السلام عليكم ..
من زمان وأنا أبغى أنزل هالموضوع بس أكون مشغولة
وماحمسني أنزله الحين وحدة من العضوات تسأل عن كيفية
تشغيل غسالتها ولقيت أنها نفس غسالتي وأن شاء يفيدها هالشرح
ويفيدكم المهم هذه صورة غسالتي:
طبعاً بداية لازم يكون تسليكها مضبوط من قبل سباك متمكن وفاهم وهذه صورة
تسيلكها من الخلف للموية الباردة والحارة وتصريف الماء:
وهذه صورة مفاتيحها وكلها باللمس:
1/أول زر البرتقالي مفتاح الطاقة.
2/الثاني اللي لونه أزرق زر التشغيل والتوقف المؤقت.
3/الزر اللي عليه رمزp هذا زر البرامج وفيها ثمان برامج تختارين اللي
يناسب غسيلك وهي (المفضل-الهادئ-الذكي-العقلي-السريع-الجينز-الصوف
تنظيف الحوض)
4/اللي بعده هذا زر التأجيل أّذا تبغين تبرمجين غسيلك بعد ساعة أوأي وقت
تختارينه.
5/واللي بعده هذا زر التجفيف أذا بس بتجفيفين بس تشغلين مفتاح الطاقة وبعدين
تحطين الملابس اللي بتجفيفينها ثم تضغطين على زر التجفيف وبضغطك يطلعلك
الوقت على الشاشة وأذا ماأعجبك تغيرين بالضغط كذا مرة اللين يظهر الوقت اللي يناسبك.
6/اللي بعده زر الشطف أذا بتشطفين بس تطبيقين الخطوة رقم 5 بس الأختلاف
في الضغط على زر الشطف.
7/واللي بعده زر الغسيل أذا كنت تبغين تتحكمين في وقت الغسيل تضغطينه ويظهرلك الوقت وتغيرين في الوقت كل ماضغطت على الزر.
8/بعدين زر التحكم في مستوى الماء وعندك أربع مستويات وأذا ماحددت هي
أتوماتيكي تحددلك الكمية على أساس كمية الملابس بس أنا أحب أحد المستوى اللي
يناسبني عشان مايصير اسراف في الماء.
9/الزر اللي بعده تحددين درجة حرارة الماء(بارد-ساخن-دافي)
10/الزر الأخير هذا زر تجفيف الهواء للحوض بحيث انك تستخدمينه مرة في
الأسبوع ليقضي على الرطوبة داخل الحوض طبعاً مايكون فيه ملابس.
كيفية تشغيل الغسالة:
1/تشغلين زر الطاقة.
2/تضعين كمية الصابون المناسبة في المكان المخصص لها وفيه مكان للمنعم اللي لونه سماوي وهذه صورته:
3/تحددين البرنامج المناسب لغسيلك.
4/تحددين كمية الماء ودرجة سخونته.
5/تضعين الملابس.
6/تضغطين زر التشغيل وتسكرين الغطاء فتبدأ الغسالة تتزود بالماء
7/لما تنتهي تصدر جرس وتأخذين الملابس وتنشرينها لأنها تجفيفها بنسبة70%
وفي الصورة الأخيرة صورة الغسالة وهي شغالة حيث أني أخترت البرنامج السريع
وحددت كمية الماء وسخونته وهي تبينلي في الشاشة الوقت اللازم للغسيل واللي يختلف من برنامج الى آخر وملاحظين التزود بالماء:
واخيراً أتمنى يكون شرحي وافي وواضح وأي أستفسار أنا بالخدمة
ونسيت أقولكم أني أخترت هالحجم الكبير لأني كنت أبغاها بالأضافة
لغسيل الملابس تغسل المفارش والبطانيات النفرين وماشاء الله تغسلها
وبكفاءة.
بس بكم ومن وين شاريتها؟؟>>السؤال الحريمي البديهي