Analysis Services
على قولتك يا ( كل الاسامي) احيانا المشكله تكون بسيطه ما تكلفك غير قيمة مرهم من الصيدليه..... يختي تشبعنا من الادويه وخرابيطهم لدرجة صرنا نعرف وش الحل من غيرهم...

بالنسبه للمعهد يا سلااااام ليتني اقدر ادرس في جده ولا الرياض ,,,, بس انا بالمدينه ما عندي غير الدجه.... والدورات هذي تاخذ شهور واحيانا سنه....
مشكوووووووووره اختي
16-06-1430 هـ, 03:12 مساءً
 
الله يعينك ويوفقك اختي مواريد ,,, بس يا ترى يعطونك تصريح وأنت ما عندك شهاده في هالمجال؟؟؟ لانه صراحه مشروعك بدأ يدخل في رأسي << بس طبعا انا في الرياض
17-06-1430 هـ, 01:54 صباحاً
 
انا خريجة اقتصاد منزلي وتربيه فنيه وخياطه يعني اقدر افتح مشغل .... بس النشاط بيقتصر على البشره بس...

تصدقين بيفتح قدام بيتي مركز علاج طبيعي ... وطرت على بالي فكره بعد ما اخذ اي دوره استأجر من عندهم مكان صغير وابدى فيه واجيب وحده فلبينيه تساعدني الين ما اكون خبره اكثر واكسب سمعه ويسهلها الله وافتح مركز خاص على مستوى .. وش راييييييييكم؟؟
17-06-1430 هـ, 10:46 صباحاً
 
السلام عليكم مواريد حبيت افيدك , والله العظيم ان هالفكرة براسي من زمان أكثر من خمس سنين واكيد طرأ على كل البنات مو بس احنا من اللي نشوفه من تلطيخ للمكياج بلا سنع على الوش بس فيه اشياء كثيره ومميزه ماقلتيها حتى فعلا يكون المشروع على مستوى المملكه كلها المهم انا من المدينه اذا حابه نتعاون خطوة بخطوة حياك الله وحتى العاملات لدي امكانيه اجيبهن , إستخيري أولاً وردي عليه ..
والله الموفق
17-06-1430 هـ, 12:01 مساءً
 
هلا وغلا جيجي يسعدني اهتمامك .... بس انتي تتكلمين عن مشروع على مستوى المملكه ويـــــــــــــــن الدعم وانا اختك؟؟؟؟
والله مدري يوم اتحمس ويوم اتحطم ليت اتعرف عليك اكثر ونسولف وشلون نقدر نحقق مثل هالمشروع .... وخاصة اني ودي ادخل دوره قبل لا ابدى فيه بس يا حسره ما عندنا بالمدينه دورات متخصصه بالبشره .. اذا تخبرين وش رايك ندخل هالدورات ونتعلم اكثر وبكذا نكون خبره وعلى بينه.... ذيك الساعه نبدى نتكلم بالمشروع بكل ثقه .. لا اطول عليك انتظرك...
18-06-1430 هـ, 05:02 صباحاً
 


الساعة الآن 10:09 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