اختي همسة حب
اهم شي لعمل الحلويات بالفرن هو انك تشغلين الفرن قبل ما تحضرين الحلو مالك يعني مو مشكله اذا خلتيه 1/4 ساعه الى 1/2 ساعه شغال بس مو يكون الغاز شويه عندج والا بعدين تتوهقين يخلص الغاز وحلوك ما استوى وتأكدي ان الفرن ما يكون على درجة حراره عاليه يعني متوسطه افضل شي ويكون بس مفتوح من تحت ما تفتحين الفرن من فوق علشان ما يحترق وهذا يكون للحلويات وحتى الاطباق الرئيسية بس بالاطباق الرئيسية خاصة مثلا اذا كان دجاج أو لحمه ملفوفه بالقصدير بعد فترة من التحمير تحتاجين تفتحين القصدير وتفتحين الفرن من فوق لتحمير الوجه ولكن هذا لا ينطبق على الحلويات بأي شكل كان
لما تسويين كيكه لا تفتحين الفرن بعد ما تدخلينها الا بعد مرور 1/2 ساعه لان اذا فتحتيها قبل ما راح تنفش معاك
ولا تنسين أن البيض يجب أن تضربينه بالخلاط لمده لا تقل عن 3 دقائق لزوم انتفاخ الكيكه
قبل لا تطلعين الكيكه اغرزي فيها طرف سكينه بالوسط أو بعود اسنان ولازم ما يطلع شي مثل ما قلتي
بس ما اوصيك الفرن لازم ما يكون وايد حار أهم شي الحراره المتوسطه يعني مثلا الفرن لازم يكزن على حرارة 170 درجه اكثر شي للافران الصغيره
واتمنى لك التوفيق


الساعة الآن 05:44 .