قصتي مع نظام فيافي...

السلام عليكم ورحمة الله وبركاته

لي سنين وأنا أسمع عن نظام فيافي..وكنت حاطة بالي أني مستحيل راح اطبقه

سبحان الله ماأحب التقيد مايمشي معي لارجيم ولانظام نفاس ولاشيء..

المهم...بعد ماولدت ولدي <<<عمره سنة و7شهور

كانت أموري تمام التمام..ولكن قبل ثلاث شهور ماش حسيت أني مانا مضبوطة<<<عارفين وش أقصد

واحترت ماأدري وش أسوي..

فكرت بنظام فيافي وقلت ليش ماأجرب وأشوف

وبعدمانزلت علي الدوره قبل اسبوعين وشوي...طبقت النظام أول ثلاث أيام مشيت صح

بس العنزروت ماأستخدمته اكتفيت بالمره والمحلب

ورابع يوم الظهر يوم جيت أنام حطيت تحميلة المره والملح<<< أنا مسويتها

عادة الدورة تقعد 6أيام بس بعد ماحطيت التحميلة وشوي نزل معي ماء +دم <<اكرمكم الله

ونشفت ..

واتنظرينزل دم مانزل شيء ..اغتسلت وصليت عاااادي

بس بعد اسبوع يعني أمس جاني وجع برحمي ماقدرت أنام وماصدقت ان الساعة تجي 9

وعلى طول رحت للطبيبة..كشفت علي وقالت يمكن فيك التهاب<<<<وعلى طول راح بالي للتحميلة >>قلت الله يستر

قالت بأخذ منك عينه وبحللها وتعالي العصر نشوف النتيجة

ويوم جاء العصر وعلى طووووووول للمستوصف وأنا خايفة مرررره لأني أول مررره أدخل شيء مو طبي

ويوم دخلت على الطبية وشافت النتيجة قالت ماشاء الله امورك تمام بس فيك إلتهاب بسيط مررررره

ماصدقت ..قلت صدق

قالت آآآه والله مافيك إلا شيء بسط مايستدعي الخوف

وعطتني تحاميل البوثيل ومضاد<<تقول عشان تكوني تمام التمام..

وهذه كل الحكاية

للمعلومية

حطيت تحميلة وحده بس..وحسيت بشيء يقررررررص<<<<أقصد تحميلة فيافي