اختي علم حواء
اقطعها تقطيع بالعجن
اقعد تقريبا ثلث ساعه اعجنها
واصلا كثرة العجن تزين العجينه
يا خسارتها و الله





أنبسطوا مع الشيخ عائض القرني
شوفي ياقلبي من الفرن يمكن سخنية قبل ماتشكلين الفطاير خلية حاااااار مرة اربع دقايق بالكثير وهي خالصة ومن فوق وتحت طبعا بس خلي بالك بسررررعة تتشقر وطريقك حلوة بس غيري نوع الدقيق خوذي الكويتي او يمكن صابك عين على الفطاير اقري اية الكرسي وانتي تصلحينها وكرريها لمن تخلصين والله يسمعنا اخبار حلوة عن عجينتك ياااااارب
اليوزر قطة لقروب بنات عم فلاتستغربون اختلاف وجهات النظر
يمكن الزيت كثير ...واستخدمي طحين الكويت يجنن للفطاير ..


...خوذي المقادير حقت عجينتي تجنن...3 ملاعق حليب


فنجال سكر .ذرة ملح ..ملعقة ونص خميرة ..بيالة زيت ...كاس ونص ماء ..بالخلاط الكهرباثي اخلطيهم كلهم .بعدين صبيهم في اناء وحطي عليها كاسين ونص دقيق وزيدي الكمية لين تحصلين على عجينة مضبوطة وكل ما زدتي العجن والضرب كلما تضبط معك ..


واذا شكلتيهم اتركيهم شوي في صينية الفرن عشان يتخمرون زيادة ودخليهم في فرن حار .....وبالعافية
رب اشرح لي صدري,ويسر لي امري
شوفي هذا كلام الغاليه ام عزيزان وملا حظاتها القيمه ان شاء الله تفيدك :

اسباب فشل ونجاح المعجنات وملاحظاتي ..
كثير من البنات تفشل معاهم المعجنات


وهنا راح اعرض عليكم بعض النصايح التي جمعتها من هنا وهناك مع ملاحظاتي عليها


اول شي دائما حضري ادواتك كلها التي راح تشتغلين فيها او عليها




يجب ان تسخني الفرن جيدا قبل خبز المعجنات فيه



الخميره




- هذا افضل نوع للخمااااير واغلب البنات تستعمله لانها ناعمه وبسرعه تذووووب


احرصي على استخدام خميرة محفوظه بعيدا عن الهواء أو الضوء ( أي يجب أن تحفظ الخميره في علبة مغلقه جيدا وبعيدا عن الضوء)


استخدام ماء دافي دائما عند العجن وللحصول على افضل النتائج يفضل تذويب الخميرة في الماء الدافي مع 1م ص سكر ورشة ملح حتى لو كانت خميرة فورية


ملاحظاتي : دائما لما تشترين الخميره احفظيها بعلبه من البلاستك واغلقيها جيدا ... بالصيف حطيها بالثلاجه وبالشتا خليها بره مو مشكله ...ولا تنسين تقصين تاريخ الانتاج والانتهاء وتحطينه على العلبه



2- إضافة السوائل تدريجياً


ملاحظاتي : مهم جدا نضيف السوائل بالتدريج لان طحين عن طحين يختلف



3- يجب ان تكون عجينة الفطائر والبيتزا والدونات طرية جدا وياحبذا لو تلتصق باليد قليلاً وذلك لتحصلي على فطائر هشة جداً


ملاحظاتي : اي عجينه شفتيها تلصق باليد لا تضيفي عليها طحين ... خلي الطحين بايدينك او حطي زيت واعجني فيها لما تتماسك ويخف الالتصاق... الا اذا شفتي ان العجينه ماصارت تتماسك اضيفي الطحين بالملعقه واعجني مره ثانيه




4- ومن المهم جدا ان يتم عجن العجينه مده كافيه وطويله لان كثرة العجن يكون من نجاح العجينه واذا عندك الة العجن يكون افضل واريح


ملاحظاتي :انا من شريت كينود وانا مرتاحه بالمعجنات وفعلا تريح وتوفر الوقت





5- بعد العجن يجب أن تترك العجينة لترتاح - اذا كانت بخميرة يجب أن ترتاح لمدة لا تقل عن ساعة في اناء مغطى بعيدا عن الضوء والبرودة، واذا كانت العجينة بدون خميرة يجب أن تغطى وتترك في مكان دافي


ملاحظاتي : هذى الملاحظه في محلها ... لكن في عجينة العشر دقايق يختلف الوضع ... لان راح نستعملها على طول .. مع اني اجهز حشواتي بعد ما اخلص العجن واخليها ترتاح في هذى المده



6- إتباع الطرق الصحيحة للفرد مع استعمال الدقيق أو الزيت حسب الوصفة لعدم التصاق العجين بالسطح المستعمل


