اقتباس مشاركة  (اليماندا)
الله يكتب لك اللي فيه الخير

يسعدك ربي
اقتباس مشاركة  (ست بيت سنعة)



بعد إذن صاحبة الموضوع

أختي صح ان الأوراق فيها تعب بسيط لكن التعب راح يكون بصفة دائمة والسعي هنا وهنا باستمرار مثل معاملة الفيز واستقدام العاملات ودفع الايجار واي شي بيدخل المشغل يحتاج توقيع يعني راحة البال معدومة باعتبار ام دينا بالواجهة واي مشكلة مع الزبونات او العاملات
كل هذا مايستحق نسبة ؟
اكيد يااختي يستحق .. واذا قلنا لأم دينا راعي الصداقة وخليها فزعة .. ليش مانقول لصديقتها طيب انت راعي الصداقة ولا تستغلين اسم صديقتك في فتح باب رزق لك بلحالك وماتنفعين صديقتك معك وتعطينها نسبة اذا موب عشان الاسم على الاقل لانها صديقتك خليها جنبك وظفيها معك راح تكسبين صديقة معروفة تساعدك مثلا بالادارة افضل من غريبة .. هذي صدقتك حبي لها مثل ماتحبين لنفسك (هالكلام للصديقة) بكرة لو تحطين المشغل بإسم وحدة ثانية ماراح تتساهل معك بالنسبة مثل صديقتك بتقول لك الحق حق



أنا لو لي صديقة عمر وواثقة فيها وابي مشغلي بإسمها (لو كنت أجنبية) اكيد راح اعطيها نسبة والاكيد انه ابعطيها مايرضيها والاكيدين اني حتى لو ماحطيته بإسمها عل الاقل أبوظفها بمشغلي وانا الكسبانة .. كسبانة صديقة الطفولة الامينة وأغيب عن مشغلي لو اضطريت وانا حاطة ببطني بطيخة صيفي لاني تاركته بيد امينة




على العموم الله يوفق الثنتين (ام دينا وصديقتها) لحل يرضي الطرفين ومايجعل هالمشغل سبب فرقى بينهم مثل ماصار معي .. خسرت صديقتي بسبب انها جحدني يوم ربي فتح عليها .. كانت مواعدني نشتغل سوا شراكة النص بالنص هي بالمال وانا بالعمل او العمل براتب كبير بدل الشراكة وانا قلت لها اللي تختارينها انا راضية (الشراكة او الراتب) علما بأني انا اللي اعطيتها فكرة المشروع وافكار جانبية وبعد ماقرب يظهر للنور قالت لي تعالي اشتغلي عندي محاسبة براتب 1500 إنت أولى من الأجنبية اللي كنت بجيبها والدوام من الصبح لين الليل بدون اجازة



يعني تضاءلت وتقلصت هههههه من ادارية ومحاسبة ومشروفة ومراقبة .. لمسمى محاسبة عشان بس الراتب يقل مع العلم ان المهام هي هي يعني انا اللي فوق راسي كل الشغل

طيب ياشيخة اعتبريني غريبة موب صديقة .. واعطيني راتب يناسب كفاءتي العملية (موب العلمية لان ماعندي شهادات)
كافئيني عل شطارتي ونشاطي .. كافئيني على خبرتي بالمحاسبة على الاقل بوفر عليم سعر ألة الحاسبة لاني احسب بورقة وقلم رصاص




اذا جات الفلوس تغيرت النفوس
الله يصلح احولنا جميع

ست بيت سنعة اشكرك والله ياقلبي .. الله يسعد يارب .. ورزقنا من فضله...
اقتباس مشاركة  (مديرة السعودية)
لك الحق حبيبتي ب 30 في المئة وهي عارفه الكلام هذا بس تستهبل عليك ةنسبتك سنويا تاخذيها وتبين توافقين احسن لك استشيري محامي الكلام من خبرة
الله يجزاك خير ان شاء لله راح استشير محامي ...
اقتباس مشاركة  (مروج الموج)
انتبهي ..

تراي اعرف اخو كافل اخوه وبالنهايه هج وخلاه بديون تفوق المليون ريال..

الدنيا مالها امان

اي والله حتى الاخوان الله المستعان....
اقتباس مشاركة  (اميره بحيره)
لا لا لا انصحك لاتحطينه باسمك
فكي نفسك من بلاويهم تبي تفتحه تفتحه في بلدها
ماقريتي قصة نوره ووش سوو فيها
والله نصيحه لوجه الله لااحد يغلط ويسوي كذا

ماتدرين وش يحصل من وراك والمشغل باسمك مسؤوليه


الساعة الآن 01:42 .