مساكم الله بالخير يابنات حواء..

تخيلوا.. ولا ماتتخيلون..

قبل كم يوم مريت على صراف البنك السعودي للاستثمار.. كنت بسحب مصروف للبيت..

وطبعا كالعادة ادخلت البطاقة والرقم السري والعملية المطلوبة اللي هي سحب (3000) ريال

وطلعت لي البطاقة

وقامت الماكينة تطلع هذيك الاصوات اللي كنها بتطلع فلوس

بالأخير.. ماطلع لي شي

طبعا استغربت

وبجراءة قلت خليني ادخل البطاقة مرة ثانية واشوف اللي حصل

لقيت المبلغ انخصم

سحبت مرة ثانية.. وطلعت لي الفلوس

رجعت البيت وعلى طول كلمت الرقم المجاني حق البنك الأهلي اللي حسابي عندهم وشرحت له اللي حصل وقالي انه بالفعل ظاهر عنده اني سحبت الـ 3000 آلاف

مابي اطول السالفة..

المهم رحت اليوم نفس الفرع حق البنك الأهلي

والموظف طبع لي هناك كشف الحساب حقي.. وهنا كانت المفاجأة

العملية هذي ميب موجودة تخيلوااااااااااااااااااااا

ووعدني الموظف انه بيراجع حسابات البنك الثاني ( البنك السعودي للاستثمار) وبيتصل فيني..



طبعا انتوا الحين مستغربين ليش انا احكيلكم هالسالفة..

انتبهوا..

أبي انبهكم..

آخر الشهر يصير ضغط على الشبكة واللي تبي تسحب.. تسحب من نفس الصراف حق البنك حقها.. عشان مايصير معها اللي صار معي

وان شالله بقولكم وش آخر الأخبار..
ياااااااااارب ترجع فلوسك
واحنا ننتظر اخبارك
وشكرا على التنبيييه
أم مشاعل
صار لي نفس الموقف تماما مع صراف الرياض وحسابي في الأصل مع البنك العربي
ولكن بعد يوم رجع الحساب أوكيه

وفعلا أيام الازدحام والضغط مثل أيام الأعياد تحصل مثل هذي المشاكل

أتمنى لك التوفيق
مشكوره حبيبتى على الافاده بس لاتخلينهم

حصل موقفك لزوجى بالظبط وصار وراهم اللين رجعتله الفلوس الحمد لله
لا اله الا الله
لا تخافين حقك بيرجعلك ودايما تصير معانا
بس المهم لما تسحبين اى مبلغ ما ترمين الورقة احيانا ينخصم اكثر من اللى سحبتيه فلازم لما تراجعيهم يكون معاكى الوصل


الساعة الآن 07:38 .