تسلموووو لي يابنات من جد رفعتو معنوياتي وحمستووووني فرحت مرررره بردودكم الي زي العسل
وانتو الي روووووعه وعيونكم الحلوه

البنات الي طلبو الطرق من عيوني دحين انزلها بالتفصيل الممل
اما الحلى الاخضر زي ماقلت مو انا الي سويتو اخذته من عند وحده وهو عباره عن كيك بس يتسوا بالبخار والابيض الي من فوق جوز الهند احنا ناخذ منو كميه ونحطها في التلاجه تجلس من اسبوع لعشره ايام زي ماهيا ما تتغير اهم شي انك تحفظيها مزبوط ولما احتاج اسخنها بالبخار
والي تبغى رقمها برضو ولا يهمها بس ابغى اسالها اول لانو هي الين دحين قاعده تبيع لمعارفها بس كل ما اقولها في ناس حابه تشتري تقولي لا استني شويا المهم انا حكلمها ويصير خير
24-06-1430 هـ, 07:54 مساءً
 
حلى الكاسات
الطبقه الاولى
بسكوت شاي مطحون وزبده
الطبقه الثانيه
2 دريم ويب (نسويها بالطريقه العاديه الي مكتوبه في المغلف )(لازم الحليب يكون بارد )
2 قشطه
1 ظرف كريم كرميل
ملعقه جيلاتين مذوبه في مويا حاره
1 مغلف كبتشينو
طبعا بعد مانفرد البسكوت المفروك بزبده في الكاسات
نسوي الدريم ويب لين تصير كريمه بعدها نضيف القشطه والكريم كرميل واخر شي الجيلاتين
بعدها نقسمها لقسمين ونخلط وحده فيهم بالكبتشينو اذا لقيتي لونه فاتح زيدي عليه ملعقه شوكولاته
ونصب في الكاسات مره طبقه صفرا ومره طبقه شوكولا وزينيها زي ماتحبي انا رشيت عليه فليك وزينته بالدريم ويب واصابع الرينجو

عجينة البف
2 كاس دقيق
ذرة ملح
1 ملعقه طعام نشا
3 ملاعق زيت
بيض (حسب الرغبه ) انا قلما استخدمه بحكم ان في ناس عندها حساسيه منه
والمويا قد ما تحتاجي ماعندي مقياس معين
تخلطي الدقيق والنشا والملح سوا بعدها تضيفي الزيت والبيض اذا حبيتي واخر شي المويا شويا شويا وطول ما انتي بتصبي تعجنيها الين ماتصير متماسكه وما تلصق ماتجي طريه مره ولا قاسيه واهم شي لما ترقيها ترقيها الين تصير خفيفه عشان تطلع مقرمشه
بعدها تحشيها بالحشوه الي تحبيها وفي حاجه اكتشفتها انك لما تفرزينيها تطلع الذ ومقرمشه اكثر بس اهم شي انك تطلعيها من بدري عشان يذوب الثلج

طريقة حلى السميد

الطبقه الاولى
1 بيالة سميد
1 بيالة جوز الهند
1 بيالة سكر
2/1 بيالة زيت
3 ملاعق شوكولاتة بودره
1 قشطه شيلي منها ملعقه وخليهاعلى جنب
1 ملعقه كبيره بيكنجبودر
1 ملعقه فانيلا
2 بيض
بسكوت شاي
نخلط المقادير بخلاط الكيك ونصب نص الكميه في صينيه بايريكس صغيرهمدهونه زيت ونرص عليها البسكوت بعدين نصب الباقي عليه
واذا طفا البسكوت مو مشكله انتي حاولي انك تغطيهابالخلطه
ندخلو الفرن ونحمره منتحت ومن فوق واهم شي لما تجي تشوفي اذا استوا ولا لا انك ماتغرزي فيه السكين اماتلمسيه بيدك على الخفيف او بالملعقه بالمقلوب نخرجها ونخليها تبرد



الطبقه الثانيه
في الخلاط
2 كرميل
ا ملعقه قشطه الي شلناه علىجنب
3/2 1 ماء
2 حبتين بسكوت شاي
تحركيها على النار 7 دقايق اوالين ما تكثف بعدين تصبيها على الطبقه الاولى بعد ماتبرد
وتزينيها بالهيرشي او زي ما تحبي



طريقة العجينه



المقادير
كوب حليب بودرة
2 كوب ماء دافيء
2 ملعقة خميرة فورية
نصف كوب زيت
فنجان سكر
ملعقة بيكنج باودر
4 كوب دقيق كويتي
ذرة ملح



الطريقة
1 نحط المويا في اناء ونحط عليه الحليب والخميره ونحركه .
2 -نضيف الزيت والملح والسكر والبيكنج باودر ونحرك.
3 -نضيف كوبين الدقيق فوق الخليط السابق ونخلط.
4 -نضيف باقي الدقيق بالتدريج ونعجن باليد الين ماتصير طريه .
5 -ملاحظة:
من ناحية البيتزا نقللالسكر. هذي العجينة تصلح لأي فطيرة وأي بيتزا






حشوات المعجنات


طبعا انا هنا ماحشيت غير الكروسون بس شي بجبنه بيضه ونعناع وشي بشيدر مع فلفل اخضر



اما الي الدائريه والبيضاويه فشكلتها من غير ما احشيها وفرنتها


وحشيت الدائريه خيار وخس وطماطم وجبنة سلايزات


والبيضاويه


خلطة تونه وخس (الخس الي استخدمته الخس المصري لانو ابدا ما يجيكي مر اتعقدت من الخس العادي وكمان ارخص من الامريكي بكثير )



الخلطه عباره عن (ا علبة تونه –ملعقه طعام مايوينز الهناء وضروري يكون الهنا لانو يفرق في الطعم –مخلل خيار الي تجيكي جاهزه في علب حطي خياره وحده – رشة فلفل اسود – كمون –وملح حسب الرغبه ) تخلطيهم سوا وتطحينهم بالفرامه حقة اللحمه الين ماتصير ناعمه زي المعجون
24-06-1430 هـ, 07:57 مساءً
 
مشكورة حبيبتي على الاطباق اللي تفتح النفس
24-06-1430 هـ, 08:05 مساءً
 
يسلللللللللللللللللمووووووووووووووووووو
24-06-1430 هـ, 08:13 مساءً
 
ماشاء الله بصرااااحه مبدعهـ الله يعطيكي العافيهـ
24-06-1430 هـ, 08:16 مساءً
 


الساعة الآن 06:25 .