أختي أم خالد انا تخصصي لغة عربية مثل ما قلت وماحدوا لي الدرس يعني الدرس يكون على كيفي المهم اروح اشرح والمشكلة انا ماعندي اخوات ولا قريبات معلمات ولا لهم صلة بالتدريس وحتى صاحباتي للحين ما توظفوا مثلي وهذا اللي خلاني اكتب الموضوع لاني جدااااااا جداااااااا خايفة والله لأني ماعندي خبرة ولا شي وش اسوي بالضبط كيف احضر كيف اوقف اشرح والمشكلة لما افكر ان شرحي هو اللي بتوقف عليه قبولي للوظيفة اضطرب اكثر والله مالي غيركم بعد الله سبحانه وتعالى وانا مؤمنة بالله سبحانه اذا لي رزق باخده بس والله الموقف لا احسد عليه ماعندي اي خلفية بالشرح والتحضير والتدريس وفجأة بروح اشرح احسها مرة صعبة علي ...

وانا طبيعتي خجولة جدا يعني ماني جريئة كثير والله خايفة واتمنى من البنات او المعلمات هنا يساعدوني وش اسوي يا بنات داخله على الله ثم عليكم لا تخيبون املي فيكم

:(

محد فكررر يرد :(

بالعكس حبيبتي تدريس الابتدائي سهل وبعدين اجلسي في غرفتك أمام المرآه واحفظي الدرس قبل ذلك واشرحيه امام المرآه واشرحي أمام أهلك مره أخرى واستعيني بالله وتوكلي عليه وثقي بنفسك ثقة تامه أتمنى لك التوفيق
:26:

أنت ليه مكبرة الموضوع :26:

لازم تكوني واثفة من نفسك وصدقيني المقابلة يمكن تكون تحصيل حاصل أهم شي يشوفوا انك لائقة بدنيا وصحيا
وبعدين انت دارسة 13 سنة حاولي تقلدي المعلمة اللي تحسيها جيدة او تابعي منتديات التعليم وحيساعدوك اكثر
وفيه بعض القنوات خاصة بالمناهج الدراسية يمكن تفيدك :26:

هونيها وتهون
احمدي ربك على الاقل ابتدائي ماتخافين يوهقونك والا يسوون فيك مقلب مثل المتوسط<<<(وحده مورطينها)
هو اكيد راح يكون في هيبه بما انك اول مره تقدمين...بس إن شاء الله راح تخف بعد الدقائق الأولى وراح تلاحظين انك نسيتي موضوع الخوف والمراقبه وهمك وقتها توصيل المعلومه
عشان كذا اهم شئ في الموضوع التحضير الممتاز وتكوني متمكنه من الدرس...عشان يكون عندك ثقه بنفسك
ولازم تحفظينه صمممممممم يعني تعيديه في البيت وتكرريه مية مره لان اللخبطه في الكلام راح تخلي اللي قدامك يحسبونك مانتي فاهمه شئ
لكن لو شافوك منطلقه وثابته راح يقولون هذي والله ممتازه حتى لو كانت معلوماتك (الله بالخير)يعني مشي حالك
بس عاد انتي جمعي الطرفين ...بحيث تكونين فاهمه الدرس وحافظته
هذا اللي قدرت اوجهك له ...اتمنى اكون افدتك بالقليل...وإذا عندك استفسار تفضلي (اختك جربت هالمواقف لين شبعت)