أبي نونو ! @aby_nono
عضوة جديدة
سؤال عن ستيك اللحم
السلام عليكم ورحمة الله وبركآآآآآآآآآآآآآآآته
كيفكم ياصبااااااياا
بنااات زوجي قال نفسه في ستيك لحم بكره ع الغداااا وقال بيجيبه معاااه كان ودي يجيبه معاه عشان اتبله من الليل
بس ماصار وقت
ابي اسال عادي اتبله واخليه لمدة ساعه ع الاقل بس ؟؟؟
واذا سمحتو تقولون لي وش هي التتبيله السهله حقته لأن ماعمري سويته ومع ايش اقدر اقدمه
الله يدخلكم الجنه اذا رديتو ولا مارديتو :)
اى سؤال يوضع علي هذا الرابـــــط.
http://forum.hawaaworld.com/showthread.php?t=1696059
2
425
هذا الموضوع مغلق.
الصفحة الأخيرة
تقدرين تتبلينه (( ملح فلفل اسود نص فص ثوم صويا سوس ليمون )) طبعا افضل من الليل لكن دامه بيبه وهو راجع خلاص خليه بالتتبيله مالته على نار هايه حتي يتشربه وبعدين اشويه اما علي التاوه الغير لاصقه او الشوايه
اذا تحبين ممكن تسوين له سوس (تذوبين مكعب ماجي في استكانه ماي دافي وتحطينه علي الستيك وعلي طول تضيفين له كريمه الخفق وتخلينها لين يثقل قوامها وتكتسب لون اللحم) أو (عندج شوربه الفطر من كنور تاخ1ين مقدار ملعقه وت1وبينها في كاس ماي وتضيفينها للستيك)
تقدمين معاه بطاطا مهروسه او خضار سوتيه مثل (الجزر الكوسه البطاط البروكلي ) اذا ماعندج جدر البخار عادي تقدرين تحطين الخضار في مصفاه وتخلين تحتها (ماي يغلي مذوب فيه مكعب ماجي ) تدهنينها بزبده ولما تجهز ترشين عليها ملح وفلفل اسود بس انا اسوي الاثنين
ان شاء الله اكون فدتج وبالتوفيق حبيبتي