بنت البخاري @bnt_albkhary

عضوة نشيطة

لو كنتي مكاني ايش حتسوي؟؟؟؟ <<<< تم نقله للاسرية

مرحبا يا اغلى عضوات ... حبيباتي اتمنى القى عندكم حل لمشكلتي ... بس يريت قبل ما اي وحده ترد تسأل نفسها لو لاسمح الله كنت مكانها اش كان سويت؟؟؟؟
انا مشكلتي مع زوجي .. توو لنا سنه متزوجين وليا شهرين خلفت وجبتلو بنت .. المهم زوجي متزوج قبلي اكتر من وحده بس اللي استمرت معاه زوجتو الاولى والباقيين اتطلقو... وانا كنت قبلو متزوجه وعندي اطفال من زوجي الاول .. وكنت شايله فكرة الزواج نهائيا من راسي الين اتقدملي شخص وقالولي عنو كل كلام يسر .. وكل ما سألنا احد عنو مدحو .. يعني بصراحه مواصفات كل وحده تتمناها .. وانا يشهد عليا الله كنت رافضتو لسبب واحد بس انو متزوج لكن لمن عرفت انو زوجتو على علم بزواجه وموافقه وكلمتها بنفسي واتاكدت واستخرت قلت على بركة الله واتزوجتو ....
وما اخفيكم كنت عايشه معاه حياتين متناقضه جدا .. حتى اني ماسرت عارفه هل انا سعيده ام لا ؟؟؟ حبيتو بجنون وقدمت تنازلات كتيره وجيت على نفسي كتير ... يكفي بس اني اقولكم حبيتو بكل معنى الكلمه وانتو عارفين الوحده مننا لمن تحب اش حتقدم...
وهو كمان كان مبسوط معايه لدرجة انو كان يقوللي انا مو مصدق السعاده اللي عايشها معاكي ماهو مدحا في نفسي بس والله هادا كان كلامو .. وكان دايماا يمدحني في كل شي .. وكنا عايشين وكأننا اصدقاء كان بالنسبه ليا اكتر من مجرد زوج ... لكن في نفس الوقت كنت اعرف انو يكلم بنات على الماسن بحجة انو يبغى يتزوج التالته انا ما اعترضت لكن عزت علي نفسي لسه ما كملت شهر معاه واشوفو يكلم بنات قدام عيني ولا هو عامل حساب لوجودي مع العلم انو هو بنفسو قال انو ماكان يعمل كده مع زوجتو الاولى بالعكس كان يعملها الف حساب وانو ما اتزوج عليها الا بعد 3 سنين من زواجهم ... كل يوم كنت انام واصحى ما القاه جنبي ادور عليه القاه جالس على النت ويتكلم .. كنا قليل نتكلم مع بعض لانو ماكان عندو وقت ليا ومع كده كنت بأمشي حالي واحمد ربي دايما على وجودو في حياتي ... ماراعاني طول فترة الحمل غير في الطبيخ بس مو عشان سواد عيوني لا عشان هو ما يحب ياكل كتير عشان جسمو لا يخرب وما يصير جذاب على قولو .... وجا وقت الولاده ولدت والحمدلله بعمليه وماكان يجيني في المستشفى الا دقايق ويخرج وكنت انا ادورلو اعزار مع انو تعرفو الوحده مننا تحتاج زوجها جنبها في الوقت دا وتحتاج حنانو وحبو ... ولمن طلعت البيت كمان ماكان يبات عندي بحجة انو لمن زوجتو تولد حيجي يجلس عندي الين هيا تخلص اربعينها لانها كانت حامل .. كان يجيني ساعتين ويروح وماكنت اقدر اتكلم معاه من ساعة يدخل على طول على النت ويقفلو ويخرج ... وبرضو سكت .. واشوفو سار يمسكلي على الوحده واللي عمرو مارفع صوتو عليا سار يزعقلي على اتفه سبب تخيلو لسه ماني قادره اسند طولي يجيبلي الثوب حقو يقول اكويه وكويتو وما عجبو!!! وفيوم جا ولقاني جالسه في شقة مامتي هيا ساكنه قبالي في نفس العماره ولمن ناداني سار يزعقلي ليش ماتقعدي ببيتك ؟؟؟ تخيلو نفاس وماعندي خدامه وعندي اطفال ومافي مقاضي بالبيت ولا في شي ينأكل ويبغاني اجلس !!! المهم فيوم استنيتو بالبيت وما جا ارسلتلو رساله بأقولو انو عندي موعد في المستشفى قال روحي مع امك كالعاده طبعا .. قاللي انا مسافر ازا مو مهم لاتروحي افضل ... ولا اتصل ولا سال .. اتصلت على زوجتو الاولى قالتلي سافر الامارات عشان يتزوج ,,,,, يعني هيا عندها خبر وانا ياغافلين لكم الله .. المهم تركتو الين رجع ولمن رجع لاجا ولا سأل ارسلتلو رساله قلتلو ابغى اغراض للبنت جابها وارسلها من ولدو اللي ما كمل 4 سنين ولا كلف على خاطرو يطلع يشوف بنتو على الاقل .. وفي غرض ماهو اللي انا طلبتو اتصلت بأقوولو عليه انتهى رصيدي وانقفل الخط .. طبعا طلع ابو الشباب شايل سيفو من تحت وطالع ناوي شر واول مافتحت الباب سحبني وسار يضربني بدون ما يوقف وانا ماني قادره اتكلم تركتو الين وقف ضرب وقلتلو ترى انا ماقفلت ووريتو الرصيد ومع كده ولا كني اتكلمت .. ومامتي سمعت بللي سار وسمعتني انضرب ودخلت تفهم منو الموضوع بكل هدوء لكنو رفض وطلقني وخرج ... طبعا انا انصدمت والى الان مني مصدقه اللي سار .. جلست فتره بدون ما اكلمو وابغى استوعب اللي حصل لكن هو طبعا يبغاني اتوسل له واتحايل عليه وابوس يدو عشان يرجعني لانو متعود على كده من زوجتو الاولى .. وانا صرت متمسكه بكرامتي وما ابغى اعتذر لاني ماغلطت راجعت نفسي 100 مره وسالت وما لقيت غلط عملتو في حياتي معاه غير اني اعطيتو شي ما يستحقو ... ودحين انا ما اخفيكم اتمنى ارجع لاني احبو وبجد ماني طايقه فراقو لكني عارفه عاقبة رجوعي له وهو يقوللي اذا تبغي ترجعي تقبلي بأي شي حتى الضرب ... طبعا انا لايمكن اقبل بالضرب خاصة اني ما بعمل شي استحق عليه الضرب واني خلعت زوجي الاول لانو كانت يدو طويله ... معليش ادري طولت عليكم لكن عشان تعيشو معايه القصه وتتوصلو لرأي حكيم ... هل ارجعلو والا لا ؟؟؟ ابغى الرد قبل ما تنتهي عدتي الله يخليكم وجزاكم الله خير