ملاحظاتي : نقطه مهمه لان في معجنات لازم تفرديها على الزيت مثل الجباتي ... واغلب باقي المعجنات تفردينها على الطحين




7- ملاحظاتي : بعد ما تحشين المعجنات ... ادهنيها بالبيضه المخفوقه او بالحليب البودر او السائل .. حتى تعطيها لمعه ... ثم رشي عليها السمسم او السماق او الزعتر او الجبن ... والبيض يساعد على التصاق هذى المواد


8- بعد أن يتم حشو المعجنات يجب أن تترك لترتاح مده لا تقل عن 20 دقيقة قبل ادخالها للفرن


ملاحظاتي : انا اخليها عشر دقايق قبل ادخالها للفرن


9- قبل توزيع المعجنات في صينية الفرن يتم تغطية أرضية الصينية بزيت


وطبعا هالشي مهم حتى ما تلصق المعجنات بالصينيه



10- عند ادخال المعجنات للفرن يجب أن تكون أول 7 دقائق درجة حرارة الفرن عاليه جدا وبعدها تكون متوسطه واحرصي على أن لا تطول مدة المعجنات بالفرن عن 15 دقيقة حتى لا تجف


ملاحظاتي : هالنقطه وايد مهمه بانك ما اطولين بالمعجنات بالفرن .. ولازم تكون درجة حرارة الفرن عاليه وانا دايم احطها على 180 درجه وتاخذ مني ربع ساعه.. واخلي الدرجه ثابته



11- عند اخراج المعجنات من الفرن يفضل ان تمسح بقليل من الزبده حتى تطرى وتعطي رائحه شهيه..... و يجب أن تتم تغطيتها بقطعة قماش حتى تطرى - مدة 10 دقائق وبعدها يتم نقلها لصحن التقديم


ملاحظاتي : ماجربت ولا مره ادهنا بالزبده بس شكل هالنصيحه حلوه .. وانا دايم اخليها تبرد عشر دقايق وبعدها اغطيها بورق البلاستك او احفظها بالحافظه وتطلع طررررريه لوقت التقديم
انتهى كلام ام عزيزان اتمنى تطبقية وتنجح معك العجينة ....
هذا رد لي اليوم وحده برضو تسال عن العجينه وان شاء الله يفيدك ..

اقتباس مشاركة
مالك الا عجينه العشر دقايق مو بس تنفش الا تتفشفش معك روعه ..
والسبب تذويب الخميره بالماء الدافئ والسكر يساعدها انها تشتغل وتخمر لك العجين ..والحليب يعطي العجينه طرواه وبلامكان استبادله بالزبادي ..


اقتباس مشاركة
طريقة عجينة العشر دقائق




المقادير:

- المجموعة الأولى

2 كاس ماء دافي
2 كاس دقيق
فنجان قهوة سكر
2 ملعقة كبيرة خميره فوريه
ملعقتين ملح
3 ملاعق حليب بودره


المجموعة الثانية

نصف كاس زيت
3 كاسات دقيق

الطريقة:

- تخلط المقادير المجموعة الأولى مع بعض و تترك لمدة 10 دقائق .
- بعد العشر دقائق يضاف لها مقادير المجموعة الثانية و تعجن جيدا و تستخدم على طول .
يعني مجموع الطحين في العجينه هو خمس كاسات .
- الكميه ممكن تكون كبيره , لكن ممكن تشكلي فيها و تنوعي يعني تقسمي العجينه للفطاير و للبيتزا و لخليه النحل .
انا اسوي نص الكميه وتظبط معي ..
وانا اخليها تخمر ربع ساعه وبعدين ابدى شغل فيها ..بس صراحه مره تنفش ..
اذا عندك خلاط مولينكس اعجنيه فيها ارييح انا احط فيه المقادير الاولى واخلطها واذا خمرت عشر دقايق احط المقادير الثانيه واشغل الخلاط واخليه يعجن الين ما اشوف العجين املس مره مريح..


ايه وفيه نقطه .. احلى شي ..سوي الكميه كامله ..وسوي اللي تبين والباقي لفيه بالنايلون وغلفيه زيييييين ودخليه الفريزير المره الجايه طلعيها تذوب وتطلع كنها طازجه ..




اذا ما تبين عجينة العشر دقايق وتبين تعرفين اسباب فشل عجينتك ..
من اسباب نجاح العجين ان الخميره تتذوب بماء دافئ وسكر وتترك شوي حول الخمس الى عشر دقائق هذا يصحي الخميره ويخليها تشتغل صح ..
ثانيا وجود الحليب او الزبادي وهذا يطري العجين وينفشه ..
اتركي العجينه تخمر وتاخذ وقتها الين تتدبل ويمكن تاخذ ساعه ..
اعجني العجين جيدا ..

وان شاء الله الخبيرات يعطونك نصائح اكثر ..


الساعة الآن 07:58 .