فانيلا سكاي مشكوره ياعسل عالرفع :)
أسماء الله يجزاك كل الخير على التوضيح الوافي :)
واتمنى ردك يكون جواب لاستفسار خلابه بعد
لكم مني كل ود :26:
الصفحة الأخيرة
اخواتي توجد خطوات لنشر اي كتاب وهي كالتالي
اول شي تكوني مخلصة من الكتاب وتطبعيه على ورق عادي زي المسودة وتروحي للقرطاسيه وتخليهم يجلدوها
بعدين تاخذي المسودة هذي لوزارة الاعلام بالمدينة اللي انتي فيها ومالها قسم نسائي بس رجالي تخلي ابوكي او زوجك او اخوكي ياخذوها للوزارة ويتركوها عندهم ويعبو استمارة عبارة عن اسم المؤلف وعنوان الكتاب ورقم تليفون وخلافه طبعا لازم اسمك الموجود ببطاقتك مايصلح اسم مستعار
بعد كم يوم تروحي تستفسري عن كتابك هل ختموه او لا اذا ختموه بيعطوكي المسودة مع ورقة فسح مختومة مع استماره (طلب رقم ايداع) من مكتبة الملك فهد الوطنية تعبيها وترسليها لمكتبة الملك فهد بالفاكس وراح يردو عليكي بفاكس فيه رقم الايداع اللي هو الردمك واللي يكون موجود داخل كل الكتب بالصفحة الاولى
انتهينا من موضوع الفسح
نجي للطباعة
اذا حبيتي في دور نشر يطبعولك الكتاب ويوزعوه ويعطوكي نسبة لا تزيد عن 15 بالمية
واذا حبيتي تطبعي كتابك بمطبعة على حسابك ثم تعطيه لموزع يوزع لك مثل(مؤسسة الجريسي) وبالغالب يعطيكي 50 بالمية من الارباح
اتمنى افدتكم ..وبالتوفيق
تقبلو تحياتي