Analysis Services
السلام عليكم ورحمة الله وبركاته

كيفكم يابنات



حبيت اقولكم عن مشروع عندي


بس مشكلتي الماده ماهي متوفره بس انا هاويه شغلات الحريم اللي هي تصميم فساتين عندي خبره فيه اصمم واسوي اشياء حلوه دايمن في فساتيني وعندي بعد الاكسسوارات احب اني ابدع فيها ودارسه كمبيوتر واحب شغلات الكمبيوتر واكثر شي التصوير الفوتغرافي واحب المكياج وطريقته المهم عندي الاشياء فيه احبه ومتمرسه فيه بس مشكلتي وشلون ابداء والماده ضعيفه عندي يعني ممكن ابداء بالف اوالفين بالكثير وهذي متسوي شي لافكاري اللي سبق وذكرتها

انا من الخرج والمحافضه هذي قليل فيها الشغلات هذي ولو ابداء فيها تكسبت ذهب بس مدري وشلون اذا احد يقدر يساعدني بفكره من عنده وشلون ابتدي عطوني رايكم واللي عندها خبره بعد تقول

الله يجعله ان شاء الله في موازين حساناتكم
21-06-1430 هـ, 04:04 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم

اقتباس مشاركة
تصميم فساتين عندي خبره فيه اصمم واسوي اشياء حلوه دايمن في فساتيني

تصممين موديلات سهرات وتايورات وتنانير وبلايز والا فقط نوع واحد ؟
وهل يشمل التصميم الافادة بنوعية الخامة والشك والاكسسوارات التابعة للموديل ؟
هل تعرضين التصميم على ورق مرسوم برسم كامل او خطوط لإبراز الموديل ؟


اقتباس مشاركة
وعندي بعد الاكسسوارات احب اني ابدع فيها

يعني انت تصممين الاكسسوارات أو موجودة لكن تغيرين من شكلها بإضافة أو حذف


اقتباس مشاركة
واحب شغلات الكمبيوتر واكثر شي التصوير الفوتغرافي

مثل وش شغلات الكمبيوتر ؟ صيانة أو تصميم فوتوشوب او غيره ؟
والتصوير الفوتوغرافي يعني تصوير حفلات مثلا وتصوير عادي مثل اللي مطلوب في البطاقات ؟


اقتباس مشاركة
واحب المكياج وطريقته
تحبين المكياج قصد تعرفين تزينين زيونة عندها عرس أو عزيمة ؟
وهل مكياج فقط بدون تسريحات ؟


اقتباس مشاركة
انا من الخرج والمحافظه هذي قليل فيها الشغلات هذي

انت ساكنة بحي تكثر فيه المشاغل ؟ وهل هو حي فيه ناس كثير ممكن يجونك ؟
او قريب من سوق مثلا ؟
وليش توقعت له النجاح ؟ هل عشان الخرج فقط او الحي ايضا مناسب لمواهبك ؟
وبحدود كم تتوقعين المبلغ الكافي لمشروعك وكم تتوقعين متوسط الارباح صافي
وهل انت متفرغة ؟

اسفة اختي على الاطفالة << صارت المحقق كونان أكلت البنت أكل


الله يوفقك يارب
21-06-1430 هـ, 04:26 مساءً
 
[quote=ست بيت سنعة;31364009]السلام عليكم


تصممين موديلات سهرات وتايورات وتنانير وبلايز والا فقط نوع واحد ؟
وهل يشمل التصميم الافادة بنوعية الخامة والشك والاكسسوارات التابعة للموديل ؟
هل تعرضين التصميم على ورق مرسوم برسم كامل او خطوط لإبراز الموديل ؟

