04-04-1425 هـ, 04:36 مساءً
 
هلا اختى الله يوفقك في مشروعك ...
واختى يوم ولدت لقيتها مسويه بالورق المقوى على شكل نعال صغير وبيت شكلهم كان روعه ورهيب وماخذه كور صغيره بحجم قبضه اليد تنفتح من النصف وشفافه حاطه فيهم لعبه صغيره وام اند امز الصغار اللى على شكل مثلث ورابطه الكوره بشرائط ورديه وزرقاء للاولاد والبنات اللى يجون ويا اهلهم اما النعال والكوخ او البيت كانت راسمه عليهم رسومات بالكمبيوتر وكاتبه اتز قيرل وحاطه الكاكاو فيه والبيت كانت مسكره السطح باللزقه ام وجهين علشان يقدرون يفتحونه وحاطه الكاكاو ومنزله شريطه من طرف السطح ورابطه بطاقه كاتبه فيها ويلكم ... بس الصراحه شئ الكل عجبه ...
ويوم سالتها قالت ها سي دى شارتنه من رفيجتها في مجموعه من الاشكال والصور والافكار الحلوه وتبيعه بـــ 200 ...
16-04-1425 هـ, 11:53 مساءً
 
شكراااااااااااا للجميع على مرورهم..

اختي فراشتان / ممكن توضحين اكثر عن السي دي هذا؟ وكيف احصل عليه؟؟؟

اتمنى الرد على قريباااااااااااااا

ولكم تحياتي
17-04-1425 هـ, 10:39 صباحاً
 
هلا اختى ...
السي دى عباره عن عده ملفات ... كل ملف فيه شئ ...يعنى مصنف ومسهل ...
اللى اذكره يوم شفته عند اختى ...
كانت فيه قوالب لعده اشكال من الصناديق على شكل سمكه وعلى شكل قلعه وكوخ ونعال ومربعات وكيك الصراحه اشكال وايده ... وصور انتى تركبينها على كيفيك على القوالب ...
وفيه صور لافكار للصغار والحفلات والاعراس وفيه طوابع لكتب وكراسات الصغار وفيه اوراق رسائل وظروف ... وفيه شكل الابجوره مره اختى قطعت كرتونه على شكل دائره وثبتت فيها كرتونه اسطوانيه وبعدين طبعت شكل الابجوره من فوق وصمغتها على الكرتونه الاسطوانيه طبعا صبغت الشكل من قبل وركبت وحطت عروسه صغيره على الطرف وسوت جدار مثل مال الحديقه وحطت الحلاوه على الطرف كان شكلها رهيب ومبتكر ...
يعنى فيه اشياء وصور حتى صور رسوم متحركه تركبينها للاطفال يعنى تاخذين صوره ابنج او بنتج او اى حد وتركبينها في الصور واطارات يعنى لو اقولج ما اقدر اوصفه ...
واذا تبغين باخذ ايميلها من اختى وبعطيج اياه تتفاهمين وياها ...
17-04-1425 هـ, 11:56 صباحاً
 
فراشتاااااااااااان هلا وغلا

شكراااااااااا على ردك وتجاوبك بس والله احتاج اشوف بعيوني افضل مع اني حاولت افهم عليك بس بعدني ما فهمت بشكل كامل بس والله تسوين خير ان دليتيني على الاخت اللي معاها السي دي بس اختي انتي من وين ؟؟؟؟؟؟

اتمنى ان تكوني من السعودية والرياض خاصة؟؟؟؟؟؟؟؟

على العموم ما قصرتي يعطيك الف عافية


تحياااااااااااااتي
17-04-1425 هـ, 03:22 مساءً
 


الساعة الآن 08:01 .