صباح الخير
مثل مانتو عارفين ، بالصبح الواحد زين يقوم من النوم وعقب مايقوم مو كل ريوق يحب ياكله
يعتمد على المزاج خصوصا اذا فيك نومة وانت قايم غصب

فلو كل واحد يقول شنو يسوي ريوق كل يوم ويفضل بصور
من شان الكل يستفيد ، ويفيد غيره بالافكار الي يسويها
طبخات الريوق الاعتيادية تمللنا منه مثل بيض مقلي - بيض مسلوق - بيض وطماط - جبن - زيتون -لبنة وزعتر

ونقعد من النوم مانتحير ونسوي ريوق لذيذ ويفتح الشهية ومبتكر

ياريت تتفاعلون معاي
وشكرا

اللهم لك الحمد حتى ترضى، ولك الحمد اذا رضيت ، ولك الحمد بعد الرضا



انا اليوم اشتهيت فول وعدس وتميس من برا ,, وزوجي حبيبي ماقصر جاب لي
اللهم لك الحمد ولك الشكر كماينبغي لجلال وجهك وعظيم سلطانك
نامية الشوق عوااااااافي على قلبك ، والله يخلي لك زوجك

والله للحين ماتريقت ههههه ماعجبني ريوق البيت ماكلت الا تفاحه جوعانه اطالع طبيخكم واجوع
اللهم لك الحمد حتى ترضى، ولك الحمد اذا رضيت ، ولك الحمد بعد الرضا



السلام عليكم
هذا موضوع منقول من بريدي ان شاء يكون فيه افكار تعجبك




انا طول عمري ما حب الفطور بس من الان وبعد هذي الافكار
حيتغير النظام


ومن ناحية الرشاقه ..وجبة الفطور تعتبر الوجبه الأساسيه لتحرك عضلات البطن في الهضم .. لانها وجبه بعد الأستيقاظ من النوم .. فالجسم بيتحرك بدون كسل ..



معلومات بسيطه حبيت أطرحها واتمنى تستفيدون منها ..
نشوف مع بعض أنواع وجبات للفطور ..


وتقدرين تغيرين بالمقادير .. الي تبي دجاج بدل اللحم او تونه ..






[ بيض بالمرتديلا ]

نقطع المرتديلا + فلفل بارد وندهن الكاسات بزيت ونحط الفلفل البارد ثم المرتديلا ثم الجبن ..


نخق البيض مع ملح وفلفل ونصبه عليهم ونحطهم بصينيه وندخلهم الفرن من تحت حوالي 15 دقيقه .. او بالمكرويف 3 دقايق ..

وتكون جاهزه ..


وبكذا تكون وجبه متكامله .. بروتين + كالسيوم + فيتامين من الفلفل البارد


وقدميها مع خبز وزيتون وكاس قهوه ..



علبه جبن [ يفضل فيتا ] او حلوم حسب رغبتك + 2 بيضه + 1\3 كاس صحين + فانيليا + سكر



نفصل صفار البيض عن البياض .. ونلخط الصفار مع 2 ملعقه صغيره سكر وملعقه صغيره فانيليا .. ثم نضيف الطحين والجبنه بعد تفتيتها ..

بياض البيض نخفقه لحاله حتى ينفش ..




ثم نضيفه ع العجينه .. ونبدا نصبه بالتاوه بعد دهنها بالزبده ..




دقيقه ثم نقلبها ..


وقدميها مع العسل او المربى ..


لو عندك فراوله طبيعي او مجمد حطي لك مقدار بياله مع 1\2ملعقه سكر ونص ملعقه خل .. ثم اهرسيهم وحطيهم على الوجه ..


او توت ..

ومع كاس حليب بتكون وجبه مثاليه ..




[ ميني بان كيك ]




الخليط هذا سريع ولا يحتاج بيض ولا زيت ولا حليب .. فقط مويه ..


جهزيه وهاتي قوالب أشكال .. وأبدي الشغل . .




حطيهم ع التاوه وصبي الخليط فيها ..




وقدميها بطريقتك ..




الساعة الآن 09:25 .