السلام عليكم
يا جعل من ساعدتني لو بدعوه ربي يفرج همها ويسعدها دايم يارب العالمين ويجعلها في الفردوس الاعلى :26:
انا لي ثلاث ايام نفسيتي تعبانه وعلي الدوره ( الله يعزكم ) ونزلت موضوع امس اني متضاااايقه وحالتي النفسيه دمار وهذا الرابط
http://forum.hawaaworld.com/showthread.php?t=1755759
انا لي 3 ايام جايتني الدوره وتوني تاركه حبوب منع الحمل وانا لسه صغيييره 22 سنه ومع الدوره تعبت ودخلني برد وجاني سهال ( الله يكرمكم ) والله العظيم نفسيتي خاااااايسه ولا ابين شي لزوجي المهم يوم صار الجمعه بالليل جتنا خالتي للشرقيه ( ام زوجي ) رحت انا وزوجي استقبلناها بالمطار رغم اني تعبانه وكانت الساعه 11 الليل المهم انها هي جايه عشان حفل تخرج حفيدها بالمدرسه مسوين له حفله وجايه تحضره طبعا في يوم الجمعه انا تعبانه بس غاصبه نفسي اروح مع اني قسم بالله حالتي ما يعلم فيها الا الله ،، لدرجه اي شي اكله الله يكرمكم يطلع بالحمام وفوق هذا دوره يعني تعب بشكل خرافي :( المهم حطيناها في بيت بنتها ورحنا البيت وجا بكره اللي هو امس ( السبت ) قال زوجي في غداء في بيت اختي بتروحين ولا بتدرسين ( داخله دوره مرتين بالاسبوع اسلي نفسي وأضيع وقت وللأسف مافي فايده ) يارب لك الحمد على كل حال ..
قلت له لا بجلس خلاص الليل اروح معاك للحفله الساعه 5 اكون جاهزه وكان وقتها الساعه 1 الظهر ..
المهم طلع ورغم ذلك كان في بيناتنا بداية مشاكل خفيفه بسبة اني انا متضايقه وطفشانه ومابي اضيق صدره علي وهو الا يبي يعرف ولمن قلتله اني مشتاقه لأهلي في الرياض وفقدتهم قام عصب علي وقال انتي وانتي ووووو... تعرفون الرجال لا عصبووو.. المهم انا جلست ابكي وأبكي .. طلع هو وصبخ بالباب ولا فكر فيني وعادي ..
كلمني الساعه 3ونص العصر قال ترا 5 الا ربع تكونين جاهزه عشان تروحين مع خواتي ... انا كنت تعبانه يا بناااات مره قلت له ما هقيت اني بروح قال براحتك .. المهم مارحت انا... جا البيت عشان يلبس قلت له الله يعافيك انا تعبانه ومتضايقه وكل هم فيني .. ودني سوق ودني اي مكان حطني في طريقك قبل تروح .. طبعآ هو عصب وقال لا ماني موديك انتي يا تروحين معاي للحفله يا لأ اجلسي بالبيت .. يا بنات انا ادري انو المفروض اروح وعيب بس قسم بالله تعباااااااااااااانه ولا لي خلق اهله ذيك اللحظه مره مالي خلقهم واكيد انتم تمرون بنفس الاحساس اللي مريت فيه طبعآ قال لا مافي سوق ولا في اي شي اربضي بالبيت :( جلست اصيح ورميت عليه كم كلمه وقلت له انت اناني ما تحب الا نفسك وأهلك انا زوجتك اطلبك وتردني وهذي مو اول مره طبعآ صبخ بالباب ولا كني الا كرسي بالبيت
يوم رجع قال بروح بيت اختي تروحين ولا لا .. قلت له لا مانيب رايحه برضو صبخ بالباب وراح في حضن اهله :(
المشكله في ايش انه لمن راح للحفله كلم امي وقلب السالفه علي وقال لها بنتك ما تحترمني وبنتك مشكلجيه وانا ما تزوجت عشان المشاكل ومن هالحكي طبعا امي دقت علي وهاوشتني وهي ما تدري وش الطبخه وانا فهمتها كل شي بعدهاقالت لي يا بنيتي ترا الرجال ما يهمه شي يعني اسمعي وابلعي والله انتي الخسرانه اذا راديتيه .. المهم بكبكت عليها وهي ضاق صدرها قفلت منها ويوم جا قلت له ليش تكلمها انا مااحب مشاكلي تطلع وانا وياك متفقين من زمان ان ياهلك واهلي مالهم دخل فينا انت اصلا وش لون تبيني احترمك وانت ما تحترم رايي ورغباتي :angry2: قال مالك دخل انا بكلمها بمزاجي ..:42:وكلمته علطول امه وقالت تعالو احنا رجعنا البيت المهم رجع وقال لي بروح بيت اختي تروحين ولا لا .. قلت له لا مانيب رايحه برضو صبخ بالباب وراح في حضن اهله :( ولمن رجع جا وبدل ملابسه وشال اللاب توب ودخل الغرفه عشان ينام وكانت 11 الليل يعني من 1 - 11 وانا لحالي كني كرسي من كراسي البيت ..:angry2:
