Analysis Services
السلام عليكم ورحمة الله وبركاته
صباحكم ومساكم فل يالزينات ابطرح موضوع واتمنى الكل يتفاعل معي والله يجعله في ميزان حسناتنا جميعا يارب
ويحرم جلودنا ووالدينا والمسلمين عن النار ياارحم الراحمين
طبعا كلنا تقريبا داخلين علشان نتعلم ندور عن اطباق جديده تزين سفرنا العامره اصلا من قبل ومن باب شكر النعم والمحافظه عليها هي تكريم النعمه وعدم الاسراف انا الاحظ بصراحه انه فهمنا للأسف للكرم غلط لدرجه صرنا نخلطه بالأسراف علشان كذا اتمنى نسوي حمله لا لرمي الأطعمه ولو كانت قليله واتمنى كل وحده تقولنا وش تسوي في بواقي الاكل الزايده عندها هل تستفيد منها بطبخه ثانيه او تتصدق فيها او ترميها
انا بأبتدي بنفسي انا بصراحه احاول اخلي اكلنا على قدنا قدر المستطاع علشان ماأرمي شي واذا زاد احطه بصحن بلاستيك واغلفه بقصدير واجهزه عند الباب علشان ابو الشباب ياخذه معه وهو طالع ويعطيه اي عامل في الشارع (وياكثرهم بشوارعنا خصوصا اللي يمسحون السيارات) صدقوني بياخذونها وبيفرحون فيها وبيكون لك اجرين ان شاء الله اجر حفظ النعمه واجر الصدقه نفس الشي بالنسبه للخضار والفاكهه القديمه اذا تقضيتي جديد تصدقي بالأول ولا تخليه في ثلاجتك ليما يخرب.
وبالنسبه للعزايم اللي طبعا مااقدر اقلل في الأكل تعرفون عاداتنا نعزم 2 ونحط اكل 10احتفظ ببواقي الطعام واكون محتفظه مسبقا بأرقام العوائل المحتاجه وافرزنه ومن بكره سخنيه ورتبيه وارسليه لهم او للعمال اللي في المحطات
المهم لاترمون شي لو قليل حتى بواقي الاكل اللي في السماط اجمعيه للحيوانات وانتم بكرامه .
اتمنى كل وحده تعطينا طريقتها ونستفيد ونحفظ هالنعمه اللي احنا فيها الله لا يغيرها قولوا آميييييييييين.
26-06-1430 هـ, 04:18 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يجزاك خير الجزاء
26-06-1430 هـ, 04:21 صباحاً
 
جزاك الله خير اختي الغالية

انا اجمع الخبز الزايد واسوي منه بقسماط

اما اذا كان كثير انشفه واجمعه بكيس وفيه سيارة بالحارة كل الناس تحط الخبز الزايد فيها اظن عنده بهايم

اما الرز الزايد احطه في صحن واطلعه برا للعصافير ما يخلون فيه شئ

واللحوم الزايدة اذا كثيرة اجمعها ببلاستك اسوي منها شوربة واذا ما تصلح للحفظ اطلعها بآخر الليل برى البيت للقطط تقضي عليها بدقيقة

ومشكوورة
26-06-1430 هـ, 04:31 صباحاً
 
جزاك ربي الف الف خير والله انا يابنات احاول قدر المستطاع اني ماابذر بسسسسسسسسسسس عجزت الله يغفر لنا ويرحمنا وحلولكم مره حلوه ان شاء الله اني انفذ اللي اقدر عليه00000000 مشكوره0
26-06-1430 هـ, 04:38 صباحاً
 
والله صادقه كثير يغفلون عن هالنقطه
انا بالنسبه لي اجمعه الخبز ويوديه زوجي لواحد عنده بهايم
وباقي الاكل اذا عندي عزومه ارسل للجيران منه على قد حالهم ويفرحون باللقمه الله يكتب الاجر
بس حبيبتي اللي بتوقعيك مطبخك
26-06-1430 هـ, 04:41 صباحاً
 


الساعة الآن 10:35 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