شخباركم ياحوائيات

اليوم موضوعي تابع للسلسله اي مواضيعي الاولى

ولما وعدت البنات اللي طلبوني طريقه اللبن واللبنه والجبنه قلت لازم اوفي بوعدي حتى الكل يستفيد وباقي الجبنه ان شاء الله بالقريب العاجل انزلها

مااطول عليكم وابدأ بموضوعي الجديد اللي هو


اللبنه


ونبدا دائما بذكر الله





** المطلوب **

طبعا لبن غنم وبسسسس


نبدأ


اولا
** لوازم عمل اللبنه **


** اي نوع مصفاه بس تكون تتحمل الضغط ماتنعوج بسرعه

** اي حبل موجود للربط

** والاهم خرقه بيضاء بالعربي قطعه قماش تكون كبيره نوعا ما اللي عندي متر بمتر ماتساعد ممكن تاخذين اكبر

** علبه لحفظ اللبنه لما تجهز لوضعها بالثلاجه




نبدأ
(( الخطوه الاولى ))
اخذت القماش وغسلتها بمويه وفيري زين مازين ونشفتها بعصرها بيدي اول شي وانفضها من المويه اصفطها صفته وحده بس وممكن ماتصفطينها تخلينها مثل ماهي اذا كانت كميه اللبن كثيره

اجيب اي قدر تتركز عليه المصفاه عشان المويه اللي راح تنزل من اللبن اتمنى فهمتوني

** وممكن تستغنين عن القدر والمصفاه في حال كانت الكميه كثيره بصندوق بلاستيك مخروم مثل اللي بالبقالات وتحطين تحت الصندوق صحن يستوعب المويه اللي بتنزل




** نفرش القماش بالمصفاه ونتأكد انها متساويه عشان نعرف نربطها بعدين


** نبدأ بصب اللبن اللي مخضناه قبل كذا وطلعنا الزبده منه بقطعه القماش


**ونربطها زين
في البدايه انا ربطتها بنفس القماش لانها ماتستوعب الربط لان يالله كفت القماشه صغيره اللي عندي



الصوره راح توضح اكثر

شوفي المصفاة كيف مركوزه على القدر



خليته زي ماهي على الطاوله يجيلها كم ساعه ورجعتلها وفكيتها


** ملحوظه **
يستغرق عمل اللبنه يوم كامل
ولازم كل كم ساعه نشوفها ونكرب << نشد عليها عشان تنزل مويه اللبن ويبقى اللبنه


شوفي صورتها بعد كم ساعه


قل نسبه المويه وانزلت بالقدر
طبعا جمعت بالملعقه اللبنه اللي بحواف القماشه ورجعتها بالوسط ورجعت صريتها بس هالمره قل كميه اللبن فشديت عليها مررره وربطتها بالحبل اللي عندي وجبت جركل مويه شويه ثقيل وحطيته فوق الصره عشان يساعد و يسرع بنزول المويه منها وممكن اي شي عندك ثقيل تحطينه مو شرط جركل مويه



**هذهي بعد كم ساعه فكيتها وجمعت بالملعقه اللبنه اللي على الاطراف ورجعتها بالوسط ورجعت صريتها

شوفي قل كميه اللبن




رجعت صريتها وشديت عليها بعد وربطتها وحطيت الجركل فوقها



** وهذهي بعد كم ساعه لاحظو الفرق بدت تبين اللبنه





وسويت نفس الطريقه تجميع اللبنه وصرها مره ثانيه بالشد عليها ووضع الثقل



وهذهي بعد كم ساعه تكونت اللبنه عندي خلاص




هنا انا جمعتها بالملعقه زين وحطيتها بوعاء ناااااشف مابه نقطه مويه عشان ماتخرب معي بعدين

** ملاحظه **
ممكن ترجعين تصرينها بعد عشان تطلع اللبنه شوي اقسى((عشان تساعدك بتكويرها بعدين)) لاني انا استعجلت عليها واطلعت معي اللبنه رخوه مثل اللي بالسوق بالضبط ماتفرقينها عنها بس عيبها تكويرها صعب
وراح اذكر ليش لازم تكويرها بأخر الموضوع





باقي لاتردن


معليه النت عندي تعبان راح اكمل خلال ساعه بأذن الله
ارجو المعذره

بالانتظار ويعطيك العافيه يالغلا
تسلم يدك


والله يحرمها على النار

هاهي السنين تمر !! 15 سنة بدون أطفال !!! الله يرضى عنك يابلسم و يرضيك !!!


http://forum.hawaaworld.com/showthre...4#post77223674
نكمل الخطوات



احب انوه ان راح تنزل مويه اللبنه في البدايه بيضا مثل اللبن وبعدين تبدا تصير مايله للاخضر عادي هذا دليل ان اللبنه قربت تجهز




هذي صوره المويه في البدايه وبالأخير







** نرجع للبنه

بعد ماحطيتها بوعاء جاف احركها بالملعقه زين عشان تتجانس معي ومايطلع شي منها متكتل


** وطريقه التحريك زي طريقه تحريك خليط الكيك او خفق البيض




وبعدين اجيب

** ملح >>> ضروري
** حبه سوده>>> اختياري حسب رغبتك






واذر الملح بالاول واذوقها اذا حسيت انها محتاجه ملح فأنا زدتها


** بس مو مره تملحينها يعني شويه اللي يعدل طعمها بس




وارجع اذر الحبه السوده شويه مااكثره واحركه زين الين ماتتوزع زين الحبه السوده




شوفي الصوره







اجهز العلبه للبنه وتكون نظيفه وجاااافه من المويه لان المويه تساعد ان اللبنه تخرب ويعفن بسرعه
وبعد مااتأكد انه جاف أنصف العلبه زيت زيتون<<<< ضروري حتى يساعد اللبنه انها ماتخرب مثل العازل يعني واحطها عندي

وابدأ اكور اللبنه بيدي النظيفه

وطبعا لاني استعجلت عليها وطلعت رخوه مثل لبنه السوق لاني مااحبها تطلع قاسيه فراح يكون تكويرها صعب



** وش سويت جبت شويه مويه بصحن ابلل يدي بنقط مويه واكورها << لاحظو نقط عشان مايكون مع اللبنه مويه



واسقطها شوي شوي بالزيت الين مااخلص الكميه واذا حسيت ان الزيت قليل ازيده شوي واكمل تكوير وهكذا وبعدين سيدا للثلاجه



شوفي شكله بالعلبه بعد ماكورته



** ملاحظه **
لما تجين تاخذين من اللبنه بعدين لازم تكون الملعقه جافه والا دخلت المويه وعفن باللبنه لانه مو مثل لبنه السوق عادي تخلينها بدون ماتخرب


بس الطعم جناااااااان احلى من لبنه السوق بكثييير بشهاده كل من ذاقها



شوفي مراحل الصره من البدايه للاخير فرق




وهذي كميه اللبن من البدايه للاخير






وسلامتكم

وصحه وهنا



دعواتكم



الساعة الآن 11:02 .