يوم قمت الصبح اليوم الساعه 10 ونص وربي ما مداني افتح عيوني وغسلت طلعت اشيل الزبايل وأنظف الا دخل علي بالغرفه وقال لي شوفي يا بنت الناس انا من كلامك حسيت انك تبين الانفصال وأنا ماعندي مانع اذا تبين اوديك الرياض وديتك الحين ( ورب البيت اني اكتبلكم الكلام ودمعتي على خدي ) انا انصدمت لحظتها قلت من قالك اني انا افكر بالانفصال !!!!!!!!!! انت وش جاااك ليش كذا كل هذا لأني متضايقه ما تتحملني :(
قال شوفي انا مالي خلق مشاكل وقام يصارخ وقال لي اذا تبين تجلسين عندي من دون مشاكل اكتبيلي كل طلباتك اللي تبيني اسويها لك في ورقه << تخيلو هالكلام نزل علي زي الصااااااااااااااعقه ؟؟؟؟
زوجي اللي تغربت عشانه يقول لي اكتبيلي كيف تبين اتعامل معك// ليييييييييييييييييييييش يا بنات انا حالي صار من حال المقاضي ؟؟ طبعا جلست ابكي عنده وقلت له انا ما اجلس عند واحد يبيني اكتب له في ورقه واقول له اليوم ابيك تجلس معاي اليوم ابيك تنام معاي وبكره ابيك تبوسني ووووووووو... بنات حسيت نفسي حماااااااااااااااااره
تخيلو رجالكم كذاااا :(
المهم انا قلتله خلاص مالي قعده عندك وطلعت كل عفشي وقلت له احجز لي بروح بأول طياره للرياض
وكلمت امي وجلست اصيح وقلتلها كل شي انهرررررررررررررررررررت جاني انهيار عصبي وكلمته امي
وقالت له بنتنا موب بايره ولاهي قاعده على قلوبنا عشان تمرمطها كذا ووش سوت لك عشان تهينها ؟؟؟
ووش هالطلب اللي تقولها اكتبي بورقه .. انت ما تستحي ومن هالكلام !!
بعدها انا جلست بغرفتي استغفر واسمع قرآن وتعوذت من الشيطان ورجعت ملابسي مع انه هو طلع علطول عند امه ..
يوم صارت 3 العصر امه لقيتها داقه ولا رديت رجعت دقيت عليها قالت وينك ما شفناك ابد قلت ابشري بجيكم الحين والله يا بنات انا خالتي ماشا ءالله زينه معاي ( ام زوجي ) جبرت نفسي وانا تعبانه ولبست وكلمته وقلت له الله يعافيك ابيك توديني الساعه 4 بيت اختك بسلم عالوالده .. وسكرت .. ورب البيت ما كملت 5 دقايق الا دخل علي بالغرفه وقال شوفي انتي ما تامريني انتي تطلبيني فاهمه ويقولها وهو يصارخ بنات تعرفون كيف حسيت كني شغاله عند زوجي ... زوجي يقول لي انتي تطلبين مني مو تامريني سكت وقلت له صح انا ناسيه انك تبيني اكتب لك في ورقه طلباتي وانا آسفه طال عمرك وطلعت من الغرفه .. ورحنا بيت اهله وانا وجهي زي الليمونه .. وسلمنا وجلسنا ورب البيت لو تشوفون كيف ضحكه مع اهله واخواته وبناتهم وعيالهم وقسم بالله اني ما تحملت نزلت تحت ودخلت الحمام وجلست ابكي ابكي وكلمت امي قلتلها ما اقدر استحمل ليش كذا يعاملني
والله اخر البيت يسمع ضحكه ويوم طلعنا بالسياره ولا كلمه والحين هو طالع النادي بعد ساعه بيجي مدري وش اسوي
شورو علي تكفووووووووووووووووووووووووووون
لو دعوه وحده تكفيني يا اخواتي
وش اسوي مع زوجي
بسمه.. @bsmh_33
عضوة فعالة
هذا الموضوع مغلق.
والله ما ادري شقول لك
مالي الا ادعي لك
الله يهدي سركم ويصلح ما بينكم ويخزي شيطانكم يارب
مالي الا ادعي لك
الله يهدي سركم ويصلح ما بينكم ويخزي شيطانكم يارب
ابقولك شي يا ختي وتكفين لا تزعلين مني انا قسم بالله لا اعرفك ولا ابي الا مصلحتك...
صراحه انتي عاندتي زوجك وفررتي به بما فيه الكفايه وفشلتيه قدام اهله يعني مررره شينه امه جايه ومجتمعين وانتي سااااحبه عليهم انا عارفه ان نفسيتك تعبانه وقرفانه من حياتك بس ولو الواحد يضغط علي نفسه شوي وتدرين والله العظيم لو انك مجامله زوجك واهله كان زوجك رحمك وقدر اللي تسوينه بس انتي كذا تقولين طز فيك وفي اهلك والزم ما علي نفسي..