يلزم عليك تسجيل الدخول أولًا لكتابة تعليق.

تسجيل دخول

ولآء • 14 سنة

لاااااا ولا تفكري اصلا ترجعي له هذا مايستاهل وخصوصا انتي ماعملتي شي يغضبه

صح الوحده تتحمل بس توصل لكرامتها وكااااااااااافي

والله يعينك ياقلبي

دخيل عينك • 14 سنة

**** يعينك بصراحة اشوف انك تتمسكي بكرامتك من قصتك ارى بان طليقك رجل يحب يغير حريم 0

noon140 • 14 سنة

الله يفررررررررررررج همك ويرزقك من واسع فضله وعظيم سلطانه

مارشمالو • 14 سنة

لا حول و لا قوة الا بالله .. الله يعينك حبيبتي
في الواقع أنتِ عرضتِ أخطاء زوجك .. و مقابلها أخطائك أنتِ - و اللي أشوفها فادحة - بكل وضوح !!

يعني أنتِ تشوفين قدام عينك تصرفاته السيئة ،، لكن ردة فعلك للأسف كانت : " ما اعترضت" .. "أمشي حالي " .. " أدور له أعذار" .. " سكت" .. " تركته لين وقف ضرب!!" .. !!!!!!

فكانت النتيجة طبيعية جدا لردود فعلك السلبية .. :44:

أنتِ قلتِ بنفسك انه كان يحسب لزوجته الأولى ألف حساب .. تدرين ليه ؟
لأنها قوية و ما تسكت عن حقها ..
ضعفك هذا هو اللي جاب لك النتيجة هذي و الله أعلم ..

سمحتِ له يهضم حقوقك و يتعدى عليك ..و هو للأسف ما صدق خبر يوم شاف الضوء الأخضر..
و الرجال يحتقرون المرأة الضعيفة ..

يا ليت تنتبهين لنقاط ضعفك و تستعينين بالله على اصلاحها ،، و لا تسمحين لأحد أنه يتعدى على حقوقك مهما كان ..
و ترا فهمك للحب غلط .. الحب لم يكن أبدا تقديم تنازلات على حساب حقوق و كرامة ،،
لذلك صححي مفاهيمك لذاتك .. و لا تقدمين أحد على كرامتك مهما كان

الله ييسر أمورك و يعينك و يعوضك خيرا منه

ريمــــان • 14 سنة

بكل اختصار

لو مكانك ما ارجع له .. كل شي الا الضرب