السلام عليكم


يابنات فكرت وأجيب بضاعة من برا واتاجر فيها
يعني اخصص مبلغ وأشتري البضاعة وأحط اعلانات وأسوقها بالنت وخارجه
حاليا في بالي فكرة استيراد بضاعة غريبة لكن خايفة محد يشتري واتوهق فيها
أول تجربة بتكون بضاعة من ايطاليا " فينيسيا " ووصيت عليها وحدة اعرفها سافرت هناك
وبترجع بكرة بالليل وطلبت منها تجيب لي مجموعة من هالنوعية
بس خايفة ماتمشي واتوهق فيها
نوعية البضاعة .. أقنعة تنكرية من النوع الفاخر
عرفتوها ؟ اللي يلبسونها الحريم في الافلام الاجنبية على وجوههم في حفلاتهم التنكرية
الماسك يغطي الوجه كله وبعضه نص الوجه
واسعاره من 150 إلى 200 ريال على حسب الموديل
ماعندي الحين صور (ماأرسلت لي البنت) والا نزلتها لكم وتعطوني رأيكم فيها
بس تقول روووعة وأنا أثق بذوقها لأنها ذويقة ماشاءالله
وش رايكم ؟ هل اطلب كمية كبيرة ؟ هل تتوقعون بتمشي عندنا ؟
وشلون بيكون الاعلان عنها ؟ وهل فيه طرق جديدة لبيعها ؟
و وش غيره من الضايع اللي بإيطاليا ممكن تمشي هنا
هل ممكن القى مسوقات او مندوبات ؟
انتظركم والله يوفقني وياكم

19-06-1430 هـ, 12:56 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
بصراحه اختي ماتوقع تمشي عندن كان وصيتيها بشنط او جزام اكرمكم الله

حاجات مستهلك ومش موجوده عندن او كريمات

مادري اختي انا لو اعطيك الماسك هذا هديه ايش تسوين فيه

وين تلبسينه
.
.
19-06-1430 هـ, 01:35 صباحاً
 
انا بالنسبه لي مستحيل اشتريهاوسعرها مره غالي و ماعندنا حفلات من ذا النوع انصحكي غيري الفكره
اتوقع بس الي بيشتري منك الطبقه الغنيه ومراح تمشي جيبي عينه بسيطه وجربي
موفقه
19-06-1430 هـ, 02:58 صباحاً
 
واو في فنيسيا بهارات بكيس بالاكشاك اللي بالشارع تجنن مخلطه اورجانو وحبحر واشياء ثانيه بس طعمها خيال

تندمت ما جبت كميه ..
19-06-1430 هـ, 03:05 صباحاً
 
فكره حلوه ان تجيبين بضاعه من برا

لكن اخطائتي في اختيار نوع البضاعه

لنكن واقعين وين بتنلبس هالسوالف ؟

مارح تمشي ابد ابد وان مشت بشكل ضعيف جدا

استغلي روحتها لايطاليا بسوالف اروع وتمشي وماتقعد عندتس بعد

انا متأكده ان في اشياء العالم تدور عليها مو موجوده عندنا ويبونها
19-06-1430 هـ, 05:15 صباحاً
 


الساعة الآن 05:00 .