Analysis Services
بنات انا العجينه صايره ماتضبط معاي ماني عارفه وش السبب

هالشي بس صار من زواجي
وقبل زواجي كان مايسوي الفطاير الا انا
بس الحين صايره العجينه ما تنتفش يعني ماتتخمر

ولما سالت امي قالت الخميره الفوريه خربانه

بس غيرت الخميره الفوريه كذا مره ولازالت المشكله


وصار زوجي يعايرني اني ماعرف اسوي فطاير واني افقش عليه يوم اقوله مايزين الفطاير الا انا عند اهلي
وش اسوي

عطوني حل
13-06-1430 هـ, 04:54 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الغاليه اول اختبري العجينه حطي ماي دافي وملعقه خميره خليها 10 د اذا ارتفعت معناها الخميره ما خربانه ولا تحطي ماي ساخن

واذا حبيتي سوي عجينتي اتضبظ بعون الله
13-06-1430 هـ, 05:06 صباحاً
 
ينقل من المعجنات الي الاطباق
13-06-1430 هـ, 12:42 مساءً
 
مالك الا عجينه العشر دقايق مو بس تنفش الا تتفشفش معك روعه ..
والسبب تذويب الخميره بالماء الدافئ والسكر يساعدها انها تشتغل وتخمر لك العجين ..والحليب يعطي العجينه طرواه وبلامكان استبادله بالزبادي ..


اقتباس مشاركة
طريقة عجينة العشر دقائق




المقادير:

- المجموعة الأولى

2 كاس ماء دافي
2 كاس دقيق
فنجان قهوة سكر
2 ملعقة كبيرة خميره فوريه
ملعقتين ملح
3 ملاعق حليب بودره


المجموعة الثانية

نصف كاس زيت
3 كاسات دقيق

الطريقة:

- تخلط المقادير المجموعة الأولى مع بعض و تترك لمدة 10 دقائق .
- بعد العشر دقائق يضاف لها مقادير المجموعة الثانية و تعجن جيدا و تستخدم على طول .
يعني مجموع الطحين في العجينه هو خمس كاسات .
- الكميه ممكن تكون كبيره , لكن ممكن تشكلي فيها و تنوعي يعني تقسمي العجينه للفطاير و للبيتزا و لخليه النحل .
انا اسوي نص الكميه وتظبط معي ..
وانا اخليها تخمر ربع ساعه وبعدين ابدى شغل فيها ..بس صراحه مره تنفش ..
اذا عندك خلاط مولينكس اعجنيه فيها ارييح انا احط فيه المقادير الاولى واخلطها واذا خمرت عشر دقايق احط المقادير الثانيه واشغل الخلاط واخليه يعجن الين ما اشوف العجين املس مره مريح..


ايه وفيه نقطه .. احلى شي ..سوي الكميه كامله ..وسوي اللي تبين والباقي لفيه بالنايلون وغلفيه زيييييين ودخليه الفريزير المره الجايه طلعيها تذوب وتطلع كنها طازجه ..




اذا ما تبين عجينة العشر دقايق وتبين تعرفين اسباب فشل عجينتك ..
من اسباب نجاح العجين ان الخميره تتذوب بماء دافئ وسكر وتترك شوي حول الخمس الى عشر دقائق هذا يصحي الخميره ويخليها تشتغل صح ..
ثانيا وجود الحليب او الزبادي وهذا يطري العجين وينفشه ..
اتركي العجينه تخمر وتاخذ وقتها الين تتدبل ويمكن تاخذ ساعه ..
اعجني العجين جيدا ..

وان شاء الله الخبيرات يعطونك نصائح اكثر ..
13-06-1430 هـ, 12:50 مساءً
 


الساعة الآن 08:19 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