين بعد العشا الله يفرج كربتك يارب

كالوري الله يجزاها خير الي ساعدتك وان شاء الله مايقصرون معنا الله يسعدهم يارب

ملكه الخليه مشكوره على معلوماتك بس حبيت اسألك عن الوقت عشان اتأكد وايش كان نظامك سابقا الله يسعدك
هيفاء 22
هيفاء 22
أنا اللي فاهمته من الدورة التأهيلية

إنك ماتروحين إلا فقط وقت الأختبار

والدراسة عن طريق النت

يعني مايحتاج تداومين يوميااا...
فانوس 2007
فانوس 2007
أنا شخصياً مسجلة بجامعة الإمام إنتساب مطور " تعليم عن بعد " وبالنسبة للدوام مافي حضور مجرد متابعة عن طريق الإنترنت ..

والحمد لله إجتزت الدورة التأهيلية .. سهلة مررررررره .. وتخصصت إدارة أعمال أول ترم لي والله يوفق ما بقى على الإختبارات إلا أسبوع واحد أدعي لي أن الله يوفقني ..

وموعد الإختبارات من الساعة 4 إلى 6 .. بس يعني وقت قصير مررررررررررررره ...

وأي إستفسار أنا حاضرة بأي شئ لأنه عندي معلومات كثيرة بس ما ادري وش بالضبط تسألين عنه ..