السلام عليكم ورحمة الله وبركاته... أسعد الله جميع أوقاتكم بالخير والمسرات..
بدخل بالموضوع ياحبيباتي .. أنا عندي رأس مال صغير .. )من 10 إلى 20 ألف( وبصراحه عمري مادخلت في مشروع أو أستثمرت شي.. وكل ماجاني مبلغ صرفته على خرابيط .. عشان كذا ودي أستثمر هالمبلغ ..منها أستفيد .. ومنها أشغل نفسي <<< أختكم عاطله عن العمل
ولثقتي الكبيره فيكم حبيت تعطوني أفكار..
أنا فكرت في سياره "فان" للمشاوير الخاصه والمدارس ..وش رايكم ؟
تكفوووون ساعدوني بأفكار قبل أصرفها..
أختكم الفقيره لله / عاليه
02-06-1430 هـ, 07:34 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلاااااااااام خيتو

انا مثلك والله ابي فكره اصرف فيها فلوسي لكن لسه ما طخت براسي الفكره المضمونه


لكن فكرتك حلوة والله ,,,,,,,,,,,,, الله يوفقك

وتقدرين تتعاقدين مع معلمات وتحضرين لهم فطور وترامس قهوة وشاي كل صبح \\


وسواقك حق الفان يوصلها .....والله راح تكسبي ذهب من الشغلتين

والله يرزقك من واسع فضله
02-06-1430 هـ, 10:54 صباحاً
 
والله فكره حلوه ... موفقه يارب
02-06-1430 هـ, 01:10 مساءً
 
الفكره حلووه مررره
بس يبيلك سوااق صاحي وسواقتة رزينه
لأن الله يكفينا الشر ويبعده عنا وعنكم ان شاء الله
اي شي يصير للمعلمات برقبتك .. وهذا الي يخوف


بس توكلي على الله ودوري لك سواق صاحي وشيكي عالشياره كل فتره والله يوفقك يااارب
02-06-1430 هـ, 02:07 مساءً
 
بنت خالت برتني / حدود الدلع / بغيت أطيح

شكرا ياقمرات على المرور ..

بعد ابي أفكار ... التوصيل مو على كل حال ألقى زباين <<<أخاف يطيح بكبدي...
02-06-1430 هـ, 10:08 مساءً
 


الساعة الآن 07:22 .