بسم الله الرحمن الرحيم

اسعدكم الله وجعل ايامكم سعادة

موضوع احترت فيه واخدت رأي ناس كثي حولي وظاهرة لقيتها في الأنترنت ..تعالوا مع بعض نتناقش فيها ونقول وجهة نظرنا

كثير من الأخوات رواد هذا القسم والقسم التجاري هم اخوات دعتهم الحاجه ومتطلبات الحياة وبعضهم للتسلية للمتاجرة

وبالعامية يترزقوا الله

انا من ضمن هالبنات اللي احتاج ازيد دخل اسرتي وبيتي طبعا بسبب غلى الحياة بالأضافة الى الديون المتراكمة علينا

بدءت ادور وافكر في مشروع اسويه علشان اساعد زوجي واوفر دخل اقدر البي طلبات اولادي

من خلال تصفحي للأنترنت فكرت في مشاريع كثيرة

لكن خلال بحثي لاحظت

بعض الأفكار تعجبني وبس ابدء اسئل الشخص اللي يسويها...تقعد تقول اسرار المهنة ومااقدر اقولك ومن هذا الكلام
والله يابنات اني بحسن نية سئلت كم وحده عن مشروع معين القى الصد والتملص من الإجابة...

سئوالي هل خطأ مساعدة الغير بمنحهم معلومات قد تفيدهم في حياتهم ؟؟؟

ولقيت افكار عجبتني كثير تلاقي الوحده كاتبة على مواضيعا لا احلل ولا ابيح اللي ياخد افكاري

سئوالي هل هذا صحيح
وهل خطأ اني اخد من فكرتها واغير فيها شوي واسوي لي مشروع؟؟؟؟

سئوال اخير
انا القى افكار بس مايكون مكتوب عليها لااحلل ولا ابيح ...هل عادي اسوي مثل افكارهم والا وش اسوي

انا محتاجه اسمع اقتراحاتكم ارئكم ...اللي اتمنى انكم ماتبخلوا بها

وختاما
بنات الرازق هو الله ماتدري سبحان الله يمكن بمساعدتك لغيرك ربي يوسعها عليك ويفرج لك غير الأجر والثواب
..


اولاَ : الله يوفقك ,, ويرزق الكل و الجميع .

ثانياً : فيه مثل يقول عدوك صاحب صنعتك ,, يعني يا حياتي تتوقعين انهم بيعطونك ادق التفاصيل ,,

كثر خيرهم يعطونك الخطوط العريضه ,, و انتي عاد و شطارتك ,,

قد يكون السبب انهم ما عندهم وقت كافي للرد بالتفصيل اللي تبينه

و قد يكون السبب انك بنفس المنطقه اللي هم مسويين مشاريعهم فيها , فصعب يعطونك اسرار شغلتهم

وقد يكون انهم مازالو في طور النمو ,, و مايدرون طريقهم وش آخره



اكيد لهم اسبابهم ,, و اكيد لازم تجتهدين و تقومين و تطيحين مثلهم

الله يكتب لك الخير ,, و لهم ولنا ,, ولكل مجتهد يارب


..
كــــــــــــلام سليم أختي أنا مثلك كذا سواء في الإنترنت ولا خارجه تحسين الوحده بدت تخاف منك وتاخذ الحذر لاتقلديها وتصيري أحسن منها وأكيد إذا لقيتي أفكار موب مكتوب عليها لا أحلل ولا أبيح عاااااادي ياقلبي مافيها مشكله سوي إلي تبي الله يهديهم بس مدري هو حسد الله يعلم (تحياتي لك)
لا تَنْـهَ عَنْ خُلُـقٍ وتَأْتِـي مِثْلَـهُ

عَـارٌ عَلَيْـكَ إِذَا فَعَلْـتَ عظِيـمُ

اللهم لك الحمد على كل حاال
بالفعل كلامك اختي...وموضوعك مهم جدااا ومشكورة على طرحك له
انا بعد لاحظت في الفترة الأخيرة كثيرين يكتبوا لا احلل ولا ابيح ..انا احس انا لكل مجتهد نصيب..ولكل وحده زباينها ورزقها الي يجي من رب العالمين
وايه الغلط في اني اساعد زميلتي مو شرط اعطي كل المعلومات على الأقل الخطوات الاساسية

واللي ماكتب لاحلل ولا ابيح اعتقد عادي تسوي زيها لو المفروض يمكن تسئليها قبل !!!!!
May be you are some one in the world but for some one you are the world
وش ما يحلللون ولا يبيحون ؟؟!!! هم مسوين اختراع يعني ؟
ما احنا نشوفها كلها مشاريع عادية وتسويق لبضاعات معروفه وما فيه اي افكار والا اختراعات خارقه !
انت بس فكري في شي انت فعلا تحبينه وتعتقدين انك بتبدعين فيه وركزي عليه واعرفي مداخله ومخارجه وتوكلي على الله قبل كل شي
وبالتوفيق يارب
دع الايام تفعل ما تشاء ....ودم صبرا اذا حدث القضاء
ولاتجزع لحادثة الليالي.... فمالِ حوادث الدنيا بقـــــــاء


الساعة الآن 04:23 .