السلام عليكم ورحمة الله وبركاته

شخباركم حبيباتي

اللي تعرف طريقة صينية التوست بالدجاج
تعلمني ..

لان زوجي طلبها مني وماقدرت اقول له مااعرف .. قلت حبيباتي الحوائيات ماراح
يقصرون اكيد جعلي فدااااكم ..


انا بسويها بكره ع للغدا .. يعني ابيها الليله ضروووووووووووووووري

تكفون لا تفشلوني ..
29-06-1430 هـ, 12:34 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
تقطعي حواف النوست وتصفي في صينيه وتحطي الدجاج المسلوق ثم محموس ببصل وجزر وبقدونس يكون التوست مدهون بجبن سايل وتغطي الدجاج بطبقة توست مدهونه بجبن سايل علي الوجه خلطة بشاميل ودخلية الفرن من تحت شوي ومن فوق حتي يتحمر البشاميل
29-06-1430 هـ, 12:45 صباحاً
 
جزاج الله خير ياقلبي بس للاسف

زوجي مايحب خلطة الباشاميل ابددددددددددددددددددد وماعمره جربها حتى من كثر مايكرهها

هو اكلها من زمان ويقول فيها جبن ومدري ايش مافهمت عليه

ياليت تساعدوني
29-06-1430 هـ, 01:00 صباحاً
 



المقادير:

صحن صدور دجاج مسلوق مع بهارات ومنتف
بصل جوانح
جزر مقطع طوال
فلفل رومي مقطع طوال
بهارت وملح
كريمة مخفوقة
خبز توست مقصوص أطرافه
شوية حليب سائل



الطريقة:

1- نعمل الحمسة أولا..

وذلك بحمس البصل بالزيت ثم اضافة الدجاج المفتت ثم الجزر والفلفل الرومي..

ونضيف البهارات والملح.. لاتكثرون بهارات.. انا أكتفي بالفلفل الأسود ومرات أضيف شوية كمون..

وأخيرا نضيف الكريمة ونخلي الحمسة مغرقة وبروحها بتنشف شوية.. من تتداخل مع المكونات سكروا النار..

2- بالبايركس نحطي طبقة أولى من التوست ثم نرشه بشوية حليب عشان يلين ونحطي طبقة أولى من الحمسة..

ثم نرجع نضيف توست ورشة حليب مع طبقة ثانية من الحمسة.. وبس..

صاروا بقتين توست مرشوشين بالحليب مع طبقتين حمسة بالكريمة..

3- ندخل الصينية الفرن من تحت لحد ماتتماسك وبعدين من فوق تتحمر..

وذوقوا أحلى صينية توست بالدجاج والكريمة يمييييييييييييييييييييي..

اللي فوق صينية كبيرة بس نسيت أصورها بعد التقطيع وهذي الصينية سويناها مرة ثانية وصورتها بعد ماقطعتها..
29-06-1430 هـ, 01:23 صباحاً
 
آلمقآديرٍ ..

صدرين دجاج مقطع مكعبات ..
بصله مقطعه قطع صغار ..
زيت + ملح + بهارات+
صوص الصويا + كزبره ناشفه + فلفل اسود ..
فلفل بارد مقطع مكعبات صغار ..
حبة بطاطس مقطعه مكعبات ومقليه في الزيت ..
خبز توست منزوع الأطراف ..
صوص مكون من ( 3 ملاعق جبن سايل + علبة قشطه + ملعقة مايونيز )

الطريقه :

يحمس الدجاج مع البصل والزيت توضع عليه البهارات والملح والصوص
والفلفل والكزبره يترك الى ان ينضج وبعد ذلك يوضع عليه الفلفل البارد
والبطاطس المقلي .. يترك قليلا على النار

يوضع طبقه من خبز التوست في صينيه ..


نضع الدجاج فوق التوست ..



نضع طبقة توست أخرى ...



نضع الصوص ( الجبن + القشطه + المايونيز ) فوق طبقة الخبز ..



نحمرها في الفرن في الشوايه من فوق وتقدم ساخنه ...



وبالعآفيه ..


29-06-1430 هـ, 01:27 صباحاً
 


الساعة الآن 04:17 .