بنات انا جيت متاخره للبيت وابى اسوى مكرونيه وانا عندى نص دجاجه وودى بطريقه حلوه ولذيذه للمكرونه
بس واللى يعافيكم ابى فيها شويه مرق مو جافه بس دايم تجف معى واذا حطيت لها مرق يصير ماهو حلو احسها يبيله شويه مدرى ازود الصلصه او الماجى او ايش بالضبط
الوقت يمضى تكفووون اسعفونى
اسلقي النصف دجاجة من غير جلد

وقطعيها اصابع من غير عظم

ونجي للمكرونة اولا اسلقيها بماء فقط الى ان تقارب للنضج لأن المكرونة اذا كانت ناضجة كثير يطلع طعمها مهب حلو

والخطوة الثانية اذا نضجت المكرونة نصف نضوج اخلطي 4 ملاعق حليب بودرة بربع كأس ماء وحطيها على المكرونة وهي فيها ماء السلق ولازم يكون قليل وحطي ماجي اذا تحبين وعلبة صغيرة جبنة شيدر المعلبة واخلطيهم وحطي قطع الدجاج واخلطية ويكون فيه مرقة بالنهاية سميكة

وتطلع لك اجمل باستا سريعة ولذيذة بشكل

مرة في رحلة بالطيارة اكلت مثلها ومن بعدها وانا اسويها على طول
قطعي الدجاجه وقطعي بصل وثوم وفلفل اخضر وممكن تضيفين اذا عندك فلفل ملون ( اصفر واحمر ) وفطر

حمي الزيت وحمري البصل والثوم والفلفل الأخضر والدجاج مع مكعب ماجي وفلفل اسود وشوية كاري وحطي عليها كاسة مويه لحد ماتنضج

اسلقي المكرونه

وسوي هالخلطه على جنب ( 4مكعبات كيري + 3 ملاعق اكل جبنة سائله + 3 ملاعق حليب نيدو + شويه مويه واخفقيها زين لحد ماتتجانس)

اخلطي الدجاج اللي تضبط واستوى مع المكرونه المسلوقه وضيفي خلطه الجبن عليها واخلطيها زين ممكن تاكلينها على طول وممكن تحطينها في بايركس وتدخلينها الفرن تمسك في بعض شوي

كلها في الحالتين طعمها حلوووووو
للرفع

: )
انا اقول لك يااطويلة العمر ولا اسهل من هاالطريقة
جيبى الكاتم
وضعى فية المقادير التالية

1 بصل يحمس
2 طماطم يقطع شرائح ويحرك مع البصل لين مايذبل وتظهر لك مويتة
3بعدين نص الدجاجة اربعة انصاص وارميها فى الكاتم مع البصل والطماطم
4 بعدين قطعى مكبات بطاطس وارميها بعد فى الكاتم
5 بعدين قطعى مكعبات باذجان وارميها بع مع الحوسة اللى قبل
بعدين تظعين كيس المكرونا
ثم تخمرينهم بالماء وتخلين مقدار الماء مرتفع شوي عن سطح المكرونيا
واخيرا تضعين مكعب ماجى وملح واربع ملاعق صلصة طماطم و2 ملعقة فلفل اسود وبهارات مشكلة من اللى فى مطبخك وعودين دراسين قرفة 1ليمون اسود وسكرى الكاتم وفى ظرف 20 دقيقة الى نص ساعة المكرونة جاهزة وتطلع لك احلى خبيصة بس تاكلين اصابعك وراها


الساعة الآن 05:13 .