انا في اغلب الزواجات اطلع لي فستان تصميم من راسي فهمتي وارسمه على ورقه عاديه وافهم الخياط فيها ويخيطه لي بعض الشغلات الخياط مايفهم فيها فان لمل يخلص الفستان ابداء ابدع فيه من حركات اقدراسويها بايدي فالبيت ولما احضر الزواج يتفاجئون بتصميم بلا يز اسوي بس قليل والخامات اللي استخدمتها على حسب الموضه مثل الحين اللي دارج الترتر اخذه من لوازم الخياطه وسويه على الفستان بحركات مودارجه مع البنات تصير حركه حلوه وغريبه واقدر اسوي فستان بـ400 ريال وبـ500 ريال واكثر واقل ويكون على الموضه ورخيص ولو شافوه الناس عليك مايتوقعون هذي قيمتها بس انا مشكلتي الماده اما بالنسبه للتصاميم على حسب الطلب اذا في شي في بالك او من عندي اوريك مثلن عدة فساتين من مجله واقولك وين تبيني افصلك وبسعر معقول بس برضو ووين الماده اللي تساعدني علشان ابتدي
21-06-1430 هـ, 04:37 مساءً
 
يعني انت تصممين الاكسسوارات أو موجودة لكن تغيرين من شكلها بإضافة أو حذف

على حسب الاكسسوار اذا يبيله تعديل او اني اسوي لي اكسسوار لعدم وجود بسوق نفس لون البلوزه او الفستان فاروح اسوي نفس الون القطعه الاللي لابستها ويوفر علي تعب الدوران بسوق علشان الاقي اكسسسوار يناسب القطعه اللي لابستها في بعض الاحين تكون القطعه اللي لابستها فيها لولو فاروح اسوي اكسسوار من لولو علشان يناسب وبس



مثل وش شغلات الكمبيوتر ؟ صيانة أو تصميم فوتوشوب او غيره ؟
والتصوير الفوتوغرافي يعني تصوير حفلات مثلا وتصوير عادي مثل اللي مطلوب في البطاقات ؟

تصوير في الاعراس خبرك مافيه سعوديات كثير يصورون فان احب اسوي دايمن صور لي واسويه بالفوتو شوب بس برضو وين الماده

تحبين المكياج قصد تعرفين تزينين زيونة عندها عرس أو عزيمة ؟
وهل مكياج فقط بدون تسريحات ؟

ايه احب اسوي مكياج والتسرحات على خفيف واعرف اسوي استشوار بس وين الماده ولا تقولين روحي اشتغل بمشغل انا متزوجه ومقدر واذا حبيت اسوي لازوم يكون عندي مشغل خاص علشان اجي علىحسب الطلب
21-06-1430 هـ, 04:44 مساءً
 
انت ساكنة بحي تكثر فيه المشاغل ؟ وهل هو حي فيه ناس كثير ممكن يجونك ؟
او قريب من سوق مثلا ؟
لا طبعن الخرج مليانه مشاغل بس انا قصدي المشاغل اكثره وجودها زي عدمه يعني لوتسوين مشغل وتجيبين عاملات يحبهم قلبك على طول الخرج تنتشر بخبر مشغلك ويجون يدورون على الشغل الزين يعني مايصدقون خبر وبعدين الخرج مافيه مصصممات سعوديا يعني لو انا بسوي بكسب ذهب من ناحيه فساتين ومن ناحية اكسسوارات كلها طبعن شغل ايد

وليش توقعت له النجاح ؟ هل عشان الخرج فقط او الحي ايضا مناسب لمواهبك ؟
انا عايشه في الخرج واعرف وشو الشغل اللي يربح والشغل اللي مايربح وذكرتللك الاسباب لانها نادره عندنا
وبحدود كم تتوقعين المبلغ الكافي لمشروعك وكم تتوقعين متوسط الارباح صافي
يعني مثلن لو بصمم فساتين لازم يكون عندي مشغل وبرضو عاملات طبعن في البدايه راح اسوي كذا فستان حلو وبسعر معقول موغالي والاكسسوارات لازم الخامات اللي بسوي عليها يعني تكلفه بس مدري ماحسبتها انتي احسبي وشوفوفي لو بصور مثلن لازم يكون عندي الادوات برضو يعني احسبيها

وهل انت متفرغة ؟

متزوجه ومتفرغه بعض الوقت بس لو عندي محل اقدرا وافق بين بيتي والمحل بس المحل وين

اسفة اختي على الاطفالة << صارت المحقق كونان أكلت البنت أكل

لاعادي انا مافتحت الموضوع الا ابي اسولف معكم واخذ واعطي


الله يوفقك يارب
21-06-1430 هـ, 04:53 مساءً
 


الساعة الآن 11:00 .