مساء الخير ياحلوات..
شريت قبل اسبوع قدر ضغط..لان زوجي حبيبي يبغا كبسة مضغوط
وللامانه انا ماقد جربت اطبخ فيه ولا اهلي يستخدمونه الا في ورق العنب
لما شريته سويت الكبسه بالطريقه المعتاده وحطيت المويه فوق الرز ب سم واحد زي ماقالو الاخوات
وسكرت القدر وعليته لحد ماصفر بعدين قصرت عليه مره وخليته ربع ساعه بعدين طفيته
المشكله اللي واجهتني ان الرز يحترق من تحت واللي فوق منعصد ولا بعد استوى؟؟؟
ايش اسوي
انا قلت يمكن عشان القدر مهو ماركه مكتوب عليه ترست اخذته من الدانوب
والشي الثاني الصفاره ماتدور ولا تصفر تطلع هوا خفيف بس
رغم اني مسكره القدر مضبوط ولا يطلع هوا من الجوانب
وفي شي القدر كبير شوي على حجم الرز اللي عندي انا اخذت مقاس 7 واطبخ فيه كاسين
هل هذا ممكن يكون سبب؟؟؟
ياليت اللي تعرف تفيدني
ولكم مني جزييييل الشكرررر...
11-06-1430 هـ, 11:14 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
للرفع
11-06-1430 هـ, 11:37 مساءً
 
المشكله عندك في كميت الرز يعني ليه ما تخليها 3كاسات كبيره يجي مره مزبوط
أطبخيه واذا كثير عطي منه لجارتك خليها تذوق طباخك
ثاني حاجه اذا كانت المويه مغليه مو لازم تعلين النار عليه
واحسن رز هو الرز البسمتي
وانا والله اليوم مسويه كبسه بقدر الظغط
انلحس القدر كله ما شاء الله
وان شاء الله تزبط معك
11-06-1430 هـ, 11:46 مساءً
 
هلا حبيبتي
اولا مبروووك عليك قدر الظغط
ثانيا من كلامك الخطوات اللي سويتيها مظبووووطه
اما بالنسبه لكبر القدر نفسه ما اتوقع لن له دخل
لان اللي عندي كبير واحيانا اطبخ فيه كاسين الى ثلاثة كاسات رز
وماواجهني فيه اي مشكله
انا اعتقد ان القدر نفسه خفيف ومايتحمل الحراره او عين الفرن تكون شعلتها قويه
حتى لو وطيتي عليها حاولي تخففين قوة الشعله من انبوبة الغاز نفسها
11-06-1430 هـ, 11:54 مساءً
 
فعلا أنا ودي أشتري قدر ضغط بس أخاف منه
وماني عارفه متى تروح مني هالخوفه
وش أساليب الحمايه تكفون

أشكرك أختي صاحبة الموضوع وأعتذر لتطفلي
12-06-1430 هـ, 12:54 صباحاً
 


الساعة الآن 09:52 .