السلام عليكم
حد منكم عندها طريقه للكسكي
انا اعرف انه مفيد وورحت الجمعيه امس وشفته ..وقلت خلنى اخذ اجرب ..بس بصراحه ماامن الا لبنات حواء لانه مقاديركم مضبووطة ومايعجيني اخذ من مواقع ثانيه لانه اغلبها مايضبط
ابى وحدة تبعثلي لنك فيه صور يكون احسن واذا ماعندها بس تخبريني الطريقه مع انى مبتدئه في الطبخ
وطبعا بكون شاكره لكم وخاصه اذا لينك من المنتدى وفيه صور بالتفصيل
والله ينولكم اللى في بالكم






(( اضغطــــــــي هنـــــــــــا ))

ينقل من الساخنة الي الاطباق..
معقوله مافي ولا رد ؟؟ و62 مشاهعدة !
اهلا حبيبتي مدام انك مبتدئه بالطبخ اكيد ماعندك قدر الكسكسي لكن مافي مشكله حتى لو قدر منتو واذامافي برضو مافي مشكله تراه القضيه قدر خضار بالمرق فلا تنفجعي من كثرة الكلام المهم انك في قدر 1/تحطي البصل مع قليل من الزيت المغاربه مايحمروه يحطوه كله على بعض بس انا مااحب البصل ني يعني اقلبه شوي 2/احط اللحم واقلبه بعدين3/ احط عصير الطماطم لكن الافضل تقشريها وبعدين تعصريه وحطي شويه ملون الطعام الاصفر بطرف الملعقه الصغيره وشويه زنجبيل وفلفل اسود وكمون وقليل صلصه وحطي المويه وجيبي الكزبره بس لاتقطعيها يعني تنقيها من الاوساخ وتغسليها وترجعي تربطيها بخيط زي ماكانت وترميها مع اللحم عشان الطعم ولما تغرفي تشيليها لما يقرب اللحم يبغى يستوي /تحطي الخضار اللي تحبيها بالنسبه لي كوسه والافضل صغار زي ماهي واذاكبيره اقسميها بالنص بالطول لكن لاتوصليها للاخر قبل لاتوصلي للاخير وقفي يعني لاتنفصل عن بعض وجزر زي حكاية الكوسه والبطاطس كمان صغار افضل وزي ماهي ودبه صفره مقطعه قطع شويه كبيره عشان ماتذوب وكمان احيانا كرنب خدي ربع الراس بدون ماتفككيه وبليله وخليه مع اللحم الين يستوي طبعا ماتنسي الملح وبكده نكون خلصنا الخضار
نجي للكسكسي انا صراحه احب اغسله واصفيه طبعا طريقة المغاربه طويله شوي يرشو بالمويه ويحطوه بخار ويرجعو يبسوه بالزبده لكن انا عشان الاولاد دايما يطلبوه اسوي الطريقه الاسهل وهي:
احط بالقدر شوي مويه يعني قليل يمكن كاسه وشوية زبده ربع تقريبا او اقل شويه وقليل ملح وخليه يفور بعدين حطي عليه الكسكسي واطفيه على طول قلبيه وغطيه لكن بدون نار وسيبيه ربع ساعه على ماتستوي الخضار هدي الطريقه سهله وتعطينا نتيجه ممتازه ويكون الكسكسي كل حبه بحبتها ماهو معجن بس لاتكثري المويه عليه يعني لما تحطي الكسكسي لاتكون المويه فوقه على الوجه لا المهم بعدين تحطي الكسكسي باالصحن حق الرز وترصي فوقه الخضار بطريقه حلوه وتشربيه شويه بالمرق والباقي من الخضار والمرق تحطيه بزبديه واللي يبغى يزيد بصحنه على كيفه حسيت اني تكلمت كثير بس تراه سهل المهم اني قدرت افيدك


الساعة الآن 10:30 .