بصراحة رحت لدبي ثلاااااث مرات ولم أجد مطعم غير مطعم ( البوم ) وأحس إني لفيت دبي كلها كذا مررررة لكن للأسف ما فيه مطاعم واضحة المعالم ومعروفة أرجو من الأخوات كتابة أسماء مطاعم عربية وصينية على مستوى في الخدمة والتكلفة مع بيان مكانها بالضبط وأيضا السكن أنا متعودة أسكن في فنادق مثل ابراج الإمارات وودي أسكن في شقق فخمة أو منتجعات بمسابحها تصلح للعوائل والأطفالسواءً في دبي أو في غيرها من مدن الإمارات الحديثة
وأبي بعد أماكن ترفيهية تصلح للأطفال مع كتابة أحسن الأسواق وتكون معقولة وحلوة
وبالنسبة للجلابيات وين ألقاها فيه
وما هي أحسن الأماكن اللي ممكن أقضي فيها وقت ممتع مع أطفالي ليلاً
12-03-1425 هـ, 05:44 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
حاضرين تدللي

انا ماعندي خبره في السكن والمطاعم بس بقولج عن الاسواق

دبي كلها مراكز حلوه بس المحلا ت غالبا تلاقينها متشابهه

ستي سنتر كبير واغلب المحلات موجوده فيه بس عيبه انه دايما زحمه

برجمان حلو وهادي لكن في المواسم زحمه بعد

لامسي كبير وتحسين محلاته مفتوحه على بعض

مركاتو احلى مافيه تصميمه في محلات معروفه وبعد ماركات لكن قسم الالعاب صغير

الغرير احس كبير على الخالي اغلب محلاته لقطع الاقمشه وقسم الالعاب صغير

صحاري مول بين دبي والشارقه حلو والعابه حلوه

ميغا مول بعد حلو والعابه وايد حلوه

وعندك سوق نايف ومركز المنال للبضايع الرخيصه والمتنوعه
وسوق الجمله وسوق الذهب وكلهم حنب بعض والافضل هناك تمشين على رجولك اولا علشان الزحمه
وثانيا علشان تكتشفين الاشياء الحلوه والرخيصه
لكن الله يعينك على الحر وزحمة الهنود ونصيحه اذا رحتي لا تاخذين اطفال معاك
13-03-1425 هـ, 05:18 صباحاً
 
هلا اختي خلود الرياض

انا عندي خرايط وبعض النشرات الحلوة اللي فيها معالم دبي كاملة للسياح

إذا حابة أبعثها لج في البريد .. عطيني العنوان على الخاص وإن شاء الله راح يوصلج..

أختج

سيدة أعمال
13-03-1425 هـ, 01:19 مساءً
 
أحلى مكان في الامارات للعائلات و الاطفال و بعيد عن الزحمه وعوار الراس

منتجع شاطىء العقه - دبا الفجيره

فندق فخم 5 نجوم يطل على المحيط الهندي - جميع الغرف فيه تطل على البحر

يبعد تقريبا ساعه و نصف من دبي يعني 130 كيلو متر

موقع الفندق في خريطة الامارات




وهذه صورة للفندق من الخارج




أسعار الغرف يعتمد على التوقيت ... في نهاية الاسبوع بين 700-1000 درهم

ايام الاسبوع تقريبا 350 - 600 درهم
13-03-1425 هـ, 02:14 مساءً
 
يا هلا بج هلا .... نورت الامارات بها الطله

أنا ما اعرف وايد بالسكن
لكن عندج مطعم القيصر للأكل الهندي لذيييذ وهو الفرع اللي بجانب نفق الشندغه ألذذذذ
وحديقة الووندر لاند بجانب حديقة الخور حلوه واايد للأطفال وصغيره علشان ما يضيعون

هذا اللي أذكره الحين
13-03-1425 هـ, 05:34 مساءً
 


الساعة الآن 10:41 .