انا لي اكثر من ست شهور حايسه . لا يصه ، دايخه ، ماغير اقلب نفسي يمين ويسار
ابغا مشروع ناجح وياما من الافكار جت في راسي لكن للأسف ماحد شجعني .. واولى مشاريعي هو فتح مشغل
ومحسوبتكم ماعندها ماعند جدتي .. لا شهاده ولا خبرة في الخياطه ولا حتى المكياج اللهم مشي حالك .. ماقول شين .. بس لازم من اتقان
الي حمسني للمشغل اني اموووووووووت في شي اسمه تصميم ازياء
والحمد لله .. بشهادة اهلي اني ازيائي مره حلوه
وعندي خبرة في الادارة والمحاسبه ..

المهم .. لقيت اعلان عن مشغل للتقبيل او البيع في الرياض .. موقعه مره حلو .. وديكوراته خرافه
صاحبه عارضه لانه سافر بعثه ..
حاولت بشتى الطرق اني اخذه لكن للأسف .. الجيب خالي ..
واكثر شي عقدني ان مافيه عاملات .. اللهم فيز ..

حبيت اسألكم .. هل صندوق المئويه يعطي ايجارات ؟؟
يعني هل في مقدوري اني اخذ قرض علشان استأجر المشغل منه ؟؟
وهل يحق لي فتح مشغل حتى وان لم اكن حاصلة على شهادة مهنيه ؟؟

تكفوووووووووووون ردو علي
لان الشهادة جابت لي الصمرقع
12-06-1430 هـ, 07:59 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يسعدني الرد على اسألتك بالي اقدر عليه من معلومات
اولا: صندوق المئويه يعطي ايجارات لموقع المشروع اللي انتي تختارينه طبعا من ضمن قيمة القرض اللي انتي طالبته.
ثانيا: المبلغ ماراح تستلمينه على طول اجراءات الصندوق تطول موافقه تتبعها موافقه لحد ماتوقعين العقد اللي من بعده يصرفون لك اول شيك وهو قيمة إيجار العقار اللي اخترتيه وبأسم صاحب العقار مهو بأسمك بعد (انا جلست ستت اشهر من اول ماقدمت بموقعهم على النت لحد ما وقعت العقد الاسبوع الماضي) .
ثالثا: شهادة الخياطه ماهي ضروريه إذا كان معك شهادة ثانويه وعموما البلديات في المناطق تختلف بعظهم متشددين والبعض مايهمهم الا الموقع يكون على شارع عام.
12-06-1430 هـ, 08:23 مساءً
 
حبيبتي قدمي واتواقع يوافقون الحين صارت الاجراءات ماتطول شهر وتستلمين بس امسكي المشغل ادفعي له عربون عشان مايضيع عليك
13-06-1430 هـ, 09:36 صباحاً
 
موفقه يارب
13-06-1430 هـ, 10:36 صباحاً
 
اتوقع انهم اكتفوا من مواضيع المشاغل ما عاد يقبلونها الا اذا كان بمناطق وهجر فعلا محتاجه.....
13-06-1430 هـ, 01:57 مساءً
 


الساعة الآن 01:11 .