وبعدين سالفه انك ماتبين تروحين للحفله وتبينه بعد يوديك للسوق صراحه زين من زوجك ما كان له تصرف ثاني يعني كنك تقولين مابي اهلك وجمعتهم مو لاني تعبانه بس لاني مالي خلقهم بس السوق اوكي بالله هذا التصرف مو يقهر..
يختي تعوذي من ابليس وصلي لك ركعتين وحاولي تراجعين نفسك شوي وتقدمين بعض التضحيات ...
الله يسهل امورك ويوسع صدرك ويسخر لك زوجك...
صراحه انتي عاندتي زوجك وفررتي به بما فيه الكفايه وفشلتيه قدام اهله يعني مررره شينه امه جايه ومجتمعين وانتي سااااحبه عليهم انا عارفه ان نفسيتك تعبانه وقرفانه من حياتك بس ولو الواحد يضغط علي نفسه شوي وتدرين والله العظيم لو انك مجامله زوجك واهله كان زوجك رحمك وقدر اللي تسوينه بس انتي كذا تقولين طز فيك وفي اهلك والزم ما علي نفسي..
وبعدين سالفه انك ماتبين تروحين للحفله وتبينه بعد يوديك للسوق صراحه زين من زوجك ما كان له تصرف ثاني يعني كنك تقولين مابي اهلك وجمعتهم مو لاني تعبانه بس لاني مالي خلقهم بس السوق اوكي بالله هذا التصرف مو يقهر..
يختي تعوذي من ابليس وصلي لك ركعتين وحاولي تراجعين نفسك شوي وتقدمين بعض التضحيات ...
الله يسهل امورك ويوسع صدرك ويسخر لك زوجك...
أم كعتو
•
حبيبتي انتي تتكلمي عن حال معظم الرجال ! ما يصير تعاملي الرجال هالشكل ابدااااااااااااااااا !!
يعني انتي قلت لي طلعني السوق و روح الحفله ، ما شايفه انه فيه تناقض بين مرضك و عدم روحتك للحفله و بين طلعتك للسوق ! حبيبتي لأزم تغيري طريقتك و تخلي زوجك و أهله تاج راسك عشان تكسبي زوجك ، ولو كسبتيه هو بيغير تعامله معك ،،ما يصير هو يشد و انتي تشدي !كذا الحبل راح ينقطع !!
بعدين زوجك يروح و يرد و يسألك اذا بطلعي معاه وانتي تقولي لالا !! يعني الرجال ما طنش الا لما مل !!
انا اقول اذا رجع زوجك اذا ما قدرتي تكوني هاديه معاه و تبتسمي له ، حاولي ما تشدي معاه !! تراه الرجال لو عصب على زوجته راح يقلب كل شي ضدها و يشوف حسناتها سيئات ! انتي هدي ، وباين انك و زوجك ما كثير عارفين تتفاهموا ،، واحس زوجك زين فلا تخسريه
الله يسعدك
يعني انتي قلت لي طلعني السوق و روح الحفله ، ما شايفه انه فيه تناقض بين مرضك و عدم روحتك للحفله و بين طلعتك للسوق ! حبيبتي لأزم تغيري طريقتك و تخلي زوجك و أهله تاج راسك عشان تكسبي زوجك ، ولو كسبتيه هو بيغير تعامله معك ،،ما يصير هو يشد و انتي تشدي !كذا الحبل راح ينقطع !!
بعدين زوجك يروح و يرد و يسألك اذا بطلعي معاه وانتي تقولي لالا !! يعني الرجال ما طنش الا لما مل !!
انا اقول اذا رجع زوجك اذا ما قدرتي تكوني هاديه معاه و تبتسمي له ، حاولي ما تشدي معاه !! تراه الرجال لو عصب على زوجته راح يقلب كل شي ضدها و يشوف حسناتها سيئات ! انتي هدي ، وباين انك و زوجك ما كثير عارفين تتفاهموا ،، واحس زوجك زين فلا تخسريه
الله يسعدك
@ عسل @
•
^
^
^
^
^
كلامك رائع ياام نوره
الله يسخر لك زوجك ان شاء الله ويجعلك اجمل اانساء في عيونه
الجأي لرب العالمين صلي الوتر واستغفري وان شاء الله ماتشوفين منه الا كل خير
^
^
^
^
كلامك رائع ياام نوره
الله يسخر لك زوجك ان شاء الله ويجعلك اجمل اانساء في عيونه
الجأي لرب العالمين صلي الوتر واستغفري وان شاء الله ماتشوفين منه الا كل خير
الصفحة الأخيرة
بس دام كلكم متوترين مارح ينفع النقاش
اسكتي حتى تهدا النفوس