السلام عليكم ورحمة الله وبركاتة

الله يجزاكم خير يابنات الدمام الحقونا بطريقة المشخول بصراحة لذييييييييييذ

أعوذ بالله ماعمري كتبت باهالمكان وأحد رد علي بس قلت يالله نجرب
الاخت البطه الورديه
الله يجزاك خير ماأحد يتعوذ الا من الأباليس ههههههههه
شوفي أختي المشخول أنواع ولكن أنا بكتبلك مشخول سريع وبسيط

دجاجة محمرة بالفرن أو سمك مقلي --- أرز أبيض مسلوق 4/3 سلق ومصفى نجي للشخلة ( الحشو )

بصل مقطع مربعات ( كثير)+ قليل فلفل رومي مقطع مربعات + فلفل أخضر حار ( قرون) + كزبرة خضراء قليل + بهارات مشكله + حبات هيل + أعواد قرفة + ثوم بودرة أو طازج مدقوق

نحط البصل والفلفل الرومي في القدر مغطى على نار هادئة ونخليه لحد ما تنشف الموية منه نصب قليل زيت ونقلب لحد ما يلين البصل --- نضيف الفلفل الحار ( حسب الرغبة ) حبات الهيل وأعواد القرفة والبهار المشكل والثوم والكزبرة الخضراء ونقلب شوي -- نضيف قليل من الأرز المسلوق على البصل ونخلطه زين ونحط باقي الأرز على الحشو ونغطي القدر ونحط قطعة معدنية تحت القدر ونتركه لحد ما يبدأ البخار يطلع وحبة الرز تنضج

نغرف الأرز الأبيض في الصحن وندهنه بالزبد المذوب وبعدين نغرف خلطة البصل وتكون على وجه الصحن ونرص الدجاج المحمر أو السمك عليه --- وبالعاااااااااا ااااااافية

إن شاء الله يعجبك وتعبي ما يروح عالفاضي ---صار لي فترة ما جلست عالجهاز وغصبت نفسي اليوم وأول موضوع رديت عليه موضوعك ( إدعي لي إذا عجبك المشخول )




الله يجزاك ألف ألف خير ومشكورة على الرد وان شاء الله يبي يعجبني مشكورة مره ثانية ماتتخيلين وشلون فرحت يوم لقيت الطريقة خلاص اباأغير رأيي عن الكتابة هنا


الساعة الآن 05:45 .