اخواتي عندي روبيان كبير

ودي تساعدوني فيه ابي اطبخه بطريقه حللوه يعني ابي خلطه او كشنه

وكيف تكون الطريقه الله يسعد من ترد علياا .!!

سبحان الله وبحمدهـ .. سبحان الله العظيم ..

الحساب مشترك
اذا تبينه قلي مافي احلا من كذا

تتبلين الريبيان ب ليمون وثثوم وملح وكتشب وزنجبيل مطحون

تخلينه شوي


بعدين تشيلينهم حبه حبه وتغطسينهم بدقيق وتقلينهم

واستمتعي بالطعم مع رز ابيض وبصل مقلي

وسلطة الطرطوس
ربي اشرح لي صدري ويسسر لي امري
اختي اذا ماتبغيه مقلي
سويه صيني<<الذ واصح
وهو انك تكشني بصل وثوم وفلفل رومي وتضيفي الربيان بعد غسله وتنظيفه
وتحطي عليه عصير ليمونه وبهارات وصويا صوص وذرة ملح
وفي الاخير تضيفي الطماطم والبقدونس او الكزبرة اللي تحبيه
اتمنى تعجبك وبالهناء والعافيه

لكل من قرأت مواضيعي..
لا اريد منك سوى الدعاء لي ولأختي بالذريه الصالحه..
امممممممممممممم مم..والله في طرق كثيره
كشني بصل وثوم واضيفي لها الربيان والبهارات والملح والطماطم والفلفل الاخضر الحار والرومي والكزبره وصلصه طماطم شوي ..وتركيهم على الناااار مع اضافة قليل من الما ء..توكل مع الرز الابيض او خبز التنور
فيه طرق كثيرة
1-بروستد ربيان وينفع للحجم الكبير وطريقتي انقع الربيان بعد تنضيفه وغسله في عصير ليمون وثوم مفروم وزبادي وزنجبيل وملح وبهارات وفلف اسود وكمون وبعدين اغمسه في الدقيق مضاف اليه قليل من البكنج باودر ثم اغمسه في البيض وارجع اغمسه مرة ثانية في الدقيق واغليه على نار هادئة حتى ينضج
2-ممكن عمل كبسة الربيان وطريقتها انك تكشني بصل في قليل من الزيت ثم تضيفي اليه الثوم المفروم ومن ثم الطماطم والملح والبهارات ومعجون الطماطم والليمون الاسود والربيان وتتركينها على نار هادئة الى ان تنضج وممكن اضافة الماء المغلي اليها واذا ستوى اضيفي الرز
3 -ممكن عمل برياني الربيان وهنا في المنتدى عدة طرق
4-ممكن عمل ربيان بالصالونة الهندية مع رز ابيض
5-ممكن عمل كبسة الربيان بالفاصوليا الحمرا
6- وممكن عمل مطبق الربيان
هذا اللي يحضرني حاليا واي طريقثة تبيني اكتبها امري


الساعة الآن 10:02 .