اذا انتي تسالين عن النسبه ياقلبي اكيد لك نسبه اذا انتي واثقه فيها مرررررره وترى 5 بالمئه شويه لا تستحين ترى مايروح فيها الا الي يستحي لاني اعرف واحد ماجر بنسبة 10 بالمائه
واذا انتي تبين تريحين حالك اجاريهم اسمك بمبلغ تتفقون عليه وفيه ناس ياجرون اسمائهم ويا كثرهم بس محلات طبعا عامه مو نسائيه
بس انتي لازم تنتبهين لنفسك اسالي اهل الخبره وراح يفيدونك
لو مثلا تفتحينه باسمك وتاجرينه عليها احس كذا مناسب لان اي شي يصير بالمشغل تقولي انتي انا ماجرته عليها
طبعا يكون اجاره بالسنه وشوفي السعر الي يناسبك اهم شي لا تستحين خذي حقك لا يضيع واستخيري واسالي اهل الخبره عشان ترتاحين

وبالتوفيق
السلام عليكم


الموضوع كله يعتمد عل الثقة والمعدن الأصيل لكل طرف من الطرفين في مثل هالنوعية من المشاريع

لان الخوف والمخاطر لكل من الطرفين

الطرف الأول (صاحبة المشغل الاسمية - السعودية -)
كل شي بإسمها يعني بسهولة تقدر تروح للشرطة أو اي جهة مختصة وتقول مشغلي وحقي حلالي وهذي الاوراق تثبت وفلانة (الطرف الثاني) تدعي انه لها اطردوها وطبعا القانون بصفها لان العقود كلها بإسمها
وشي ثاني لو لاقدر الله صار لها شي يقدرون ورثتها بسهولة يقولون حق قريبتنا المشغل طلعوا فلانة منه

الطرف الثاني (صاحبة المشغل الفعلية - الأجنبية -)
تقدر تحط المشغل أمام الناس انه مشغل وبالباطن له اهداف اخرى ممنوعة أو ممكن تصير مشاكل مع العاملات او الزبونات وكلها تطيح فوق راس فلانة (الطرف الاول) وهي الوحيدة المسؤولة امام القانون وهي من يتحمل العواقب والعقوبات


طبعا هالامور ماراح تصير ابدا في حالة وحدة
اذا كان كلا من الطرفين يخاف ربه وحاطه نصب عينه
في هالحلة انا أؤيد النوعية هذي من الخدمات حتى لو كان للطرف الاول عمولة أو راتب او اجرة
عادي هذا من حق ياخذ المقابل وهو امر متروك له انه ياخذ او يعتبرها مساعدة

ومثل ماهناك سلبيات هناك ايضا ايجابيات
السلبيات مثل ماوضحت : عدم الثقة او استغلال الثقة
الايجابيات : مساعدة الغير وفك كرباتهم وايضا عائد مادي

ويبق الامر اولا واخيرا متروك لـ :
1- صلاة الاستخارة
2- موافقة ولي الامر

والله يوفقك ويقرب لك بنات وعيال الحلال ويبعد عنك بنات وعيال الحرام
ويرزقك ويوسع عليك
ويسهل لصديقتك أمر المشغل ويوفقها فيه اذا كانت النية الظاهرة نفس النية الباطنة بالنسبة لمشروعها
همس الازهير .. الله يجزاك خير ...

ام مايا .. صح احلم بدخل مادي ... بس من جد احب رحة البال وما احب المشاكل....

بادي هيرد... طيب لو شاكرت بالاسم فقط ما يحق لي اتابع المشغل ... وكم النسبة المتوقعة .. في ناس تقوول مو اقل من 25 بالمية ولا كثير ...

طوايف هذي المشكلة طيب لوا اجرتها المحل .. كيف المشكلة نفسها كل شئ عليا ولا عليها ...

نجمة غلا ... علشان كذا انا محتارة قلت في نفسي مفرووض تقول لك نسبة ... واكيد ما راح اسويها الا يكوون لي شئ ...

ام رها ,,, والله قاعده افكر بالموووضع من جد لو ما ارتحت بقووول كذا ...

ورد متناثرة .. بفكر بذا الحل بعد ما اشوووف باقي الحلووول...
همسات .. الله يجزاك خير عطيتيني حل ... وبسال عنه ....

ست بيت سنعة .. كلامك صح ... وهي ذكية قالت بنكتب بينا اوراق .. علشان يضمنوا حقهم ... ومن حقها صرحة ...
بس انا ويش حقي بالموووضوع هذا اللي ما ادري عنه .....
بما ان البدايه سادها طمع واختلاف في النسبه فانصحك ابتعدي وشيلي الفكره عن راسك..
ثانياً عادة المشاغل ارض خصبه لأمور غير سويه والاشياء هذي وارده في اي مشغل..
لاسمح الله لو صار شي ممنوع او حرام فأنتي المسؤوله الأوله والأخيره..
وبالنهايه انتي لاتديرين المشغل ولا تعرفين خفاياه وعند أدنى مشكله فأنتي المسؤوله..
يارب..
إذا أسأت إلى الناس أعطني شجاعة الاعتذار..
وإذا أساء لي الناس أعطني شجاعة العفو..


الساعة الآن 04:45 .