شوفي حبيبتي ..
اذا بتحطين تصوير لا بد يكون ترخيصك ترخيص مركز نسائي وليس مشغل ,,, والمساحه لازم تكون 300متر مربع ,,, ولازم يكون عندك ترخيص لممارسة التصوير من وزارة الاعلام ((وهذا طبعا شرط أساسي)) وشروط وزارة الاعلام عشان يعطونك الترخيص لابد يكون عمرك 25سنه أقل من كذا ما يعطونك ترخيص ولا بد أن لا يكون المحل في داخل مجمع تجاري ((؟أقصد الاسواق التجاريه العامه الغير نسائيه)) وما يطلعون لك الترخيص الا بعد شهرين ,,,
بس عندي أستفسار أختي كيف لقيتي محل مساحته 300 متر مربع بأربعين ألف بس؟؟؟ غريبه صراحه لان أقل سعر لقيته من الميه وفوق؟؟؟
20-06-1430 هـ, 01:11 صباحاً
 
كل الاسامي محجوزه مشكوره على افادتي ساعدتيني قبل كذا على تسائولات كثيره جعله الله في موازين اعمالك
بالنسبه للموقع انا في محافظه صغيره وهذا عباره عن منزل بوسط البلد وعند سوق وهو ماحطه بأربعين الف الا لاني بفتح فيه مركز نسائي والا لو اني ابيه سكن سعره الطبيعي عشرين الف ويمكن اقل.
والله اني خايفه الشغله ماتجيب همه ولا اقدر اسدد الإيجار
والتصوير هل اقدر امارسه بدون رخصه اخاف يعقدوني وزوجي واصل حده
20-06-1430 هـ, 01:54 صباحاً
 
وياك حبيبتي ,,, اما من ناحية التصوير ما تقدرين تمارسينه من غير رخصه لانه لو دروا البلدية قفلوا محل التصوير ,, بس انا سمعت كثير من المشاغل تقوم بالتصوير بالخفاء (( يعني بالدس)) بس فيها مخاطره عليك ويمكن غرامه .. وعلى فكره ترا من شروط الرخصه انه يكون المحل على شارع تجاري,, ومن ناحية الاجراءات مو صعبه ابدا ما تاخذ منك وقت أكثر من خمس دقايق مجرد تعبين استماره وتجيبين صوره لاخر مؤهل جامعي لك وصوره لكرت العائله او هويتك ,,, بس اذا بتوكلين زوجك لابد وكاله شرعيه في المحكمه يعني شويت مرمطه ,,, بس الي يطول المده الي يطلع فيها الترخيص الانتضار...
20-06-1430 هـ, 02:08 صباحاً
 
كل الاسامي محجوزه : مشكوره حبيبتي ماقصرتي ابي اسألك كنتي تسألي البنات قبل فتره عن حكم الخياطه النسائيه إذا لقيتي الحكم تكفين رديلي وبالنسبه للتصوير عندك معلومه عن مشروعيته
20-06-1430 هـ, 02:30 صباحاً
 
من ناحية الخياطه سمعت فتوى صوتيه للشيخ ابن باز الله رحمه ذكر اذا الفستان او القطعه المراد خياطتها ساتره ولا تظهر المفاتن المحرمه (غير عاريه) فهيا جائزه أما اذا كانت فستان عاري او قطعه عاريه وتظهر المفاتن المحرمه فهو حرااام بل تصل بها المسءله انها تشيل ذنب كل وحده تلبس الفستان او تفصل عليه ((فالدال على الشر كفاعله)) ومع الاسف ان كثير من الخوات مستهينات في هذا الموضوع.
أما من ناحية التصوير فهو لايجوز وذلك فتوه من الشيح عبد العزيز بن باز وابن عثيمين رحمهم الله الا الصور التي للضروره مثل الصور للجوازات والبطاقات الشخصيه وبمعنى الحديث ((أشد الناس عذابا يوم القيامه المصورون))
والله يكتب لك الي فيه الخير,,,
20-06-1430 هـ, 07:38 مساءً
 


الساعة الآن 09:07 .