اختي (قهوه عصريه) اسمك يناسب الموضوع كثير الحقيقه قبل ما اشكرك بقول ان بعض الاحيان الزعفران يلعب دور قوي جدا في طعم القهوه على حسب ما سمعت بعدين بكلف عليك واطلب بعض المعلومات الدقيقه زي نوع القهوه ودرجتها الي انتي تستخدمينها وهل تحطين مسمار(قرنفل) وهل تستخدمين نينخه وكميت الماء المستخدم وايش نوع الزعفران المستخدم والف شكو على المرور والرد يا الغاليه
اذاكنتي تبين قهوه ريحتها يشمونهااخر الحاره وطعمها جنان وتصحي الراس وماهي مره مالكي الاتجيبين قهوة الخير لقمتي وانتي تحمصيها بالبيت لان اللي بالسوق الصراحه ماهي زينه تجي لاريحه ولانكهة قهوه فيها واللهيل امريكي والقرنفل اندونيسي ونسيت اضيف خوذي القهوه بالخيشه حقتها لان اذا اخذتيها بالكيلو راح يغشون ويحطون قهوه مخلوطه من كذانوع وهذا كلام واحد يبيع بمحلات القهوه
اهم شي نوع القهوه و الهيل لا تطحينيه الا لما تسوي القهوه بنفس الوقت


و خلي القهوه تطبخ في بريق كبير علشان تاخذ راحتها في الغلي واهم شي تطولي بالبطخ يعني لا تخليها فورة او فورتين و تقولين خلاص

و الماء يكون مغلي و تحطي القهوه مع شيبه و نانخه كل هذي اذا تحبيها و جنزبيل و قرفه بس بكميه قليله و معاها الزغفران

و خليها تطبخ اهم شي مده طويله و الهيل يكون مطحون في نفس الوقت الي تسوي فيه القهوه
شوفي بعدين قهوتك كيف ماراح تشبعي منها
شكرا جزيلا يا(نجديه وتحب الشرقية)انا زيك نجديه بس عايشه بالشرقيه الله يعطيك العافيه على المعلومات القيمه بس ايش يعني(الخير لقمتي)
اختي العزيزه ام معاذ واخوانه(الله يعطيك الخير والعافيه ويحفظ معاذ واخوانه)


الساعة الآن 06:43 .