حبيباتي بنات حواء ابي منكم افكار لحفلة تخرج بنتي بليز

جعلك تشوفينها متخرجه من الدكتوراه يارب ياكريم وانتي وكل من يعز عليك بصحه وعافيه وعسى الله يصلحها ويخليها لك

انا بقولك كذا شغله وانتي شوفي اللي يناسبك

شوكولا توزعينه على مدرساتها وزميلاتها

هدايا تاخذينها من السويلم حقت اطفال وتغلفينها بشكل حلو وتوزعينها على اصدقائها

حلو كمان تاخذين هدايا لمدرساتها تكون بسيطه معنى اكثر من قيمتها

خليها تلبس ابلتها عقد ورد وتساعديها تكتبلها بطاقة شكر وعرفان وبنتك اعمليلها حفله صغيرونة وزفوها وقدميلها هديه وصوروها بلبس التخرج ولاتنسي في الحفل لكرموها توقفيلها وتحضنيها وسط الكل راح يبسطها وعقبال الدكتوراه

الله يصلحها لك ويخليها من حفظه كتابه ياحي ياقيوم
للرفع

الله يحفظها لك يارب
البنات ما قصروا

امس كانت حفلة بنت أختي بس أكبر شوي من الأبتدائي الي المتوسط

بس لفت نظري كيك جاها هدية من صديقة امها

من هرفي ... كب كبك و عليه طاقيه التخرج مره شكله يجنن و طعمه حلو

و ممكن فيه في أبو ريالين ... براويز صزر مكتوب عليها مبروك التخرج شكلها مره فخم و روعه

اخذتها اختي ... و حطت مكان الصورة ورقه من الكمبيوتر فيها اسم بنتها و سنه التخرج و زعتها علي كل صاحباتها و المدرسات

مع حبه شوكولاته لفتها معها و الله طلعت جدا فخمة

شوفي ترا ابوريالين فيه اشياء و الله ما تتوقعين انها موجوده بس يبيلها تنظيف و لف حلو

و الله يوفقك